Yoni 12:3 - The Keyagana NT and 25 OT books

³ Maiʼneʼapaeʼmo Maliyaʼa alopa moniletiʼmo miya nefaiya uvelimo alagepa atumo neʼaiya uvelimo lole kapufiʼmo haneʼniya agufa uvelimo alinineno Yesu aiyalateʼmo lakino faleno ateteno ayokatetiʼmo alino hau huno ateʼnigenoʼaeʼmo alagepa atuʼamoʼmo ani maiʼnaya nopiʼmo havai teʼniye.

Yoni 12:3 ပူးပေါင်းရင်းမြစ်များ

Mai'naya kavane 27:16

Mago vekamoʼmo ani a kanoʼeʼmo ge neʼvaiʼa gemo vayaʼmogimo oʼafisayafeʼmo aliʼna fala kiʼna atalegauve, huno hisiya vekamo yasimo alino fala kino atesiya vekagana huno maige alagepa atumo neʼaiya uvelimo alino fala kino atesiyafeʼmo ayapiʼmo alige nehiya vekagana huno maiʼniye.

Salomoni Yokemae 1:12

Kini vekaʼnimo hiʼyalamuʼaleʼmo siyateʼmo fai maiʼnigenoʼaeʼmo fale maleʼnova aniʼmoʼa alagepa atuʼamoʼmo aino atagu nefae.

Salomoni Yokemae 1:3

Asole alagepa atumo neʼaiya uveliletiʼmo kagufaleʼmo fale maleʼnanageno kagufalegatiʼmo alagepa atumo neʼaiye. Kagikamoʼmo alagepa atuʼmo neʼaiya aniʼmo aino lakiʼniya anikana huno haneʼneno alagepa atumo neʼaiyaʼmofeʼmo veʼeʼmo magokepi lokaeʼa ohavaeʼnaya aʼmafaʼne anagaʼmogimo kagaefeʼmo hapau apayamopafiʼmo nehapaiye.

Salomoni Yokemae 4:10

Nasaʼnimogamo aʼnimae, huʼna, Nagaefeʼmo kahau kayamopafiʼmo kahauʼniya kavaʼmoʼa kanale alagepa kavaʼmo haneʼniye. Ani kahauʼniya kavakamo hagaʼamoʼmo nofi alagafati aniʼmoʼa nehiya hagaʼamo alagi ago aeno agaseʼniye. Ani nefalana aniʼmoʼa alagepa atuʼamoʼmo muki alagepa atumo neʼaiya yaʼmo atuʼamo ago aeno agaseʼniye.

Luki 10:42

Maliyaʼa ani alagepa yafekeʼmo agesamo afiteno ago lekana paino aliʼniyaʼmofeʼmo mago vekamoʼmo ayapatiʼmo alino hafaleno oʼatalegaiye, huno ha paiʼniye.

Luki 7:46

Afa uvelimo nagenopafiʼmo lakika oʼnateʼnanaʼmonanafa mani a kanomoʼmo naiyaleʼmo alagepa atumo neʼaiya uveliletiʼmo faleno nateʼniye.

Yoni 11:2

Ani Maliyaʼa hogoteno alagepa atumo neʼaiya uvelimo Ala kava neʼmo aiyaleʼmo lakino faleno ateteno ayokatetiʼmo alino hau huno ateʼniye. Asaʼamoʼmo Layosiʼmo kaita hauʼniye.

Yoni 11:28

Mataʼa ani gemo hutenoʼaeʼmo halate aino atagi neno uno vayaʼmogimo oʼafisayafeʼmo aganaʼamoʼmo Maliyafeʼmo sumi huno ha painoʼaeʼmo, Tisa vekamo ago eno manileʼmo avaʼyi huteno kagaefeʼmo eno, huno ge nehiye, huno ha paiʼnigeno

Yoni 11:32

Maliyaʼa Yesutegamo uno avaʼyi huteno aiyafiʼmo asagauno aino maiʼnenoʼaeʼmo, Ala kava nene, huno, manileʼmo maiʼnanesinana nasaʼnimoʼmo ofaliʼniyesine, huno ha paiʼnigenoʼaeʼmo

Yoni 19:39

Nikonimasiʼa hogoteno mago haniʼilagamo Yesutegamo eʼniya vekamoʼmo lole yosalapati aniʼmoʼa alagepa atumo neʼaiya malasini aniʼmoʼa agufaʼamo okasalino afaʼa hanesiya anitalamogani anakiʼanimo meyaʼe atosiʼeʼmo lusi kava huno kana huʼniya kuʼmo alinino eʼniye. Kana huʼniya yaʼamoʼmo 34 kilo agufa kana huʼniya yaʼmo haneʼniye.