Yoni 10:31 - The Keyagana NT and 25 OT books

³¹ Yu vayaʼmogimo halate yafa kayotetiʼmo amagisayafeʼmo huʼnae.

Yoni 10:31 ပူးပေါင်းရင်းမြစ်များ

Hatu maeno apate'niya gemae 17:4

Moseseʼa Ala kava nefeʼmo alopa gefatiʼmo nunumuʼmo hunoʼaeʼmo, Mani vayaʼmogimo yafa kayotetiʼmo namagisayafeʼmo nehayaʼmofeʼmo nagaemo apakaetegamo na agufa kavaʼmo hisuve, huno ge huno afi geʼniye.

Matiyu 12:14

Falasi mono vayaʼmo ataleʼuʼa Yesuʼmo atafauʼa amagisayafeʼmo aliʼa anupa huʼa maiʼneʼa ge huge afige huʼa maiʼnae.

Matiyu 21:35

Apakaemo vayaʼamo apatafauteʼa mago vekamo amagige mago vekamo kamitimo amagiʼnageno falige mago vekamo yafa kayotetiʼmo amagige huʼnae.

Matiyu 23:35

Ani kava hugayaʼmofeʼmo muki vayaʼmo hapaeʼnaya kavatetiʼmo vaiʼmo lapamigiye. Fatago vekamo Evoʼmo haege hosu kavaʼmo osuʼnaya vayaʼmo hapaeme hapaeme ege Melekaiya mafaʼnemo Sekalaiyaʼmo alopa mono noʼe ofalini nehaya hiʼyalamuʼeʼmo haneʼnaʼa folagapiʼmo kamitimo amagige huʼnae.

Yoni 1:19

Yu vayaʼmogi Yulusalemu taonifatiʼmo mono huʼa neʼapataya vayaʼe Livai nofi vayaʼeʼmo aliʼa apateʼnageʼa Yonitegamo eʼapaeʼmo, ina lagamae, huʼa ge huʼa afi geʼnae.

Yoni 10:24

Uneno nehigeʼapaeʼmo Yu vayaʼmogi faiʼa ku aiʼa ateʼneʼapaeʼmo, lole lagesa neʼafunagi na magi afinaʼmo laha opaika afaʼa maigane. Kalaisi vekamo maiʼnisanana huka haleka laha paiyo, huʼa ha paiʼnagenoʼaeʼmo,

Yoni 10:32

Yesuʼa hunoʼaeʼmo, Nagaemo asole alagepa kavaʼmo Afoʼnimoʼmo huvo, huno naha paiʼniya kavaʼmo huʼna lapave liʼnove. Muki nehuva kavapatiʼmo haiya agufa kavatefeʼmo lapakesa afitetapaeʼmo namagisayafeʼmo nehae, huno apafi geʼnigeʼapaeʼmo,

Yoni 11:8

Tisao, huʼa, ani kotega maiʼnaya Yu vayaʼmogimo yafa kayotetiʼmo kamagisayafeʼmo huʼnayana halate Yutiya kotegamo visanafeʼmo nehapiye, huʼa afi geʼnagenoʼaeʼmo,

Yoni 5:18

Ani gemo huʼniyaʼmofeʼmo magoʼe huʼa amagisayafeʼmo huʼnae. Agaemo Sapati afina keʼaepa gemo amagino ataleʼniya kavakeʼmo osuʼnifa magoʼe hosu kavaʼmo huʼniye, huʼa apakesamo afiʼnayaʼmofeʼmae. Agaemo Gotiʼa afoʼnimoʼmo maiʼniye, huno hapa paiʼniya gemo huno agaiʼaʼe Gotiʼeʼmo magoke aiyaya vekalane huno hapa paige huʼniyaʼmofeʼmo magoʼe huʼa amagisayafeʼmo huʼnae.

Yoni 8:59

yafa kayotetiʼmo yaga auʼa amagisayafeʼmo neʼaligenoʼaeʼmo Yesuʼa alopa mono nopatiʼmo ataleno apakae folagapiʼmo uno lamiʼnigeʼa oʼamagiʼnageno uno lamino uʼniye.

Apa 7:52

Lapakinago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼaifeʼmo muki vayaʼmogi apaini huʼa apateʼnae. Goti aliʼyaʼamo neʼaliya vayaʼmogi, Alagepa kavaʼageʼmo nehiya vekamo eminegaiye, huʼa huʼnageʼapaeʼmo lapakinago vayaʼmogi apamagiʼnageʼa ago faliʼnae. Hemenimo lapakaeʼeʼmo kutulu yaʼmo alitetapa ava gemo huʼnaya vekamo ago amagiʼnageno faliʼniye.

1 Samiyo 30:6

Muki vayaʼamogi ve mafaʼneʼapilefenagi a mafaʼneʼapilefenagi huʼa apakesamo afiteʼapaeʼmo hosu apaipamo kaliʼniyaʼmofeʼmo apakaemo huʼapaeʼmo, Yafa kayotetiʼmo Neviniʼmo kamitimo amagigune, huʼa hagenoʼaeʼmo Neviniʼmo lusi kana yaʼmo aliʼniye. Kana yaʼmo alitenoʼaeʼmo Neviniʼmo agaiʼamo Ala kava neʼmo Gotiʼamotetiʼmo lokiya vaino ateʼniye.