Yoni 11:53 - The Keyagana NT and 25 OT books

⁵³ Ani afinatetiʼmo haiya kava huta amagisupi, huʼa huteʼa vege huʼnae.

Yoni 11:53 ပူးပေါင်းရင်းမြစ်များ

Aepa Gemae 37:18

Apakaemo ageʼnayana afagiʼaleʼmo eʼnigeʼa ageteʼapaeʼmo hapaopaleʼmo eno hogo osuʼnigeʼapaeʼmo kamitimo amagisageno falisiyafeʼmo vege huʼnae.

Samu 113:2

Vayaʼmogi Ala kava neʼmo agiʼalefeʼmo aliʼa auleʼa ateyo. Hemeniʼe muki afinaʼeʼmo aliʼa auleʼa ateyo.

Samu 2:2

Ma mopafi kava vayaʼe kini vayaʼapimogiʼeʼmo Ala kava netegaʼe lekana paino ateteno uvelimo lakino faleno ateʼniya vekalegaʼeʼmo kame huʼana anatesayafeʼmo aliʼa anupa huʼa maiʼneʼa vegemo huʼapaeʼmo, yagaiʼana latesaʼagetaeʼmo anaiyafiʼmo oʼmaigune, huʼa nehae.

Samu 31:13

Muki vayaʼmogimo huʼa faipa huʼa nateʼnageʼna afiʼnove. Lusi kava huno koli kavaʼmo faino vego huno nateʼniye. Apakaemo kamitimo namagisayafeʼmo vegemo nehae.

Matiyu 12:14

Falasi mono vayaʼmo ataleʼuʼa Yesuʼmo atafauʼa amagisayafeʼmo aliʼa anupa huʼa maiʼneʼa ge huge afige huʼa maiʼnae.

Matiyu 16:21

Yesuʼa ani afinatetiʼmo geʼamo neʼafiya vayaʼaifeʼmo aepa faino huno afole aino hapa painoʼaeʼmo, nagaemo Yulusalemu taonifiʼmo uʼna maiʼnisugeʼapaeʼmo vayatama vayanagi mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo aliʼa apaya neʼmalaya vayanagi huʼa lusi hanageke yaʼmo namiteʼa kamitimo namagigae. Loleʼe magoʼe afinaʼmo utesigeno halate alino he tino nategaiye, huno hapa paiʼniye.

Matiyu 22:46

geʼaleʼmo aeʼa atagaina huʼa ha paisaya agufa geʼapimo alagi ohaneʼniye. Ani afinatetiʼmo koli huʼnayaʼmofeʼmo magoʼe huʼa loka huʼa afi okeʼnae.

Matiyu 26:4

Apakaemo kesi katetiʼmo uʼa Yesuʼmo atafauʼa kalavusi huʼa ateteʼa amagisayafeʼmo ge huge afige huʼa maiʼnae.

Matiyu 26:59

Mono huʼa neʼapataya vayaʼaiteʼmo yagaiʼa neʼapataya vayaʼe muki kanisole vayaʼmogiʼeʼmo Yesuʼa amagisaya geeʼmo kahauya huʼnae.

Maki 14:1

Lole afinaʼmo utesigenoʼaeʼmo Yu vayaʼai Pasova hopa afinaʼmo aeno apafu noleya peleti mayamo neʼnaya afinaʼmo afole aisiyafe huʼniye. Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo kesi katetiʼmo uʼa Yesuʼa atafauʼa kamitimo amagisaya kafeʼmo kahauya huʼa maiʼnae.

Maki 3:6

Falasi mono vayaʼmogi ani kavaʼmo ageteʼapaeʼmo mono nopatiʼmo emi eʼa malage huʼa Helotiʼa akame huʼnaya vayaʼeʼmo aliʼa anupa huʼa maiʼneʼa Yesuʼa amagisayafeʼmo ge huge afige huʼa maiʼnae.

Yoni 11:47

Afiteʼa kanisole vayanagi mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi huʼa aliʼa anupa huʼa maiʼneʼapaeʼmo, na agufa kavaʼmo hisune. Ani vekamoʼa noʼagona agufa asole aune kavaʼmo nehiye.

Yoni 12:10

Layosiʼmo afaʼa maiʼnigeʼa ageteʼa muki Yu vayaʼmogi Yesufeʼmo apakesa afiʼa fatago huʼnageʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼmogimo huʼapaeʼmo, Layosiʼeʼmo anamagigune, huteʼa vegemo huʼnae.

Yoni 7:1

Mago afinaʼmo utegeʼapaeʼmo Yu vayaʼmogi Yesuʼmo kamiti amagigune, huʼa huʼnayaʼmofeʼmo Yutiya kotegamo umenitata osuno Galeliya kotegageʼmo umenitata huʼniye.

Apa 5:33

Kanisole vayaʼmogimo ani gemo afiʼnagenoʼaeʼmo apaipafiʼmo faiʼnigenoʼaeʼmo apaipamo lusi kava huno leʼnigeʼapaeʼmo, ani vayaʼmo apamagigune, huʼa huteʼa ge huge afige huʼnae.

Apa 9:23

Yatala afinaʼmo utegeʼapaeʼmo Yu vayaʼmo aliʼa anupa huʼa maiʼneʼapaeʼmo, Soloʼmo amagigune, huʼa huʼnayaʼmonanafa