Yoni 11:51 - The Keyagana NT and 25 OT books

⁵¹ Agaiʼamo ani gemo osuʼnifa ani kafugamo mono huʼa neʼapataya vayaʼaiteʼmo yagaino neʼapateya vekamo maiʼniyaʼmofeʼmo aune gemo huno Gotitegati gemo alinineno aeno hakalo huno hapa painoʼaeʼmo, Yesuʼa Yu nofi vayaʼaitefeʼmo falino apategaiye.

Yoni 11:51 ပူးပေါင်းရင်းမြစ်များ

Neniyo 9:26

Inagi sigisiti tuʼa sotamo utesigeʼa Mesaiya vekamo agoti huʼa ateteʼa amagisageno faligiyaʼmonanafa agaiʼalefeʼmo ofaligiye. Falitesigeʼapaeʼmo afole aisiya kini vekamo ami vayaʼamogimo eʼa Yulusalemu taoniʼe mono noʼeʼmo heʼa halagape vaiʼa atalegae. Alopa aniʼmoʼa ani heteno muki yaʼmo alinino neʼviya kava huno ani kamemoʼmo muki yaʼe vayaʼeʼmo alinino ugiye. Gotiʼa hu maleʼniya alopa kana yaʼmo afole aime aime neʼvisigenoʼaeʼmo ani kamemoʼmo hano hugiye.

Napa 22:28

Inagi Ala kava neʼmoʼa nokimoʼmo age aino ge hisiya kavaʼmo huʼnigenoʼaeʼmo nokiʼmoʼmo Melamifeʼmo hunoʼaeʼmo, Nagaemo kagaetegamo na agufa kavaʼmo huʼnogekaeʼmo loleʼe magoʼe afinaʼmo namagiʼnane, huno ha paiʼnigeno

Napa 24:2

Agaemo ageʼniyana Isaleli vayaʼmo alu nofi vaya alu nofi vayaʼmogi seli noʼapimo apaote apaote huno haneʼnigeno Goti Aunemeʼamoʼa agaeteʼmo emineʼniye.

Matiyu 20:28

Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.

Yoni 11:49

Apakaepatiʼmo mago vekamo agiʼamo Kaiyafasiʼa ani kafugamo mono huʼa neʼapataya vayaʼaiteʼmo yagaino neʼapateya vekamoʼa hunoʼaeʼmo, lapakaemo aiseʼamo oʼafiʼnae.

Yoni 18:13

Hogoteʼa Anasi notegamo avaleliʼa uʼnae. Ani kafugamo hogote vekamo mono huʼa neʼapataya vayaʼaiteʼmo yagaino neʼapateya vekamo agiʼamo Kaiyafasiʼae. Kaiyafasi ayemoʼamoʼmo Anasiʼae.

1 Kolitiyani 13:2

Gotitegati gemo aliniʼneʼna aeʼna hakalo huge muki fala kiʼniya gemo afige muki gemo alagepa huʼna afige Gotifeʼmo magoʼe huʼna nagesamo afiʼna fatago nehuʼnaeʼmo avemo afaʼa aliʼna yaga auʼna alu yategamo atalege huʼna neʼmaisuvana nahau nayamopafiʼmo oʼnahausiyaʼmoʼmo ina agufa vekamo maiʼnove.

2 Kolitiyani 5:21

Na kava higetaene. Lagaemo Kalaisipiʼmo maiʼnetaeʼmo Goti fatago kavaʼamo hamalesunafeʼmo Gotiʼa hosu kavaʼmo alagi osuʼniya vekamo alino hamaleno ateʼnigeno hosu kavaʼmo hamaleʼniye.

Galesiya 3:13

Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.

1 Pita 2:24

Agaiʼageʼmo hosu kavatimo agufafiʼmo aliteno malipu yosaleʼmo faliʼniye. Hosu kavatilefeʼmo falitetaeʼmo alagepa kavaʼalefeʼmo afaʼa maisunafeʼmo faliʼniye. Amagiʼnageno fugaginaʼamoʼmo huʼniya kavaʼaletiʼmo Gotiʼa alino auleno lapateʼniye.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

1 Yoni 2:2

Agaiʼamo Gotiʼa aipamoʼmo falu huno latesiyafeʼmo maiʼniye. Gotiʼa lagaefekeʼmo aipamoʼmo falu huno latesiyafeʼmo oʼmaiʼnifa muki ma mopafiʼmo maiʼnaya vayaʼefeʼmo Gotiʼa aipamoʼmo falu huno apatesiyafeʼmo maiʼniye.

1 Samiyo 23:9

Neviniʼmo Soloʼmo nagaetegamo hosu kavaʼmo hisiyafeʼmo aipa agesamo afiʼniye. Agesamo afitenoʼaeʼmo mono huno neʼapateya vekamo Amiyatafeʼmo hunoʼaeʼmo, Mono huʼa neʼapataya vayaʼmo nehapiya kenaʼe lole yafatalaʼeʼmo alinika eno, huno huʼnigeno alinino eʼniye.

1 Samiyo 28:6

Soloʼmo Ala kava nefeʼmo ge huno afi geʼniyaʼmonanafa Ala kava neʼmoʼa ha opaiʼniye. Agaemo mago alagamuna oʼamige hisaya kavaʼmo neʼagaya yafatetiʼmo Soloʼmo alino ave olige polofeti geʼapiletiʼmo ha opaige huʼniye.