Yoni 1:13 - The Keyagana NT and 25 OT books

¹³ Apakaemo itaʼapi afoʼapimogi kolatetiʼmo aliʼa oʼapatege apakaiʼapi hapauʼnigeʼa aliʼa oʼapatege alu vayaʼmogi hapauʼnigeʼa aliʼa oʼapatege huʼnayaʼmonanafa Gotiʼa agaiʼamo hauʼnigeno alino apateʼnigeʼa mafaʼneʼamo ha maleʼnae.

Yoni 1:13 ပူးပေါင်းရင်းမြစ်များ

Aepa Gemae 25:22

Lole mafaʼnelaʼmo aipafi maiʼneʼana kanage huʼnaʼae. Lipekaʼa, na kava higenoʼaeʼmo mani agufa kavaʼmo nagaetega afole neʼaiye, huno huteno ani kavaʼmo aepaʼamo afisiyafeʼmo Ala kava netegamo uno nunumuʼmo huno ge huno afi geʼniye.

Aepa Gemae 25:28

Isoʼa afela afumo haeno kaeno alinineno Aisakiʼmo amiʼniyaʼmofeʼmo Isofeʼmo hau ayamopafi hauʼnigeno Lipekaʼa Yekopufeʼmo hau ayamopafiʼmo hauʼniye.

Aepa Gemae 27:33

Aisakiʼa ani gemo afitenoʼaeʼmo lusi kava huno atete hutenoʼaeʼmo, hogoteno afela afumo haeno kaeno alinineno namiʼniya vekamo ina laʼmae. Oʼmeʼnanageʼnaeʼmo ago neteʼna Ala kava neʼmoʼa alino auleno atesiya gemo ago ha paiʼnovanageno Ala kava neʼmoʼa alino auleno ategaiye, huno huʼniye.

Aepa Gemae 27:4

Hogoteka haekaeʼmo kaeka namiʼnanageno haga neʼnahaiya agufa kava huka kaeka alinika eno. Neteʼnaeʼmo aliʼna auleʼna kateteʼna faliguve, huno ha paiʼniye.

Samu 110:3

Himamukaletiʼmo aliʼyaʼmo alisana afinaʼmo vayakamogimo apaipamo kaliteʼa apakufamo kamiteʼa apaote konali kukenamo aliʼa vaiteʼa kakame hugae. Aʼnemogimo mafaʼnemo apaipafatiʼmo aliʼa neʼapataya kava huno netepiʼmo laoʼyaʼmo nelamiye. Ani kava huno Gotiʼa neya vayakamo alino apatesigeʼa laoʼyakana huʼa afole aiteʼa kagaetegamo ugae.

Matiyu 3:9

Lapakaemo hutapaeʼmo, Emalehamuʼa lagaiti laginago vekatimo maiʼniye, hutapa lapakesamo oʼafiyo. Gotiʼa mani yafapatiʼmo Emalehamu aginagoʼamo afaʼa alino hamaleno apategaiye.

Yoni 3:3

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo,

1 Kolitiyani 3:6

Nagaemo avina yaʼmo hakaleʼnogenoʼaeʼmo Apolosiʼa aniʼmo lakiʼniyaʼmonanafa Gotiʼa alino hageno ateʼniye.

Taitasi 3:5

Agaemo fatago kavaʼmo huta alagepa aliʼyaʼmo aliʼnona kavatiletiʼmo lagufamo alino katino olateʼnifa fikumo hau huno latetenoʼaeʼmo lagufamo alino katino lateʼniye. Aunemeʼaletiʼmo alino lateteno hosu kavatimo aeno kalo paeno lateʼnigetaeʼmo saufa vayaʼmo hamaleʼnone.

Yemisi 1:18

Agaemo hauʼnigeno muki alo huno apateʼniya vayaʼmo aeta apakaseta maisunafeʼmo lama geʼaletiʼmo alino lateʼnigeta mafaʼneʼamo maiʼnone.

1 Pita 1:23

Gotiʼa kasalisiya avina yatetiʼmo halate alino olapateʼnifa okasalisiya avina yaʼmo aunemeʼe gemo hanege hanege huno hanesiya geʼaletiʼmo halate alino lapateʼnigetapa mafaʼneʼamo maiʼnae.

1 Pita 1:3

Lagaemo Goti agiʼaleʼmo Ala kava netimo Yesu Kalaisi afoʼamo agiʼaleʼmo alita auleta ategetao. Lusi kava huno hau huno lateʼniyaʼmofeʼmo Yesu Kalaisiʼa faliʼniyatetiʼmo ago alino he tino ateʼniya kavatetiʼmo saufa vayaʼmo halate alino lateʼniye. Lagaemo afole aisiya kavatefeʼmo agava maiʼnetaeʼmo lama geʼalefeʼmo lavayagunagu huta maisunafeʼmo ani kavaʼmo huʼniye.

1 Pita 2:2

Nute mafaʼnemogimo nufekeʼmo lusi kava huno nehapaiye. Goti geʼamo nukana huno haneʼniyaʼmofeʼmo mani alagepa nufeʼmo lapauʼninagetapa neyo netapa kosigae.

1 Yoni 3:9

Ina lagimo Gotiʼa alino apateʼnifi Goti avina yaʼamo apaipafiʼmo haneʼniyaʼmofeʼmo hosu kavaʼmo akame nosae. Gotiʼa alino apateʼniyaʼmofeʼmo apakaemo hosu kavaʼmo alagi akame osugae.

1 Yoni 4:7

Nahauʼniya vayaʼmogitapae, huʼna, Hapau apayamopafiʼmo nehapaiya kavaʼmo afoʼamoʼmo Gotiʼa maiʼniyaʼmofeʼmo konagatimogifeʼmo lahau layamopafiʼmo lahaino. Muki vayaʼmo hapau apayamopafiʼmo nehapaiya vayaʼmo Gotiʼa alino apateʼnigeʼa mafaʼneʼamo maiʼneʼa Gotiʼa ageʼa aeto huʼnae.

1 Yoni 5:1

Ina lagimo Yesuʼa Kalaisiʼmo vayaʼmo maiʼniye, huʼa huteʼa apakesamo afiʼa fatago nehafi Gotiʼa alino apateʼnigeʼa mafaʼneʼamo maiʼnae. Muki vayaʼamogimo alino apateʼniya vekaeʼmo hapau apayamopafiʼmo hapausiyana ani kava huno alino apateʼniya mafaʼneʼamogiʼefeʼmo hapau apayamopafiʼmo nehapaiye.

1 Yoni 5:18

Gotiʼa alino apateʼniya mafaʼneʼamogimo hosu kavaʼmo akame nosae. Gotiʼa alino apateʼniya vayaʼmogi apakaiʼapileʼmo yagaiʼa neʼapatagenoʼaeʼmo hosu vekamoʼmo alino hosu huno noʼapate.

1 Yoni 5:4

Gotiʼa alino apateʼniya mafaʼneʼamogimo ma mopafi kavaʼeʼmo kame huʼa aeʼa neʼagasae. Lagaemo Goti Mafaʼneʼaeʼmo lagesamo afita fatago huʼnona kavatetiʼmo ma mopafi kavaʼmo kame huta ago aeta agaseʼnone.