Yoni 11:47 - The Keyagana NT and 25 OT books

⁴⁷ Afiteʼa kanisole vayanagi mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi huʼa aliʼa anupa huʼa maiʼneʼapaeʼmo, na agufa kavaʼmo hisune. Ani vekamoʼa noʼagona agufa asole aune kavaʼmo nehiye.

Yoni 11:47 ပူးပေါင်းရင်းမြစ်များ

Matiyu 26:3

Inagi mono huʼa neʼapataya vayaʼaiteʼmo yagaiʼa neʼapataya vayaʼe Yu vayatama vayaʼmogiʼeʼmo hogote vekamo mono huʼa neʼapataya vayaʼaiteʼmo yagaino neʼapateya vekamo agiʼamo Kaiyafasi alopa noʼafiʼmo aliʼa anupa huʼa maiʼnae.

Matiyu 5:22

Afiʼnayaʼmonanafa nagaemo huʼnaeʼmo, mago vekamoʼmo agaetegamo hosu kavaʼmo osuʼnisiya konagaʼamofeʼmo aipamo leno atesiyana agoti huno ategaiye. Mago vekamoʼmo konagaʼamofeʼmo, nagiʼnaga vekae, huno huʼnisiyana kanisole vayaʼaitegamo avalelinuno alino he tino ategaiye. Mago vekamoʼa konagaʼamofeʼmo, faipa nagiʼnaga vekae, huno huʼnisiyana ata kopiʼmo uʼa nelamiya kateʼmo neʼviye.

Maki 14:1

Lole afinaʼmo utesigenoʼaeʼmo Yu vayaʼai Pasova hopa afinaʼmo aeno apafu noleya peleti mayamo neʼnaya afinaʼmo afole aisiyafe huʼniye. Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo kesi katetiʼmo uʼa Yesuʼa atafauʼa kamitimo amagisaya kafeʼmo kahauya huʼa maiʼnae.

Luki 22:2

Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo Yesuʼmo amagisaya kafeʼmo kahauya huʼnayaʼmonanafa vayaʼaifeʼmo koli huteʼa oʼatafauʼnae.

Yoni 11:57

Mono huʼa neʼapataya vayaʼaiteʼmo yagaiʼa neʼapataya vayaʼe Falasi vayaʼmogiʼeʼmo huʼapaeʼmo, mago vekamogamo agesanaʼmoʼmo eka laha paigetao kalavusi huta ateno, huʼa hu maleʼnae.

Yoni 12:19

Falasi vayaʼmogi apakaiʼapimo huʼapaeʼmo, Lapakaemo ani vekamo aetapa oʼagaseʼnae. Ageyo, huʼa, muki ma mopafi vayaʼmogi akame nehae, huʼa huʼnae.

Yoni 2:11

Yesuʼa hogote afinaʼmo ani noʼagaya agufa aune kavaʼmo Kena taonifiʼmo huʼniye. Ani taonifiʼmo ha le konali yaʼamo alino apave liʼnigeʼapaeʼmo geʼamo neʼafiya vayaʼmogimo agaefeʼmo apakesamo afiʼa fatago huʼnae.

Yoni 6:2

Agaemo alagena kavaʼmo huno kaita hapauʼniya vayaʼaina alino hapageno apateʼnigeʼa ageʼnayaʼmofeʼmo asole vayaʼmo akame huʼa uʼnae.

Yoni 7:32

Ani agufa gemo huteʼa sumi huʼa nehageʼapaeʼmo Falasi mono vayaʼmogimo afiʼnae. Afiteʼapaeʼmo apakaeʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo ati vayaʼmogi kalavusi huʼa atesayafeʼmo aliʼa apateʼnageʼa uʼnae.

Yoni 7:45

Ati vayaʼmo halate atagi neʼa eʼnageʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼe Falasi mono vayaʼmogiʼeʼmo, na kava higetapaeʼmo avalelitapa oʼmeʼnae, huʼa ge huʼa apafi geʼnageʼapaeʼmo,

Apa 5:21

Apa vayaʼmogimo geʼamo afiteʼa akame huʼa kotilamiyapiʼmo uʼa alopa mono nopiʼmo uʼa haiʼa aliʼa apaya maleʼnae. Mono huʼa neʼapataya vayaʼaiteʼmo yagaino neʼapateya vekaʼe vayaʼamogiʼeʼmo muki Yu vayaʼaiteʼmo yagaiʼa neʼapataya vayatama vayaʼaifeʼmo ge huʼnageʼa eʼa kanisole vayaʼeʼmo aliʼa anupa huʼa maiʼnae. Maiʼneʼapaeʼmo ati vayaʼaifeʼmo huʼapaeʼmo, uta kalavusi nopatiʼmo apavalelitapa eyo, huteʼa aliʼa apateʼnageʼa uʼnae.

Apa 5:24

Hogote vekamo mono huʼa neʼapataya vayaʼaiteʼmo yagaino neʼapateya vekagi alopa mono noteʼmo neʼyagaiya ati vayaʼaiteʼmo yagaiʼa neʼapataya vayanagi mono huʼa neʼapataya vayaʼaiteʼmo yagaiʼa neʼapataya vayanagi huʼa ani gemo afiteʼapaeʼmo, Haiya agufa kava huteʼa haiya katetiʼmo uʼa maiʼnae, huʼa huʼnae.