Yoni 11:5 - The Keyagana NT and 25 OT books

⁵ Yesuʼa Mataʼagi aganaʼamoʼagi asaʼamoʼmo Layosifenagi huno hau ayamopafiʼmo hauʼnigenoʼaeʼmo

Yoni 11:5 ပူးပေါင်းရင်းမြစ်များ

Luki 10:38

Henagaʼamo Yesuʼe geʼamo neʼafiya vayaʼeʼmo Yulusalemu taonifiʼmo ugefeʼmo neʼuʼapaeʼmo mago taonifiʼmo uʼa avaʼyi huʼnagenoʼaeʼmo mago aʼmo agiʼamo Mataʼa alino falu fala huno ateteno noʼafiʼmo avalelino uno haiʼniye.

Luki 10:40

Afiʼniyaʼmonanafa Mataʼa lusi neʼyaʼmo yagita hisiyafeʼmo agesamo afitenoʼaeʼmo hauʼe hauʼe huteno eno Yesufeʼmo hunoʼaeʼmo, Ala kava nene, huno, naganaʼnimoʼmo nataleʼnigeʼna nagaiʼnigeʼmo aliʼyaʼmo neʼaluva kavafeʼmo kagesamo noʼafipiye. Uka atokamoʼmo haʼmao, huka ha paiyo, huno ha paiʼnigenoʼaeʼmo,

Luki 10:41

Matao, Matao, huno, muki kavafeʼmo kagesa alaʼamo afiʼnanageno kaipamoʼmo atete nehiyaʼmonanafa alagepa huka maisana yaʼmo alisana yaʼmo magoke yaʼmo haneʼniye.

Yoni 11:1

Mago vekamo agiʼamo Layosiʼa Metani taonifiʼmo maiʼniya vekamo kaita hauʼnigeno maiʼniye. Asaʼalaʼmoganimo Maliyaʼe aganaʼamoʼmo Mataʼeʼmo Metani taonifiʼmo magokepi lokaeʼa maiʼnae.

Yoni 11:3

Asaʼalaʼmoganimo Yesutegamo ge huʼana atalaʼageno uʼniya gemo huʼanaeʼmo, Ala kava nene, huʼana, ani kahau kayamopafiʼmo kahauʼniya vekamo kaita hauʼniye, huʼana huteʼana mago vekamo aliʼana ateʼnaʼageno uʼniye.

Yoni 11:36

Aviʼyaʼmo huʼnigeʼapaeʼmo Yu vayaʼmogi huʼapaeʼmo, Ageyo, huʼa, ani vekaeʼmo lusi kava huno hau ayamopafiʼmo hauʼniye, huʼa huʼnae.

Yoni 11:6

kaita hauʼniye, huʼana huʼnaʼa gemo afitenoʼaeʼmo lole afinaʼmo ani maiʼniya kotegamo maiʼniye.

Yoni 11:8

Tisao, huʼa, ani kotega maiʼnaya Yu vayaʼmogimo yafa kayotetiʼmo kamagisayafeʼmo huʼnayana halate Yutiya kotegamo visanafeʼmo nehapiye, huʼa afi geʼnagenoʼaeʼmo,

Yoni 16:27

Lapakaemo nagaefeʼmo lapau lapayamopafiʼmo lapauʼnigetapaeʼmo Gotitegatiʼmo emineʼniye, hutapa lapakesamo afita fatago nehayaʼmofeʼmo Afoʼnimoʼmo agaiʼamo lapakaefeʼmo hau ayamopafiʼmo hauʼniye.

Yoni 17:26

Nagaefeʼmo kahau kayamopafiʼmo kahauʼniya kavakamo apakaepiʼmo hanesigeʼna apakaepiʼmo maisuvafeʼmo kagikamo aepaʼamo aliʼna apave liʼnovanageʼna magoʼe huʼna aliʼna apave liguve, huno nunumuʼmo huʼniye.