Yoni 1:9 - The Keyagana NT and 25 OT books

⁹ Ani vekamo alagi lama ge alagepa ha le vekamoʼmo muki vayaʼmo ma mopafiʼmo afole neʼaiya vayaʼmo ha le yaʼmo alino neʼapamiye.

Yoni 1:9 ပူးပေါင်းရင်းမြစ်များ

Aiyeya 49:6

Ala kava neʼmoʼa ina gemo huno naha painoʼaeʼmo, Kagaemo Yekopu nofi vayaʼmo alika he tika apatesanageʼa halate lokiya vaiʼa maige yagaiʼna apateʼnogeʼa afaʼa maiʼnaya Isaleli vayaʼmo alika alagepa huka apatesanageʼa halate alagepa huʼa maige hisayafeʼmo ani aise aliʼyaʼmo afaʼa alisanana kanale osugiye. Ani aliʼyaʼe magoʼe huʼna alu aliʼyaʼeʼmo kamiguve. Nagaemo ma mopafi muki haopalegamo maiʼnaya vayaʼmogi apakufamo alika katika apatesanafeʼmo ani malaga nofi vayaʼmogi ha le yaʼapigana huka maigane, huʼna aliʼna kateʼnove, huno huʼniye.

Matiyu 6:23

Lapaulagamoʼmo hosu kavaʼmo huno neʼagesiyana lapakupiʼmo hani huʼnisigeno hani yaʼmo havaiteno hanegaiye. Lapakupiʼmo aeno ha nolesiyana lusi kava huno hani huʼniya yaʼmo lapakupiʼmo nehane.

Luki 11:36

Lapaipafiʼmo aeno ha leʼnisiyaʼmoʼmo magokayaga lahapaopaleʼmo hani yaʼmo ohanesigeno muki lapakufafilagamo aeno ha lesigeno lamumoʼmo lapakufaleʼmo aeno ha neleya kava huno aeno ha legaiye, huno hapa paiʼniye.

Yoni 1:4

Agaemo alagepa huʼa neʼmaiya kavaʼmo aepa vekamo maiʼnigeno agaepatikeʼmo alagepa huʼa neʼmaiya kavaʼmo afole aiteno vayaʼaitegamo aeno ha leʼnigeʼa ageʼnae.

Yoni 1:7

Agaemo aeno ha neleya yafeʼmo ava gemo huno hapa paisigeʼa muki vayaʼmogi geʼamo afiteʼapaeʼmo apakesamo afiʼa fatago hisayafeʼmo eʼniye.

Yoni 12:46

Apakaemo nagaefeʼmo apakesamo afiʼa fatago nehaya vayaʼmo hanipiʼmo oʼmaisayafeʼmo ha le yakana huʼna ma mopafiʼmo emiʼneʼnove.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 15:1

Yesuʼa hunoʼaeʼmo, nagaemo lama ge alagamo neʼaeya nofikana huʼna maiʼnove. Afoʼnimoʼmo ani nofi hoyamo afoʼamoʼmo maiʼneno neʼyagaiye.

Yoni 6:32

Alagi lama gemo lapa nepauve, huno, Moseseʼa kokuʼnapati lama ge peleti mayamo oʼapamiʼnifa Afoʼnimokeʼmo kokuʼnapatiʼmo lama ge peleti mayamo nelapamiye.

Yoni 7:12

Muki asole vayaʼmogimo agaefeʼmo sumi huʼa ge huge afige huʼapaeʼmo, alagepa vekamae, huʼa huge, haʼao, vayaʼai apakesamo nefaiya vekamo maiʼniye, huʼa huge huʼnae.

1 Yoni 1:8

Lagaemo, hosu kavatimo ohaneʼniye, huta nehisunana lagaitieʼmo humi nelatonagenoʼaeʼmo lama geʼamo laipafiʼmo alagi nohane.

1 Yoni 2:8

Afiʼnayaʼmonanafa hemenimo saufa keʼaepa gemo lapakaefeʼmo avoʼmo nekaove. Mani keʼaepa gemo agaepiʼmo haneʼnigenoʼaeʼmo lapakaepiʼeʼmo haneʼniye. Hani huʼniya kavaʼmo hano hugefeʼmo nehigenoʼaeʼmo ha le yaʼmoʼa aeno ha neleyaʼmofeʼmae.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.