Yoni 12:10 - The Keyagana NT and 25 OT books

^10-11 Layosiʼmo afaʼa maiʼnigeʼa ageteʼa muki Yu vayaʼmogi Yesufeʼmo apakesa afiʼa fatago huʼnageʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼmogimo huʼapaeʼmo, Layosiʼeʼmo anamagigune, huteʼa vegemo huʼnae.

Yoni 12:10 ပူးပေါင်းရင်းမြစ်များ

Hatu maeno apate'niya gemae 10:3

Inagi Moseseʼe Eloniʼeʼmo Felotegamo uʼana ha paiʼanaeʼmo, Ala kava neʼmo Himulu vayaʼmogita Gotitimoʼmo kagaefeʼmo hunoʼaeʼmo, Na magi afinaʼmo geʼnimo amagika ataleteka naiyafiʼmo oʼmaiʼnane. Vayaʼnimo afaʼa apatalegeʼa uʼa nagaetefeʼmo mono hiyo.

Matiyu 12:14

Falasi mono vayaʼmo ataleʼuʼa Yesuʼmo atafauʼa amagisayafeʼmo aliʼa anupa huʼa maiʼneʼa ge huge afige huʼa maiʼnae.

Matiyu 2:16

Helotiʼa agesamo afiʼniyana, ageteʼa afiʼnaya vayaʼmogimo humi nateteʼa nagesasi huʼa uʼnae, huno huteno lusi kava huno aipamo leʼniye. Agaemo, Metelehamu taonifiʼe Metelehamu haopalegaʼeʼmo uteta hutapa muki ve mafaʼne anagaʼmo lole kafugamo oʼmaiʼnisaya ve mafaʼne anagaʼmo apamagigeʼa faliyo, huno hapa paiʼniye. Agaemo ageteʼa afiʼnaya vayaʼmogimo ani afinaʼmo kanefiʼmo afole aiʼnigeta ageʼnone, huʼa ha paiʼnaya geʼapieʼmo agesamo afiʼniyaʼmofeʼmo ani gemo huʼniye.

Luki 16:31

Moseseʼa avoʼmo kae maleʼniya geʼe Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya geʼeʼmo oʼafisayana mago faliʼnisiya vekamoʼmo he tinuno hapa paisiya gemo oʼafigae, huno ha paiʼniye, huno Yesuʼa hapa paiʼniye.

Yoni 11:57

Mono huʼa neʼapataya vayaʼaiteʼmo yagaiʼa neʼapataya vayaʼe Falasi vayaʼmogiʼeʼmo huʼapaeʼmo, mago vekamogamo agesanaʼmoʼmo eka laha paigetao kalavusi huta ateno, huʼa hu maleʼnae.

Yoni 12:9

Yesuʼa eno maiʼniye, huʼa huʼnaya gemo afiteʼapaeʼmo muki Yu vayaʼmo Yesukeʼmo agesayafeʼmo oʼmeʼnafa Layosiʼa faliʼniyatetiʼmo alino he tino ateʼniya vekaeʼmo anakesayafeʼmo eʼnae.