Yoni 11:55 - The Keyagana NT and 25 OT books

⁵⁵ Yu vayaʼai Pasova afinaʼmo hogo huʼnigeʼapaeʼmo hogoteʼa muki vayaʼamogimo mono kavaʼmo akame hisayafeʼmo alo huteʼa neʼyaʼmo nesayafeʼmo muki koʼapiletiʼmo ataleʼa Yulusalemu taonifiʼmo uʼnae.

Yoni 11:55 ပူးပေါင်းရင်းမြစ်များ

Aepa Gemae 35:2

Inagi Yekopuʼa muki afamo anagaʼaenagi muki agaeʼeʼmo magokepi maiʼnaya vayaʼaifenagi huno hapa painoʼaeʼmo, Lapakaemo alu nofi vayaʼmogi muki aigofe gotiʼapimogimo lapakaetegatiʼmo alita ataleyo. Lapakaitapimo alita alagepa hutapa lapatetetapa kukenatapimo asagitapa ataletetapa alu kukenamo alita vaiyo.

Samu 26:6

Nagaemo hosu kavaʼmo nosuvaʼmofeʼmo aliʼna apave lisuvafeʼmo nayatalaʼmo sese huguve. O Ala kava nene, huʼna, Vayakaʼeʼmo mono nokafiʼmo mono huguve.

Hatu maeno apate'niya gemae 19:10

Inagi Ala kava neʼmoʼa Mosesefeʼmo ha painoʼaeʼmo, Naulagaleʼmo he tiʼa maisayafeʼmo kagaemo uka hemeniʼe egaʼeʼmo apavaleka apaote apato. Muki vayaʼaifeʼmo, kukenatapimo sese hiyo, huka hapa paiyo.

Matiyu 26:1

Yesuʼa muki geʼamo alagi hapa paino hano hutenoʼaeʼmo geʼamo neʼafiya vayaʼaifeʼmo hapa painoʼaeʼmo,

Matiyu 26:2

ago afiʼnayana lole afinaʼmo utesigeno Pasova hopa afinaʼmo afole aigiye. Afole aitesigeʼapaeʼmo Vemo mafaʼnemo malipu yosaleʼmo nili aiteʼa aliʼa he tiʼa atesayafeʼmo avaleli uʼa apamigae, huno hapa paiʼniye.

Maki 14:1

Lole afinaʼmo utesigenoʼaeʼmo Yu vayaʼai Pasova hopa afinaʼmo aeno apafu noleya peleti mayamo neʼnaya afinaʼmo afole aisiyafe huʼniye. Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo kesi katetiʼmo uʼa Yesuʼa atafauʼa kamitimo amagisaya kafeʼmo kahauya huʼa maiʼnae.

Luki 22:1

Lusi neʼyaʼmo yagita nehaya hopa afinaʼmo aeno apafu noleya peleti mayamo neʼnaya afinaʼmo agiʼamo Pasova afinaʼmo afole aisiyafeʼmo huʼniye.

Yoni 12:1

Sigisiʼa afinaʼmo utesigeno Pasova hopa afinaʼmo afole aisiyafeʼmo huʼniya afinaʼmo Yesuʼa Metani taonifiʼmo Layosiʼa faliʼniyatetiʼmo alino he tino ateʼniya kotegamo eʼniye.

Yoni 13:1

Alopa neʼyaʼmo neʼnaya Pasova afinaʼmo ago afole aigefeʼmo hogo huʼnigenoʼaeʼmo Yesuʼa agaiʼamo ago afiʼniyana ma mopamo ataleʼna Afoʼnimotegamo uʼna haisuva afinaʼnimo ago hogo huʼniye, huno afiʼniye. Agaemo ma mopafi maiʼnaya vayaʼamogifeʼmo hau ayamopafiʼmo haume haume eno atupa afinaʼeʼmo hauʼniye.

Yoni 18:28

Saufamo kotilamiyapiʼmo Kaiyafasi notegatiʼmo Yesuʼmo avaleliʼa ala gamani vekamo notegamo uʼnayaʼmonanafa hopa afinaʼmo Pasova neʼyaʼmo nesayafeʼmo apakesa afiteʼapaeʼmo, fiku yanageno lagufamo alino hosu huno lategaiye. Yu nofi vekamo oʼmaiʼniyaʼmofeʼmo noʼafiʼmo uta ohaigune, huʼa huteʼa agotimo nehaya nopiʼmo uʼa ohaiʼnae.

Yoni 2:13

Yu vayaʼai hopa afinaʼmo Pasova neʼyaʼmo neʼnaya afinaʼmo ago hogo huʼnigenoʼaeʼmo Yesuʼa Yulusalemu taonifiʼmo uʼniye.

Yoni 2:6

Ani nopiʼmo sigisiʼa yafa ani keʼmo haneʼnigeno Yu vayaʼai mono kavaʼapimo akame huʼa aniʼmo nefalaya keʼmo haneʼniye. Ani kepiʼmo teniʼa paketi aniʼmo haneʼnisifi fifitiniʼa paketi aniʼmo haneʼnisifi huʼniya ani keʼmo haneʼniye.

Yoni 5:1

Mago afinaʼmo utegeno Yesuʼa Yulusalemu taonifiʼmo hopa afinaʼmo uʼniye.

Yoni 6:4

Pasova hopa afinaʼmo ago alagi hogo huʼniye.

Apa 21:24

Kagaemo apakaeʼeʼmo magokepi lokaeka uka haika kagae kagufaʼe apakae apakufaʼeʼmo Goti aulagaleʼmo alita alagepa huta lapatesayafeʼmo mono nopiʼmo uka haiyo. Hapa maeka miya faika apato. Kavaʼapimo hano hisigeʼapaeʼmo apayokaʼmo lagauʼa apategae. Ani kavaʼmo hisanageʼa ageteʼapaeʼmo, Polofeʼmo aigofe ava gemo huʼnae. Poloʼa alagepa kavaʼmo huno Mosese keʼaepa gemo akame nehiye, huʼa hugae.

Apa 21:26

Ani gemo huʼnayaʼmofeʼmo Poloʼa egaʼamo apavalelinuno mono kavaʼmo huno agaiʼa agufaʼe apakae apakufaʼeʼmo alino alagepa huno apateʼniye. Agaemo ani Yu vayaʼai mono kavaʼmo huteno Yu vayaʼai alopa mono nopiʼmo uno haino mono huʼa neʼapataya vayaʼaifeʼmo, seveniʼa afinaʼmo utesigeno alita alagepa huta nelatona kavaʼmo hano hugiye. Alo hutapa maiʼnetapa hano hisigetapaeʼmo ofalinimo amitapa lateyo, huno hapa paiʼniye.

Apa 24:18

Alopa mono nopiʼmo uʼna haiʼna mono kavaʼmo huʼna nagufamo aliʼna alagepa huʼna ateteʼna mono kavaʼmo huʼnogeʼa nageʼnae. Ani afinaʼmo nagaeʼeʼmo asole vayaʼmo magokepi lokaeʼa oʼmaige apano oʼaege huʼnageta afaʼa maiʼnone. Mono nopiʼmo maiʼnogeʼapaeʼmo mago Yu vayaʼmo Esiya kotegatiʼmo eʼnaya vayaʼmogimo nageʼnae.

1 Kolitiyani 11:28

Vayaʼmogimo hogoteʼa apamete apamete huʼa apakaiʼapi apaipafi kavaʼapimo aliʼa fako huʼa ateteʼa alo hu maleʼneʼapaekeʼmo peleti mayaʼe aniʼeʼmo nesaya kavaʼmo haneʼniye.

Yemisi 4:8

Goti haopaleʼmo vigenoʼao lapakae lapaopaleʼmo eno. Hosu kavaʼmo nehaya vayaʼmogitapae, huʼna, lapayaʼmo sese hiyo. Lole lapakesamo neʼafiya vayanagi lapaipafatiʼmo oʼaniʼyamo aeta kalo paetapa ataleyo.

1 Samiyo 16:5

Samiyoʼmo hunoʼaeʼmo, He, magokepiʼmo alagepa huta lokaeta maisunafeʼmo eʼnovanageʼna Ala kava netefeʼmo ofalinimo huguve. Lapakaemo ofalini kavaʼmo hisayafeʼmo hogoteta alo hutetapa nagaeʼeʼmo viyo, huno hapa paiteno Yesiʼe mafaʼne anagaʼaʼeʼmo apavaleno apaote apateʼniye. Apateʼnenoʼaeʼmo, Gotitefeʼmo ofalinimo hisuvategamo eyo.