Yoni 10:12 - The Keyagana NT and 25 OT books

¹² Miyaʼmo alisiyafekeʼmo aliʼyaʼmo neʼaliya vekamoʼa sipisipileʼmo yagaino neʼapateya vekamo maige sipisipimo afoʼamoʼmo maige osuʼniyaʼmofeʼmo afela kalamo neʼegenoʼaeʼmo apataleno aune hetaleno uʼnigenoʼaeʼmo afela kalamoʼa hapaeno hanilino neʼvigeʼapaeʼmo ataleʼa atagu faeʼa uʼeʼa nehae.

Yoni 10:12 ပူးပေါင်းရင်းမြစ်များ

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Yoni 10:13

Miyaʼmo alisiyafeʼmo aliʼyaʼmo neʼaliya vekamoʼa miyaʼmo alisiyafekeʼmo agesa afiteno sipisipi anagaʼaifeʼmo agesamo noʼafiyaʼmofeʼmo ataleno aune hetaleno uʼniye.

Yoni 10:2

Kipatetiʼmo uno nehaiya vekamoʼmo sipisipileʼmo neʼyagaiya vekamo maiʼniye.

Yoni 10:3

Sipisipi anagaʼmogi kipateʼmo yagaiʼniya vekamoʼa kitamo yakino apateʼnigeʼa uʼa nehaiye. Haitenoʼaeʼmo agaiʼa sipisipiʼaeʼmo apaki nehigeʼapaeʼmo agemo neʼafiye. Hogoteno kumatega uno nelaminoʼaeʼmo apaki aeno apaki hulino uno nelamiye.

Apa 20:29

Ago afiʼnovana lapataleʼna visugeʼapaeʼmo vayaʼmo nehapaya afela kalamogimo lapakaetegamo eʼa magoke anaga sipisipi vayaʼamo lahapaesayafeʼmo maiʼa halove osuʼa muki afinaʼmo lapaegae.

1 Timoti 3:3

Lusi aniʼmo neteno negi nagi osuge kaveta osuge monieʼmo haʼye osuge huteno yagu yaga huno maige ge neʼvaiya kavafeʼmo ohauge ma mopafi yafeʼmo lusi kava huno ohauge hisiya vekamoʼmo maigiye.

1 Timoti 3:8

Ani kavaʼmo huʼa mono aliʼyaʼmo neʼaliya nikeni vayaʼmogimo alagepa huʼa neʼyagaiya yahauve vayaʼmo maigae. Lole gemo osuno magoke gemo huteno lusi aniʼmo neteno negi nagi osuno monieʼmo haʼye nosisiya vekamoʼmo maigiye.

2 Timoti 4:10

Nimasiʼa hemeni haneʼniya ma mopafi yafekeʼmo hauʼnigeno alagi ago nataleno Tesalonaika taonifiʼmo uʼniye. Kilesenisiʼa Galesiya kotegamo uʼniye. Taitasiʼa Namalesiya kotegamo uʼniye.

Taitasi 1:7

Yagaiʼa apatesaya vayatama vayaʼmogi Goti noʼaleʼmo yagaigayaʼmofeʼmo vaiʼmo oʼapamisageʼa afaʼa neʼmaisaya vayaʼmo maigae. Himuʼnamu kavaʼmo huge malage huno apaipamo lege aniʼmo neteʼa negi nagi kavaʼmo huge kaveta huge monieʼmo hapaʼye huge huʼa maiʼnisaya vayaʼmo oʼmaigae.

1 Pita 5:2

Gotiʼa sipisipi anaga vayaʼamo apavaleno lapayapiʼmo lapamiʼniya vayaʼaleʼmo alagepa huta yagaitapa apateyo. Lapakaemo ani aliʼyaʼmo alisayafeʼmo olapauʼnisigetapa alisayana kanale osugiye. Lapauʼnisigetapaekeʼmo ani aliʼyaʼmo aliyo. Hosu monimo alisayafeʼmo ani aliʼyaʼmo oʼalitapa lapaipamoʼmo hatu nehinagetapa aliʼyaʼmo aliyo.

2 Pita 2:3

Apakaemo hapaʼye huʼninageʼa aigofe geʼapiletiʼmo lapakaetetiʼmo muki kagemi yatapiʼe monitapiʼeʼmo alisayafeʼmo hugae. Muki afinaʼmo agoti huno apatesiya vekamo fikumo noʼmaifa alo hunoʼageʼmo neʼmaiye. Alino apagoʼya lagauno apatalesiya vekamo muki afinaʼmo au nokale.