Yoni 11:15 - The Keyagana NT and 25 OT books

¹⁵ Nagaemo agaeʼeʼmo ani afinaʼmo magokepi lokaeʼna oʼmaiʼnovaʼmofeʼmo lapakaetefeʼmo nagesamo afiteʼna namogaga neʼauve. Nagaefekeʼmo lapakesamo afitapa fatago hisayafeʼmae. Agaetegamo vigetao, huno hapa paiʼniye.

Yoni 11:15 ပူးပေါင်းရင်းမြစ်များ

Aepa Gemae 26:24

Haino maiʼniya haniʼilagamo Ala kava neʼmoʼa agaetegamo afole aiteno ha painoʼaeʼmo, Nagaemo afokamo Emalehamu Gotiʼamoʼnamo maiʼnove. Nagaemo kagaeʼeʼmo maiʼnovanagi alagi koli osuvo. Nagaemo aliʼyaʼnimo aliʼniya vekamo Emalehamutefeʼmo aliʼna auleʼna katesugeʼa asole kaginago vayaʼmo magoʼe huʼa afole aigae, huno ha paiʼniye.

Aepa Gemae 39:5

Ina kava huno Yosefeʼa noʼafi yatenagi muki yaʼalenagi huno yagaisiyafeʼmo ateʼniya afinatetiʼmo Ala kava neʼmoʼa Yosefetetiʼmo aepa faino Potifa afamo anagaʼalegamo alagepa kava huʼnigeno muki noʼafi haneʼniya yaʼe hoyaʼafiʼmo haneʼniya yaʼeʼmo alino auleno ateʼniye.

Samu 105:14

Ani kava huʼa maiʼnayaʼmonanafa Ala kava neʼmoʼa agaiʼa vayaʼaiteʼmo hosu kavaʼmo huʼa yagaiʼa oʼapatesayafeʼmo oʼapataleno yagaino apateʼniye.

Aiyeya 54:15

Mago kame vayaʼmogimo eʼa kagaeʼeʼmo kamemo hisayafeʼmo aliʼa anupa huʼa maisayana nagaemo afaʼa aliʼna apatesugeʼa oʼugae. Kagaeʼeʼmo kamemo hisayafeʼmo aliʼa anupa huʼa maisaya vayaʼmo asagauʼa aigae.

Aiyeya 65:8

Ala kava neʼmoʼa ina gemo hunoʼaeʼmo, Mago vekamoʼmo nofiʼmo akopaʼamo yaga auno atalesiyafeʼmo nehisigenoʼaeʼmo alu vekamoʼmo hunoʼaeʼmo, Nagava maiʼno. Magoʼamo alagepa nofi alagamo haneʼniye. Lagaemo afaʼa alita mago nofi alagafati aniʼmo alo hugune, huno huʼniya kava huʼna ani agufa kavaʼmo huguve. Nagaemo muki aliʼyaʼnimo neʼaliya Isaleli vayaʼnimo aliʼna hano huʼna oʼapatalegauve.

Yoni 11:14

Yesuʼa huʼniya gemo afiʼa aeto osuʼnagenoʼaeʼmo Yesuʼa huno afole aino hapa painoʼaeʼmo, Layosiʼmo ago faliʼniye.

Yoni 11:16

Tomasifeʼmo lagoʼya mafaʼneyo, huʼa agi neʼaya vekamoʼa Yesu geʼamo neʼafiya vayaʼaifeʼmo hunoʼaeʼmo, agaegiʼeʼmo magokepi falisunafeʼmo lokaeta vigetao, huno hapa paiʼniye.

Yoni 11:4

Yesuʼa ani gemo afitenoʼaeʼmo, ani kaitaʼmo falisiya agufa kaitaʼmo ohauʼnifa Goti ha le konali yaʼamo ageteʼapaeʼmo agiʼaleʼmo aliʼa asaga huge Goti mafaʼneʼamo agiʼaleʼeʼmo aliʼa asaga huge hisayafeʼmo ani kaitaʼmo hauʼniye, huno hapa paiʼniye.

Yoni 12:30

Yesuʼa hunoʼaeʼmo, ani gemo nagaefekeʼmo osuʼnifa lapakaeʼefeʼmo huʼniye.

Yoni 17:19

Kagaemo lama gekaletiʼmo apavaleka apaote apatesanafeʼmo nagaemo aliʼyakamo alisuvafeʼmo aliʼna naote nateʼnove.

Yoni 2:11

Yesuʼa hogote afinaʼmo ani noʼagaya agufa aune kavaʼmo Kena taonifiʼmo huʼniye. Ani taonifiʼmo ha le konali yaʼamo alino apave liʼnigeʼapaeʼmo geʼamo neʼafiya vayaʼmogimo agaefeʼmo apakesamo afiʼa fatago huʼnae.

2 Kolitiyani 4:15

Lagaemo lapa maesunafeʼmo muki mani agufa kana yaʼmo alita neʼmaune. Gotiʼa asole vayaʼaina fikumo hapa maeno neʼapamiya kavaʼamo aino atagu faeno uneno hisigeʼa magoʼe magoʼe huʼa hao ke heteʼapaeʼmo Goti agiʼaleʼmo aliʼa asaga huʼa atesayafeʼmae.

2 Timoti 2:10

Nagaemo lekana paino apateʼniya vayaʼmo Kalaisi Yesupiʼmo maiʼnisageno Gotiʼa apakufamo alino katino apatesigeʼapaeʼmo ha le konali yaʼamo aliteʼa maige maige huʼa maisayafeʼmo Goti aliʼyaʼamo oʼataleʼna neʼaliʼnaeʼmo muki alu kana ya alu kana yaʼmo neʼaluve.

1 Yoni 5:13

Nagaemo mani gemo Goti Mafaʼneʼamo agiʼalefeʼmo lapakesamo afita fatago nehaya vayaʼmogita hutapaeʼmo, maige maige huta maisuna yaʼmo aliʼnone, hutapa afitetapa agesayafeʼmo mani gemo avoʼmo kaeʼnove. Lapakaemo afitetapa lapakesamo afita fatago hume hume visayafeʼmo avoʼmo kaeʼnove.