Yoni 10:20 - The Keyagana NT and 25 OT books

²⁰ Asole vayaʼmogi huʼapaeʼmo, hosu aune vekamo aipafiʼmo maiʼnigenoʼaeʼmo negi gemo nehiye. Na kava higetapaeʼmo geʼamo neʼafiye, huʼa huʼnageʼapaeʼmo

Yoni 10:20 ပူးပေါင်းရင်းမြစ်များ

Aiyeya 53:8

Gotiʼa kanolu kalavusifatiʼe agoti huʼa ateʼnaya kavapatiʼeʼmo alino katino ateʼniye. Apakaemo afaʼa maiʼnaya vayapatiʼmo agaemo agoti huʼa ateteʼa kamiti amagiʼnayaʼmofeʼmo ani vayapatiʼmo ina laʼmo apakesamo afinoʼaeʼmo, Agaemo Goti vayaʼamogi hosu kavaʼapilefekeʼmo kayoʼmo aliʼniye.

Matiyu 10:25

Mago vekamoʼmo alino aya neʼmaleya vekagana huno maiʼnisiyana kanalene. Ani kava huno mago aliʼyaʼamo neʼaliya vekamoʼa aliʼyaʼmo afoʼamokana huno maiʼnisiyana kanalene. Vayaʼmogimo afamo anaga aepa vekaeʼmo Satani agiʼamo Mielisemuligae huʼa huteʼa huʼa faipa huʼa neʼatesayana agae afamo anaga vayaʼaifeʼmo magoʼe huʼa huʼa faipa huʼa apategae.

Matiyu 11:18

Yoniʼa eno neʼyaʼe aniʼeʼmo oʼneno mosino maiʼnigeʼapaeʼmo ohapauʼnigeʼa hosu aune vekamo aipafiʼmo maiʼniye, huʼa huʼnae.

Matiyu 9:34

Huʼnayaʼmonanafa Falasi mono vayaʼmogi huʼapaeʼmo, hosu apaune vayaʼaiteʼmo yagaino neʼapateya vekamo himamuʼaletiʼmo hosu apaune vayaʼmo alino hapafaino neʼatale, huʼa huʼnae.

Maki 3:21

Yesu vayaʼamogimo ani kavafeʼmo ava gemo afiteʼapaeʼmo, negi kavaʼmo nehiye, huʼa huteʼa avalesayafeʼmo uʼnae.

Yoni 7:20

muki asole vayaʼmogimo huʼapaeʼmo, kaipafiʼmo hosu aune vekamo maiʼniye. Ina laʼmo kamagisiyafeʼmo nehiye, huʼa afi geʼnagenoʼaeʼmo,

Yoni 8:52

Hemenimo lagaemo afiʼnonana hosu aune vekamo kaipafiʼmo maiʼniye, huta ago afiʼnone. Emalehamuʼa ago faliʼnigeʼa Gotitegati gemo alini eʼa aeʼa hakalo huʼa hapa nepaiya vayaʼmo ago faliʼnayaʼmonanafa kagaemo hukaeʼmo, geʼnimo akame nehaya vayaʼmo ofaligae, huka nehane.

Apa 26:24

Poloʼa agaiʼamo gemo huno ha maesiyafeʼmo ani gemo nehigenoʼaeʼmo Fesitasiʼa Polofeʼmo hunoʼaeʼmo, kagaemo negi neʼmalane. Asole afinaʼmo mukufiʼmo lekana nepainaʼmofeʼmo kagesamo alino hosu huno kateʼnigekaeʼmo negi nagi gemo nehane, huno ha paiʼnigenoʼaeʼmo,