Yoni 10:6 - The Keyagana NT and 25 OT books

⁶ Yesuʼa mani gemo aeno kalafefa gemo huno hapa paiʼniyaʼmonanafa afiʼa aeto osuʼnae.

Yoni 10:6 ပူးပေါင်းရင်းမြစ်များ

Samu 106:7

Laginago vayaʼmo Isipi kotegamo maiʼnagenoʼaeʼmo Gotiʼa noʼagaya agufa lokiya aune kavaʼmo huʼniyana ageʼa aeto osuʼnae. Hau huno apateʼniya kavafeʼmo alagepa huʼa apakesamo oʼafiʼnafa ago apake kaniʼniye. Apakaemo solovala aniteʼmo uʼa avaʼyi huteʼaeʼmo anaga hogote vekalegamo hosu kavaʼmo huteʼa geʼamo ago amagiʼa ataleʼnae.

Samu 82:5

Agoti gemo neʼafiya vayaʼmogimo oʼafige afiʼa aeto osuge huʼnae. Apakaemo hanipiʼmo umenitata nehae. Ma mopafi kavaʼapimo fatago kavaʼmo ohaneʼnigeʼa apakaemo fatago gemo huʼa aliʼa fako nosae.

Mai'naya kavane 28:5

Hosu vayaʼmogimo alagepa huʼa aliʼa fako huʼa apatesaya kavaʼmo haiya agufa kavaʼmo haneʼnifi huʼa oʼafiʼnayaʼmonanafa Ala kava neʼmo kahauya huʼa agesayafeʼmo nehaya vayaʼmogi muki kavaʼmo ageʼa aeto nehae.

Aiyeya 56:11

He, apakaemo neʼyaʼmo magoʼe magoʼe huʼa nesayafeʼmo hapaʼye nehiya kalagana huʼa maiʼneʼa muki afinaʼmo magoʼe huno neʼyafeʼmo nehapaiye. Sipisipileʼmo yagaiʼa neʼapataya vayaʼmogi afiʼa aeto nosae. Mukiʼamogimo apakaiʼapi hapauʼniya kavaʼmo huʼa apakaiʼapiekeʼmo apakesamo neʼafiye.

Neniyo 12:10

Gotiʼa asole vayaʼmogi hosu kavaʼapimo aeno kalo paeno atalege yaveyave vayaʼmo alino hamaleno apatege alino alagepa huno apatege hugiyaʼmonanafa hosu vayaʼmogi hosu kavaʼmo hugae. Hosu vayaʼmogimo alagepa huʼa afiteʼa ageʼa ha olegayaʼmonanafa afiteʼa ageʼnaya vayaʼmogi alagepa huʼa afiteʼa ageʼa ha legae.

Matiyu 13:34

Yesuʼa mani muki geʼamo aeno kalafefa gegeʼmo huno hapa paiʼniyana huno afole aino hapa opaiʼniye.

Matiyu 13:51

Yesuʼa hunoʼaeʼmo, muki mani gemo aepaʼamo afiʼnafiye, huno apafi geʼnigeʼapaeʼmo, he, huʼa huʼnae.

Maki 4:34

Aeno kalafefa geʼageʼmo huno hapa paiʼniyaʼmonanafa agaiʼageʼmo maiʼnenoʼaeʼmo geʼamo neʼafiya vayaʼaifekeʼmo ani gemo aepaʼamo hapa paiʼniye.

Yoni 16:25

Nagaemo ani kavafeʼmo aeʼna kalafefa gemo huʼna lapa paiʼnovaʼmonanafa afole aisiya afinaʼmo aeʼna kalafefa gemo lapa opaigufa Afoʼnimofeʼmo ava gemo huʼna afole aiʼna lapa paiguve.

Yoni 16:29

geʼamo neʼafiya vayaʼmogimo, vae, huʼa, hemenimo aeka kalafefa gemo huka laha nopaipa huka afole aika laha nepaine.

Yoni 6:52

Hapa paiʼnigeʼa afiteʼapaeʼmo apakaiʼapimo ge vaiteʼapaeʼmo, Ani vekamo ameʼamo nesunafeʼmo haiya kava huno lagauno lamigiye, huʼa huʼnae.

Yoni 6:60

Asole vayaʼmo geʼamo neʼafiya vayapatiʼmo mago vayaʼamo ani gemo afiteʼapaeʼmo, ani gemoʼmo kana huʼniyaʼmofeʼmo ina lagimo ani gemo afiʼa aeto hugae, huʼa huʼnae.

Yoni 7:36

Agaemo hunoʼaeʼmo, kahauya hutapa nagesayafeʼmo hugayaʼmonanafa kahauya hutapa oʼnagegae. Uʼna haiʼna maisuva kotegamo afaʼa uta ohaigae, huno huʼniya gemo aepaʼamo na agufa gemo huʼniye, huʼa huteʼa ge huge afige huʼa maiʼnae.

Yoni 8:27

Apakaemo muki yaʼmo afoʼamofeʼmo ani gemo nehiye, huʼa oʼafiʼnae.

Yoni 8:43

Na kava higetapaeʼmo geʼnimo afitapa aeto nosae. Geʼnieʼmo olapauʼniyaʼmofeʼmo geʼnimo afaʼa oʼafigae.

1 Kolitiyani 2:14

Goti Aunemeʼamo oʼaliʼnisaya vayaʼmogimo Goti Aunemeʼamoʼmo alino neʼapamiya geʼaeʼmo ohapauʼnigeʼa noʼaliye. Apakaemo huʼapaeʼmo, negi nagi gemae, huʼa apakesamo neʼafiye. Aunemeʼaletikeʼmo afiʼa aeto hisaya agufa gemo haneʼniyaʼmofeʼmo afaʼa afiʼa aeto osugae.

2 Pita 2:22

Ani agufa vayaʼaifeʼmo alagi lama gemo huʼa aeʼa kalafefa gemo huʼapaeʼmo, kalamogimo mu valiʼa ataleʼa uteʼa halate aiʼa atagineʼa eʼa neʼnae. Ani kava huʼa afumo aniʼmo faleʼa ateʼnaya afumoʼmo halate uno hapafiʼmo kasepu neʼaiye, huʼa huʼnae.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.