Yoni 11:24 - The Keyagana NT and 25 OT books

²⁴ ago afiʼnovana ma mopamo hano hisiya afinaʼmo halate he tigiye, huʼna ago afiʼnove, huno ha paiʼnigenoʼaeʼmo,

Yoni 11:24 ပူးပေါင်းရင်းမြစ်များ

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Aiyeya 25:8

Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Aiyeya 26:19

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.

Luki 14:14

Anonakalefeʼmo afaʼa okamigayaʼmofeʼmo Gotiʼa alino auleno kategaiye. Gotiʼa fatago vayaʼmo kanolufatiʼmo he tisaya afinaʼmo anonakalefeʼmo kamigiyaʼmofeʼmae, huno hapa paiʼniye.

Yoni 11:23

Yesuʼa hunoʼaeʼmo, kasakamoʼmo halate he tigiye, huno ha paiʼnigenoʼaeʼmo,

Yoni 6:39

Muki yaʼmo Afoʼamoʼmo alino nateʼnigeʼna emiʼneʼnova vekamoʼa hauʼniyanageʼna muki apavaleno namiʼniya vayapatiʼmo magoke vekamo alagi afaʼa atalesugeno afela hesiyafeʼmo ohauʼniyanageʼna ma mopamo hano hisiya afinaʼmo muki vayaʼamo aliʼna he tiʼna apatesuvafekeʼmo hauʼniye.

Yoni 6:40

Alino nateʼnigeʼna emiʼneʼnova vekamoʼa hauʼniyanageʼa muki vayaʼamogi Mafaʼneʼamo ageʼa aeto huteʼapaeʼmo agaefeʼmo apakesamo afiʼa fatago nehisaya vayaʼmo afaʼa maige maige huʼa maisaya yaʼmo aligae. Aliʼnisageʼna ma mopamo hano hisiya afinaʼmo aliʼna he tiʼna apategauve, huno hapa paiʼniye.

Apa 24:15

Apakaemo muki hosu vayaʼe alagepa vayaʼeʼmo faliʼnayatetiʼmo he tigae, huʼa apakesamo afiʼa fatago huteʼa apavayagunagu huʼa agava maiʼnaya kava huʼna nagesamo afiʼna fatago huteʼna navayagunagu huʼna agava neʼmauve.

Himulu 11:35

Gotiʼa apakesamo afiʼa fatago huʼnaya kavatetiʼmo mafaʼneʼapimo faliʼnayatetiʼmo halate alino he tino apateʼnigeʼa itaʼapimogimo halate apavaleʼnae. Huʼnayaʼmonanafa magoʼamo apakafu kiʼnigeʼa faliʼnae. Kame vayaʼapimogimo huʼapaeʼmo, lapakaemo atalesayana afaʼa hatu maeta lapategaune, huʼa hapa paiʼnageʼapaeʼmo kanolufatiʼmo he tiʼapaeʼmo maige maige huʼa maisaya kavafeʼmo apakesamo afiteʼapaeʼmo, oʼatalegaune, huʼa huʼnae.