Yoni 1:51 - The Keyagana NT and 25 OT books

⁵¹ alagi lama gemo kaha nepauve, huno, kagaemo ageganana kokuʼnaʼmo halo aisigeʼapaeʼmo Goti enisole vayaʼamogi Vemo mafaʼneletiʼmo uʼa haiteʼa emiʼeteʼa hisageka apakegane, huno ha paiʼniye.

Yoni 1:51 ပူးပေါင်းရင်းမြစ်များ

Aepa Gemae 28:12

Au kaleʼnenoʼaeʼmo alagamuna ageyana mago hakayamo mopaleti kokuʼnapiʼmo uno haiʼnigeno ageʼniye. Aepaʼamo mopafiʼmo hanetegeno avoyaʼamo kokuʼnapiʼmo uno haiʼnigeno ageʼniye. Ageʼniyana Goti enisole vayaʼamo ani hakayaleʼmo emi eteʼa uʼa haiteʼa huʼa maiʼnageno apakeʼniye.

Matiyu 25:31

Vemo mafaʼnemoʼa ha le konali yaʼamo aliteno enisole vayaʼaʼeʼmo emineno yagaino apatesiyafeʼmo kini siyateʼmo fai maigiye.

Matiyu 26:24

Vemo mafaʼnemoʼa Goti mukufiʼmo ago avoʼmo kae maleʼnaya kateʼmo ugiyaʼmonanafa kutulu yaʼmo aliʼniya vekalegamo kage kage kavaʼmo afole aigiye. Itaʼamoʼmo alino oʼateʼniyesinana agaetefeʼmo kanale huʼniyesine, huno hapa paiʼniye.

Matiyu 3:16

Yoniʼa Yesuʼmo aniʼmo faleno atetegenoʼaeʼmo Yesuʼa anipatiʼmo haineneʼegenoʼaeʼmo kokuʼnaʼmo aino akaka vaeʼnigeno ageyana Goti Aunemeʼamo kaugoʼyave namagana huno agaeteʼmo emineʼnigeno ageʼniye.

Matiyu 4:11

Nevoʼa ataleno uʼnigeʼapaeʼmo enisole vayaʼmogimo emiʼeʼa ha maeʼnae.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Matiyu 9:6

Vemo mafaʼnemoʼmo ma mopafi maiʼnaya vayaʼai hosu kavaʼapimo alino atalesiya himamuʼamo haneʼniyanageno alino lapave ligiye, huno hapa paiteno kanage kanaga osuno neʼmaiya vekaeʼmo, he tika yakaikonakamo aliteka nokalegamo uvo, huno ha paiʼnigeno

Maki 1:10

Yesuʼaanipatiʼmo eno haineno ageyana kokuʼnaʼmo halo aiʼnigeno Goti Aunemeʼamo kaugoyavegana huno agaetegamo emineʼnigeno ageʼniye.

Maki 14:62

he, maiʼnove. Lapakaemo agegayana Vemo Mafaʼnemo Lokiyaʼaʼe Vekamo lamaga haopaleʼmo fai maiʼneno he tino hiyapiʼmo eminesigetapa agegae, huno huʼniye.

Luki 2:13

Hapa paiʼnigeʼapaeʼmo malage huʼa agaeʼeʼmo asole enisole vayaʼmo afole aiteʼa Goti agiʼaleʼmo aliʼa asaga huʼa ateʼapaeʼmo,

Luki 2:9

Ala kava neʼmo enisole vekaʼamo afole aiʼnigeno Ala kava neʼmo ha le konali yaʼamoʼmo aeno ha leʼnigeʼapaeʼmo lusi kava huʼa apamoʼyamo aiʼnae.

Luki 22:43

Mago enisole vekamo kokuʼnapatiʼmo emineno agaemo lokiya vaino ateʼniye.

Luki 22:69

Ani afinaʼmo utesigeno Vemo mafaʼnemoʼmo uno haino himamuʼaʼe vekamo Gotiʼa lamaga haopaleʼmo fai maigiye, huno hapa paiʼnigeʼapaeʼmo

Luki 24:4

Na agufa kavaʼmo huʼnifi, huteʼa apakesa alaʼamo neʼafigeʼanaeʼmo alave alave nehiya kukena yaʼmo vailiʼnaʼa vekalaʼmo hapaopaleʼmo afole aiteʼana he tiʼana maiʼnaʼageʼapaeʼmo

Luki 3:21

Yoniʼa kalavusi osuʼnenoʼaeʼmo hogoteno muki vayaʼmo aniʼmo faleno apateteno Yesuʼeʼmo aniʼmo faleno ateʼnigeno Yesuʼa nunumuʼmo nehigenoʼaeʼmo kokuʼnaʼmo halo aiʼnigeno aote Aunemeʼamo agufaʼamo mago namamo kaugoʼyavegana huno agaetegamo emineʼniye. Kokuʼnapatiʼmo mago gemo ha painoʼaeʼmo, nahau nayamopafiʼmo neʼnahaiya mafaʼneʼnimo maiʼnanaʼmofeʼmo naipamoʼmo kanale huʼna nekatove, huno ha paiʼniye.

Yoni 1:50

Yesuʼa hunoʼaeʼmo, fiki yosa aepafiʼmo maiʼnanageʼna kageʼnove, huʼna kaha paiʼnovaʼmofeʼmo kagesamo afika fatago nehapiye. Henagaʼamo mani kavaʼmo aeno agaseʼniya kavaʼmo afole aisigeka agegane, huno ha paitenoʼaeʼmo,

Yoni 10:1

Yesuʼa hunoʼaeʼmo, alagi lama gemo lapa nepauve. Mago vekamoʼa sipisipi anagaʼmogi kegiʼya yuʼilagamo haleno haisiyafeʼmo hunoʼaeʼmo kipatetiʼmo uno ohaino kegiʼya afafafatiʼmo aeno haleno nehaisiya vekamo kumaya vekamo maiʼneno vayaʼmo apamagiteno kumayaʼmo neʼaliya vekamo maiʼniye.

Yoni 10:7

Afiʼa aeto osuʼnayaʼmofeʼmo Yesuʼa halate hapa painoʼaeʼmo, alagi lama gemo lapa nepauve. Nagaemo sipisipi anagaʼmogi kipaʼapimo maiʼnove.

Yoni 13:16

Lama gemo lapa nepauve, huno, Mago aliʼyaʼmo neʼaliya vekamoʼa aliʼyaʼmo afoʼamoʼmo aeno noʼagase. Ani kava huno apa vekamoʼa alino ateʼnigeno uʼniya vekamo aeno noʼagase.

Yoni 13:38

nagaetefeʼmo falisanafeʼmo alo huʼnapiye. Alagi lama gemo kaha nepauve, kokolemoʼmo age oʼaiʼnisigekaeʼmo nagaefeʼmo oʼageʼnova vekae, huka huteka kakameʼyamo namigane, huno ha paiʼniye.

Yoni 14:12

Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Yoni 16:20

Alagi lama gemo lapa nepauve, huʼna, lapakaemo aviʼyaʼmo hugayaʼmonanafa ma mopafi vayaʼmogimo apamogaga aigae. Yulagefa aitetapaeʼmo halate aitapa afe letapa lapamogaga aigae.

Yoni 16:23

Ani afinaʼmo afole aisigetapaeʼmo mago kavafeʼmo loka huta nafi okegae. Alagi lama gemo lapa nepauve, huʼna, lapakaemo Afoʼnimofeʼmo nagiʼniletiʼmo muki yafeʼmo afi gesagenoʼaeʼmo afaʼa lapamigiye.

Yoni 21:18

Alagi lama gemo kaha nepauve, neya vekamo maiʼnekaeʼmo kukenakamo kagaikamo alika vaitekaeʼmo kagesa afiʼnana kotegamo afaʼa utaleka neʼane. Henagaʼamo kosuna letekaeʼmo kayaʼmo aeka hayo huʼnisanageno kukenakamo vaino kateteno visanafeʼmo okahauʼnisiya kotegamo kavalelino ugiye, huno ha paiʼniye.

Yoni 3:3

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo,

Yoni 3:5

alagi lama gemo kaha nepauve, huno, anitetiʼe Aunemeʼaletiʼeʼmo alino oʼapateʼnisiya vayaʼmo Gotiʼa yagaino neʼapateya kegiʼyafiʼmo afaʼa uʼa ohaigae.

Yoni 5:19

Yesuʼa hunoʼaeʼmo, alagi lama gemo lapa nepauve, huno, Mafaʼneʼamoʼmo agaiʼamo mago kavaʼmo afaʼa osugiyaʼmonanafa muki yaʼmo Afoʼamoʼmo nehiya kavaʼmo agetenoʼaekeʼmo nehiye. Agaemo nehiya kava huno mafaʼneʼamoʼmo ani agufa kavaʼmo nehiye.

Yoni 5:27

Ani kava huno Mafaʼneʼamoʼmo alino fako huno apatesiyafeʼmo lekana paino ateʼniye. Vemo Mafaʼnemo maiʼniyaʼmofeʼmae.

Yoni 6:26

Yesuʼa hunoʼaeʼmo, alagi lama gemo lapa nepauve, huno, noʼagaya agufa aune kavaʼmo agetapa aeto huʼnayaʼmofeʼmo nagesayafeʼmo oʼmeʼnafa peleti mayamo lapamiʼnogetapa netapa lapamu huʼnayaʼmofeʼmo nagesayafeʼmo eʼnae.

Yoni 6:32

Alagi lama gemo lapa nepauve, huno, Moseseʼa kokuʼnapati lama ge peleti mayamo oʼapamiʼnifa Afoʼnimokeʼmo kokuʼnapatiʼmo lama ge peleti mayamo nelapamiye.

Yoni 6:47

Alagi lama ge lapa nepauve, huno, Apakesamo afiʼa fatago nehaya vayaʼmo afaʼa maige maige huʼa maisaya yaʼmo ago aliʼnae.

Yoni 6:53

Yesuʼa hunoʼaeʼmo, alagi lama gemo lapa nepauve, huno, lapakaemo Vemo Mafaʼnemo ameʼaʼe kolaʼaʼeʼmo oʼneʼnisayana afaʼa maisaya yaʼmo alagi oʼaliʼnae.

Yoni 8:34

alagi lama gemo lapa nepauve, huno, haiya vayaʼmogi hosu kavaʼmo nehisafigeno hosu kavaʼapimoʼa kalavusi huno apateʼnigeʼa aliʼyaʼamo neʼaliya vayaʼmo maiʼnae.

Yoni 8:51

Lama gemo lapa nepauve, huno, Geʼnimo akame nehaya vayaʼmo ofaligae, huno hapa paiʼnigeʼapaeʼmo,

Yoni 8:58

alagi lama gemo lapa nepauve, huno, Emalehamuʼa itaʼamoʼmo alino oʼateʼniya afinatetiʼmo nagaemo hogoteʼna muki afinaʼmo alagi maiʼnova vekamo maiʼnove, huno hapa paiʼnigeʼapaeʼmo

Apa 10:11

Ageʼniyana kokuʼnaʼmo halo aiʼnigeno alopa latapa kenamo mopa afafaleʼmo emineʼniye. Loleʼe loleʼe atupaleʼmo nofi aeteno ataleʼnigeno emineʼniye.

Apa 7:56

Agetenoʼaeʼmo, Ageyo, huno, Kokuʼnaʼmo halo aiʼnigeʼna ageʼnovana Vemo Mafaʼnemo Goti lamaga haopaleʼmo he tino maiʼnigeʼna ageʼnove, huno hapa paiʼniye.

2 Tesaloniyani 1:7

Ala kava neʼmo Yesu Kalaisiʼagi himamuʼapiʼe enisole vayanagi huʼa ata vaipiʼmo kokuʼnapatiʼmo emiʼeʼa muki vayaʼai apaulagaleʼmo afole neʼaisagenoʼaeʼmo Gotiʼa lapakaemo kana yaʼmo aliʼnaya vayaʼmo alino falu huno lapatesigeta lagaeʼe lapakaeʼeʼmo magokepi maita haga legaune.

2 Tesaloniyani 1:9

Apakaemo Ala kava neʼmo aulagaleʼmo oʼmaigayaʼmonanafa ha le konali himamuʼaʼe yategatiʼmo alino hapa faino apataletenoʼaeʼmo muki afinaʼmo alino apagoʼya lagauno apatalete apatalete hugiye.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

Himulu 1:14

Enisole vayaʼmo apauneʼapameʼe vayaʼmo maiʼneʼa Goti aliʼyaʼamo neʼaliya vayaʼmo maiʼnae. Gotiʼa fikumo hapa maeno apakufamo alino katino apatesiya vayaʼmo hapa maesayafeʼmo alino apateʼnigeʼa emineʼae.

Yuti 1:14

Atamu akamelegati napa seveni vekamo Inokiʼa ani vayaʼaiteʼmo afole aisiya kavafeʼmo ava gemo Gotitegati gemo alino hapa painoʼaeʼmo, Afiyo, huno, Ala kava neʼmoʼa lagaemo lekana opaisuna agufa enisole vayaʼmo tauseni tauseniʼa apaote enisole vayaʼaʼeʼmo magokepi eminegaiye.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.

Leveleseni 4:1

Ani gemo afiteʼna ageʼnovana kokuʼnapi kitamo naulagaleʼmo yaki maleʼnigeʼna ageʼnove. Hogoteʼna afiʼnovana pikuli huʼnageno age aigekana agufa gefatiʼmo naha painoʼaeʼmo, Manileʼmo haikeno. Henagaʼamo afole aisiya kavaʼmo aliʼna kaveliguve, huno naha paiʼniye.