Yoni 1:18 - The Keyagana NT and 25 OT books

¹⁸ Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 1:18 ပူးပေါင်းရင်းမြစ်များ

Aepa Gemae 16:13

Ha paiʼnigeno Hegaʼa Ala kava neʼmo ha paiʼniya geeʼmo agesa afiteno Ala kava nefeʼmo ina ge huno agimo amiʼniye. Gotiʼa neʼnageya vekae. Neʼnageya Gotiʼmo ago ageʼnovaʼmofeʼmae, huno huʼniye.

Aepa Gemae 18:33

Ala kava neʼmo ataleno uʼnigeno Emalehamuʼa noʼalegamo uʼniye.

Hatu maeno apate'niya gemae 23:21

Agaefeʼmo koli huʼnetapa geʼamo afitetapa akame hiyo. Nagae nagimo agaepiʼmo haneʼniyaʼmofeʼmo kayoʼmo lapamisiya agufa kavaʼmo osiyo. Hosu kavatapimo alino oʼatalegaiyaʼmofeʼmae.

Hatu maeno apate'niya gemae 24:10

Isaleli vayaʼmogi Gotiʼapimoʼmo maiʼnigeʼa ageʼnayana aiyamo afeʼalumelagamo oko yafaʼmo agiʼamo Safaiya yafatetiʼmo kateʼmo maleʼnageno kokuʼnakana huno aeno haleʼniye.

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Luki 10:22

Hutenoʼaeʼmo, Afoʼnimoʼmo muki yateʼe vayaʼaiteʼeʼmo yagaisuvafeʼmo alino nateʼniye. Muki vayaʼmogimo mafaʼneʼamo ageʼa alagepa huʼa oʼageʼnafa afoʼamokeʼmo ageno alagepa huno ageʼniye. Ani kavaʼmo huʼa vayaʼmogimo muki yaʼmo Afoʼamoʼmo ageʼa alagepa huʼa oʼageʼnafa mafaʼneʼamokeʼmo ageno alagepa huno ageʼniye. Ani kavaʼmo huno mafaʼneʼamoʼmo lekana paino apateʼnisiya vayaʼmo alino apave lisigeʼapaeʼmo muki yaʼmo Afoʼamoʼmo ageʼa alagepa huʼa agegae, huno hapa paiʼniye.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 12:41

Aiyeyaʼa Yesu ha le konali yaʼamo ageʼniyaʼmofeʼmo ani agufa gemo huno ava gemo huʼniye.

Yoni 13:23

Mago vekamo geʼamo neʼafiya vekaeʼmo Yesuʼa hau ayamopafiʼmo hauʼniya vekamo Yesu haopaleʼmo maiʼniye.

Yoni 14:9

Yesuʼa hunoʼaeʼmo, Filipigamo lapakaeʼeʼmo yatala afinaʼmo magokepi lokaeʼna maiʼnovana nageka aeto osuʼnapiye. Nageʼniya vekamoʼa muki yaʼmo Afoʼamoʼmo ago ageʼniyaʼmofeʼmo na kava higekaeʼmo muki yaʼmo Afoʼamoʼmo alika lave liyo, huka nehane.

Yoni 17:26

Nagaefeʼmo kahau kayamopafiʼmo kahauʼniya kavakamo apakaepiʼmo hanesigeʼna apakaepiʼmo maisuvafeʼmo kagikamo aepaʼamo aliʼna apave liʼnovanageʼna magoʼe huʼna aliʼna apave liguve, huno nunumuʼmo huʼniye.

Yoni 17:6

Nagaemo ma mopafi vayapatiʼmo apavaleka namiʼnana vayaʼmo kagikamo aepaʼamo aliʼna apave liʼnove. Ani vayaʼmo vayakamo maiʼnageka ago apavaleka namiʼnane. Apakaemo kagae gemo aliteʼa gekaleʼmo yagaiʼa ateʼneʼa akame huʼnae.

Yoni 3:11

Alagi lama gemo kaha nepauve, huno, afiʼnoʼa gemo lapa paitetaʼa ageʼnoʼa kavafeʼmo aetaʼa hakalo hutaʼa lapa nepauʼaʼmonanafa getiʼamo noʼafiye.

Yoni 6:46

Ani gemo huvaʼmonanafa magoke vekamoʼa Afoʼnimoʼmo oʼageʼniye. Gotitegatiʼmo magoke vekamo emineʼniya vekamokeʼmo muki yaʼmo Afoʼamoʼmo ageʼniye.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

Kolosi 1:15

Kalaisiʼa noʼagaya Goti auneʼamo maiʼniye. Yege Mafaʼneʼamo maiʼnenoʼaeʼmo muki alo huʼniya yaʼe vayaʼeʼmo aeno apakaseno maiʼniye.

1 Timoti 1:17

Ala kini vekamo ofalino maige maige huno neʼmaiya vekamo noʼagona vekamo agaiʼageʼmo ageteno afiʼniya vekamo ala agiʼaʼe ha le konali yaʼaʼeʼmo muki afinaʼmo hanege hanege huno haneno. He, lama ge.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

Yasuva 5:13

Yasuvaʼa Yeliko taoni haopaleʼmo maiʼnenoʼaeʼmo alino aulu heno ageyana mago vekamoʼmo naipeʼamo ayapiʼmo aliteno he tino maiʼnigeno ageʼniye. Yasuvaʼa agaetegamo uno, Kagaemo laha maesana vekamo maiʼnapi kametimo maiʼnane, huno ge huno afi geʼnigenoʼaeʼmo

1 Yoni 4:12

Mago vekamoʼmo Gotiʼmo mago afinaʼmo oʼageʼniye. Lagaemo konagatimogifeʼmo lahau layamopafiʼmo nelahaisiyana Gotiʼa lagaepiʼmo alagi maiʼnigeno hau ayamopafiʼmo hauʼniya kavaʼamo laipafiʼmo kosino afu leʼniye.

1 Yoni 4:20

Mago vekamoʼmo hunoʼaeʼmo, Nagaemo Gotifeʼmo nahau nayamopafiʼmo neʼnahaiye, huno nehunoʼaeʼmo konagaʼamogifeʼmo aini hisiyana aigofe vekamo maiʼniye. Agaemo ageʼniya konagaʼamofeʼmo nohausiyana haiya kava huno oʼageʼniya Gotifeʼmo hau ayamopafiʼmo haugiye.

1 Yoni 4:9

Gotiʼa Yesutetiʼmo afaʼa maisuna yaʼmo alisunafeʼmo aiya magoke mafaʼneʼamo alino ateʼnigeno ma mopafiʼmo emineʼniye. Gotiʼa ani kavatetiʼmo lagaefeʼmo hau ayamopafiʼmo hauʼniya kavaʼamo alino lave liʼniye.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.