Yoni 10:38 - The Keyagana NT and 25 OT books

³⁸ Nehisuvana nagaefeʼmo alagi lama gemo nehiye, hutapa hiyo. Nagaefeʼmo lapakesa afita fatago nosayaʼmonanafa Gotiʼa nehiya agufa kavaʼmo nehisuvana Afoʼamoʼa agaepiʼmo maiʼnigeno agaemo agaepiʼmo maiʼniye, hutapa hisayafeʼmo nehuva kavafeʼmo lapakesa afita fatago hiyo, huno hapa paiʼnigeʼapaeʼmo

Yoni 10:38 ပူးပေါင်းရင်းမြစ်များ

Yoni 10:25

ago lapa paiʼnovana oʼafiʼnae. Afoʼnimo agiʼalefeʼmo nehuva kavaʼmoʼa nagaefeʼmo faigoko geʼnimo huno naha maeno nehiya gemo nehiye.

Yoni 10:30

Nagaeʼe Afoʼnimoʼeʼmo magoke aiyaya vekalaʼmo maiʼnoʼae, huno hapa paiʼnigeʼapaeʼmo

Yoni 11:4

Yesuʼa ani gemo afitenoʼaeʼmo, ani kaitaʼmo falisiya agufa kaitaʼmo ohauʼnifa Goti ha le konali yaʼamo ageteʼapaeʼmo agiʼaleʼmo aliʼa asaga huge Goti mafaʼneʼamo agiʼaleʼeʼmo aliʼa asaga huge hisayafeʼmo ani kaitaʼmo hauʼniye, huno hapa paiʼniye.

Yoni 14:20

Ani afinaʼmo afole aisigetapaeʼmo agetapaeʼmo Afoʼamopiʼmo maiʼnigeta agaepiʼmo maiʼnonageno lagaepiʼmo maiʼniye, hutapa nagegae.

Yoni 17:11

Hemenimo ma mopafiʼmo magoʼe huʼna oʼmaiʼna ataleʼna kagaetegamo uʼna haiguvaʼmonanafa apakaemo ma mopafiʼmo maiʼnae. Afo, huʼna, kaote vekamo maiʼneka alagepa kavaʼageʼmo nehana vekae, huʼna, ani kavaʼmo hutaʼa magokeʼageʼmo maiʼnoʼa kava huʼa apavaleka namiʼnana vayaʼmo magokeʼageʼmo maiʼnayanageʼa ani kava huʼa maisayafeʼmo himamukaletiʼmo yagaika apato.

Yoni 3:2

Agaemo mago haniʼilagamo Yesutegamo eno, Tisao, huno, lagaemo kageʼnonana Gotiʼa alino kateʼnigeka eka alika apaya neʼmalana vekamo maiʼnane. Gotiʼa kaha oʼmaeʼniyesinana noʼagona agufa kaune kavaʼmo afaʼa nosanesine, huno ha paiʼniye.

Yoni 5:36

Huʼnayaʼmonanafa nagaefeʼmo faigoko gemo huno naha maeno nehiya gemoʼa Yoniʼa huʼniya gemo aeno agaseʼniye. Nehuva kavaʼmo muki yaʼmo Afoʼamoʼmo huvo, huno naha paiʼnigeʼna nehuva kavaʼmoʼa nagaefeʼmo faigoko gemo huno naha maeno nehiya gemoʼa hunoʼaeʼmo, Muki yaʼmo Afoʼamoʼmo alino ateʼnigeno emineʼniye, huno alino apave neliye.

Apa 2:22

Isaleli vayaʼmogitapamo geʼnimo afiyo. Yesuʼa Nasalasa kotega vekaeʼmo ava gemo huʼna lapa paisuvafeʼmo huve. Gotiʼa Yesutetiʼmo lokiya kavaʼmo huge noʼagaya agufa aune kavaʼmo huge alu kavaʼmo huge huʼniya kavatetiʼmo hunoʼaeʼmo, nagaetegatiʼmo emineʼniya vekae huno alino lapave liʼniye. Yesuʼa lapakae folagapiʼmo ani kavaʼmo ago huʼnigetapa ageʼnae.

1 Yoni 3:24

Muki vayaʼmo keʼaepa geʼamo akame nehaya vayaʼmo Gotipiʼmo alagi maiʼnageno apakaepiʼmo alagi neʼmaiye. Ani kavatetiʼmo ageʼnonana Gotiʼa lamiʼniya Aunemeʼaletiʼmo lagaepiʼmo alagi neʼmaiye.