Yoni 1:34 - The Keyagana NT and 25 OT books

³⁴ ani kavaʼmo huʼna ageʼnovaʼmofeʼmo ani vekamo Goti mafaʼneʼamae, huʼna aeʼna hakalo nehuve, huno hapa paiʼniye.

Yoni 1:34 ပူးပေါင်းရင်းမြစ်များ

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 16:16

Saimoni Pitaʼa geʼaleʼmo aeno atagaina hunoʼaeʼmo, Kalaisi vekamo maiʼnane. Maige maige huno neʼmaiya Goti mafaʼneʼamo maiʼnane, huno ha paiʼniye.

Matiyu 17:5

mago hiyaʼmo aeno ha leʼniya hiyaʼmoʼa kino apati kaeʼnigeno mago gemo hiyapatiʼmo hunoʼaeʼmo, mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Agaefeʼmo lusi kava huʼna amuse huʼna neʼatovanagi geʼamo alagepa huta afiyo, huno huʼnigeʼa

Matiyu 26:63

Halate agaefeʼmo hukaeʼmo, maige maige huno neʼmaiya Gotitegatiʼmo alagi lama gemo nehuve, huka huvo. Kalaisi vekamo Goti mafaʼneʼamo maiʼnisanana laha paiyo, huno afi geʼnigenoʼaeʼmo,

Matiyu 27:40

alopa mono noʼmo heʼna halagape vaiteʼna loleʼe magoʼe afinaʼmo halate kiʼna hano huguve, huka huʼnana vekamogi kagaika kagufamo alika katika kato. Goti mafaʼneʼamo maiʼnisanana aika akaika emikeno, huʼa huteʼa huʼa faipa huʼa ateʼnae.

Matiyu 27:43

Agaemo Gotifeʼmo alino amufa amiʼniye. Agaemo hunoʼaeʼmo, Goti mafaʼneʼamo maiʼnove, huno huʼniyaʼmofeʼmo Gotiʼa agufamo alino katino atesifigeta agegaune, huʼa huteʼa huʼa faipa huʼa ateʼnae.

Matiyu 27:54

Ati vayaʼaiteʼmo yagaino neʼapateya vekaʼe ati vayaʼaʼeʼmo Yesuteʼmo yagaiʼa maiʼneʼa ageʼnayana imima aliʼnigeno muki kavaʼmo afole aiʼnigeʼa ageteʼapaeʼmo lusi kava huʼa koli huteʼapaeʼmo, alagi lama gemo hune, huʼa, ani vekamo Goti mafaʼneʼamo maiʼniye, huʼa huʼnae.

Matiyu 3:17

Kokuʼnapatiʼmo mago gemo hunoʼaeʼmo, ani vekaeʼmo nagaiʼni nahau nayamopafiʼmo nahauʼniya mafaʼneʼnimo maiʼniye. Agaefeʼmo lusi kava huʼna amuse huʼna neʼatove, huno huʼniye.

Matiyu 4:3

Apamalageka nehiya vekamoʼmo agaetegamo eno avaʼyi huteno, Goti mafaʼneʼamo maiʼnisanana mani yafafeʼmo, peleti mayamo alika hamalo, huka huvo, huno ha paiʼniye.

Matiyu 4:6

Goti mafaʼneʼamo maiʼnisanaʼmoʼmo aeka lako aika asagauka aiyo. Mukufiʼmo avoʼmo kae maleʼniya gemoʼmo hunoʼaeʼmo, Gotiʼa enisole vayaʼaeʼmo, yagaitapa ateyo, huno hapa paiteno alino apatesigeʼa emi eʼa katafausageno yafateʼmo kaiyafiʼmo okahaegaiye, huno huʼniyaʼmofeʼmae, huno ha paiʼniye.

Matiyu 8:29

Anakaemo eʼana Yesuʼeʼmo fotu huteʼanaeʼmo, Goti mafaʼneʼamogae, huʼa, lagaetegamo na agufa kava huka latesanafeʼmo neʼane. Kayoʼmo lamisana afinaʼmo afole oʼaiʼniyanagi lagafu yaʼmo alika lamisanafeʼmo neʼapiye, huʼa afi geʼnae.

Maki 1:1

Alagepa faigoko geʼamo Yesu Kalaisi Goti mafaʼneʼamo ava gemo ina kava huno aepa faiʼniye.

Maki 1:11

Mago vekaʼmoʼmo kokuʼnapatiʼmo ge hunoʼaeʼmo, lusi kava huno neʼnahaiya mafaʼneʼnimo maiʼnane. Amuse huʼna nekatove, huno huʼniye.

Luki 1:35

Aote Aunemeʼamoʼmo Goti himamuʼamo hiyakana huno kagaeteʼmo eminesigeka alika atesana mafaʼneeʼmo, aote vekamo Goti Mafaʼneʼae, huʼa agi aegae.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 1:49

Tisao, huno, Goti mafaʼneʼamo maiʼneka Isaleli vayaʼaiteʼmo yagaika neʼapatana kini vekaʼapimo maiʼnane, huno ha paiʼniye.

Yoni 10:30

Nagaeʼe Afoʼnimoʼeʼmo magoke aiyaya vekalaʼmo maiʼnoʼae, huno hapa paiʼnigeʼapaeʼmo

Yoni 10:36

Gotiʼa ani gemo ma mopafi vayaʼaifeʼmo huʼniyaʼmonanafa nagaemo huʼnaeʼmo, Goti mafaʼneʼamo maiʼnove, huʼna huʼnovaʼmofeʼmo muki yaʼmo Afoʼamoʼmo aote vekamo lekana paino ateʼnenoʼaeʼmo alino ateʼnigeno emineʼniya vekaeʼmo, Gotifeʼmo huka faipa huka neʼatane, hutapa nehafiye.

Yoni 11:27

He, Ala kava nene, huno, kagaemo Kalaisi vekamo Goti Mafaʼneʼamo ma mopafiʼmo eminegaiye, huʼa huʼnaya vekamo maiʼnane, huʼna nagesamo afiʼna fatago nehuve, huno ha paiʼniye.

Yoni 19:7

Yu vayaʼmogi huʼapaeʼmo, agaemo Goti mafaʼneʼamo maiʼnove, huno huʼniyaʼmofeʼmo keʼaepa getimoʼmo hunoʼaeʼmo, ago faligiye, huno huʼniye, huʼa ha paiʼnae.

Yoni 20:28

Tomasiʼa hunoʼaeʼmo, Ala kava neʼnimo Gotiʼnimogae, huno ha paiʼnigenoʼaeʼmo,

Yoni 20:31

Lapakesamo afita fatago hutetapaeʼmo, Yesuʼa Kalaisi vekamo Goti Mafaʼneʼamo maiʼniye, hutetapa maiʼnetapaeʼmo agiʼaletiʼmo alagepa hutapa maige maige hutapa maisayafeʼmo mani gemo huʼna avoʼmo kae maleʼnove.

Yoni 6:69

Hemenimo lagaemo lagesamo afita fatago huteta kageʼnonana aeto agufa vekamo Gotitegatiʼmo emikeʼnana vekamo maiʼnanageta kageʼnone, huno ha paiʼnigeno

Lomu 1:4

Aote aunemeʼaʼe vekamo maiʼniya kavatefeʼmo Gotiʼa agaiʼa himamuʼaletiʼmo, faliʼniyatetiʼmo ago alino he tino atetenoʼaeʼmo, mafaʼneʼnimo maiʼniye, huno alino apave liʼniye.

2 Kolitiyani 1:19

Sailasiʼagi Timotiʼagi nagaiʼnimogi huta Goti Mafaʼneʼamo Yesu Kalaisifeʼmo ava gemo aeta hakalo huta lapa paiʼnona vekamoʼmo lole agufa gemo afoʼamoʼmo oʼmaiʼniye. Agaetefeʼmo he, nehutaeʼmo aita atagineta, haʼao, huta nosune. Agaemo he gemo afoʼamoʼmo maiʼneno lama gemo afoʼamoʼmo maiʼniye.

Himulu 7:3

Ita afoʼalaʼmoganimo oʼmaige lotoʼamogimo oʼmaige huʼnae. Alino ateʼniya afinafeʼmo ava gemo ohanege faliʼniya afinafeʼmo ava gemo ohanege huʼnigeno Goti Mafaʼneʼagana huno maiʼneno mono huno neʼapateya vekamo ofalino afaʼa maige maige huno maiʼniye.

1 Yoni 2:23

Muki vayaʼamogi, Yesuʼa Kalaisi vekamo oʼmaiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼmo avaleʼa oʼateʼnae. Muki vayaʼamogimo, Yesuʼa Kalaisi vekamo maiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼe Mafaʼneʼaʼeʼmo anavaleʼa anateʼnageʼana neʼmaiʼae.

1 Yoni 3:8

Sataniʼa aepa faiʼniya afinatetiʼmo hosu kavakeʼmo hume hume neʼeya kava huʼa muki vayaʼmogi hosu kavaʼmo nehaya vayaʼmo Satani vayaʼamo maiʼnae. Goti Mafaʼneʼamoʼmo Satani aliʼyaʼamo alagi alino hano huno atalesiyafeʼmo emineno afole aiʼniye.

1 Yoni 4:9

Gotiʼa Yesutetiʼmo afaʼa maisuna yaʼmo alisunafeʼmo aiya magoke mafaʼneʼamo alino ateʼnigeno ma mopafiʼmo emineʼniye. Gotiʼa ani kavatetiʼmo lagaefeʼmo hau ayamopafiʼmo hauʼniya kavaʼamo alino lave liʼniye.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

2 Yoni 1:9

Muki vayaʼamogi Kalaisiʼa alino apaya maleʼniya geleʼmo atafauʼa alagi huʼa oʼmaiʼnisayana Gotiʼa avaleʼa apaipafiʼmo oʼateʼnae. Muki vayaʼamogi Kalaisiʼa alino apaya maleʼniya geleʼmo atafauʼa alagi huʼa maiʼnisayana Gotiʼa avaleʼa apaipafiʼmo ateʼnageno maiʼnigeno Mafaʼneʼaʼeʼmo apaipafiʼmo maiʼniye.

Leveleseni 2:18

Kagaemo Taiyataila taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo Goti mafaʼneʼamoʼna naulagalaʼmo ata vaikana huno nelegeno naiyalaʼmo haesa yafaʼmo oʼaniʼyaʼmo aeʼa kalo paeʼnaya yafakana huno haneʼniya vekamoʼnamo mani gemo lapa nepauve.