Yoni 1:30 - The Keyagana NT and 25 OT books

³⁰ Nagaemo ani vekaeʼmo, nagae nakameʼmo huno esiya vekamo hogote vekamo maiʼniyaʼmofeʼmo aeno nagaseʼniya vekamo maiʼniye, huʼna ago aeʼna hakalo huʼna lapa paiʼnove.

Yoni 1:30 ပူးပေါင်းရင်းမြစ်များ

Matiyu 3:11

Nagaemo lapaipamo alita afe leʼnaya kavatefeʼmo aniʼaletikeʼmo faleʼna nelapatovanageno nagae nakame huno esiya vekamoʼmo Goti Aote Aunemeʼaletiʼe ataletiʼeʼmo aniʼmo faleno lapategaiye. Agaemo lokiyaʼamoʼmo nagaemo lokiyaʼnimo ago aeno naga seʼniyaʼmofeʼmo afa vekamo maiʼneʼna aliʼyaʼamo neʼaluva agufa vekaʼagana huʼna maiʼnovanageʼna suʼamo aliniʼna visuva kavaʼmo huʼna afaʼa oʼmaiʼnove.

Luki 3:16

Afiʼnagenoʼaeʼmo Yoniʼa hunoʼaeʼmo, nagae nakamemo huno esiya vekamo ayamufaʼamoʼmo nagae nayamufamo ago aeno naga seno maiʼniye. Nagaemo suʼamo nofiʼmo afaʼa hakalu hesuva agufa kavaʼmo huʼna oʼmaiʼnove. Nagaemo aniʼaletikeʼmo aniʼmo faleʼna lapateʼnovanageno agaemo aote Aunemeʼaletiʼe ataletiʼeʼmo aniʼmo faleno lapategaiye.

Yoni 1:15

Yoniʼa hunoʼaeʼmo, ani vekaeʼmo hogoteʼna ava gemo huʼna lapa paiʼnaeʼmo, nagae nakameʼmo huno esiya vekamo hogote vekamo maiʼniyaʼmofeʼmo aeno nagaseʼniya vekamo maiʼniye, huʼna lapa paiʼnove, huno hapa paiʼniye.

Yoni 1:27

Nagae nakameʼmo huno neʼeya vekamoʼmo aeno nagaseʼnigeʼna ina agufa vekamo maiʼnovaʼmofeʼmo suʼmo nofiʼamo afaʼa hakalu hesuva agufa kava huʼna oʼmaiʼnove, huno hapa paiʼniye.

Yoni 1:31

Agaemo oʼageʼnovaʼmonanafa Isaleli vayaʼmo aliʼna apave lisuvafeʼmo eʼna aniʼmo faleʼna neʼapatove, huno hapa paiʼniye.

Yoni 10:41

Maiʼnigeʼapaeʼmo asole vayaʼmo agaetegamo eʼa apakaemo huʼapaeʼmo, Yoniʼa noʼagona agufa aune kavaʼmo osuʼniyaʼmonanafa muki geʼamo ani vekaeʼmo ava gemo huʼniya gemo alagi lama gemo huʼniye, huʼa huʼnae.