Yoni 1:10 - The Keyagana NT and 25 OT books

¹⁰ Gotiʼa agaetetikeʼmo alo huʼniya mopafiʼmo afole aiʼniyaʼmonanafa ageʼa aeto osuʼnae.

Yoni 1:10 ပူးပေါင်းရင်းမြစ်များ

Aepa Gemae 16:13

Ha paiʼnigeno Hegaʼa Ala kava neʼmo ha paiʼniya geeʼmo agesa afiteno Ala kava nefeʼmo ina ge huno agimo amiʼniye. Gotiʼa neʼnageya vekae. Neʼnageya Gotiʼmo ago ageʼnovaʼmofeʼmae, huno huʼniye.

Aepa Gemae 17:1

Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

Aepa Gemae 18:33

Ala kava neʼmo ataleno uʼnigeno Emalehamuʼa noʼalegamo uʼniye.

Aiyeya 53:3

Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Yoni 1:11

Agaemo koʼalegamo emineʼnigeʼapaeʼmo vayaʼamogimo aliʼa falu fala huʼa oʼateʼnae.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 1:3

Gotiʼa agaetetikeʼmo muki asole yaʼamo alo huʼniye. Magoke yaʼmo mago alu katetiʼmo alagi afole oʼaiʼniye.

Yoni 1:5

Ani aeno ha neleya yaʼmoʼa hanipiʼmo aeno ha nelegenoʼaeʼmo hani huʼniya yaʼmoʼa magoʼe huno aeno oʼagaseʼniye.

Yoni 17:25

O Afo, huʼna, fatago kavaʼageʼmo nehana vekamogae, huʼna, ma mopafi vayaʼmogimo okageʼnayaʼmonanafa nagaemo kageʼnogeʼapaeʼmo mani vayaʼmogi kageteʼapaeʼmo, Gotiʼa Afoʼamoʼmo alino ateʼnigeno emineʼniye, huʼa afiʼnae.

Yoni 5:17

Yesuʼa geʼapileʼmo aeno atagaina huno hapa painoʼaeʼmo, afoʼnimoʼmo aliʼyaʼamo oʼataleno muki afinaʼmo alime alime eno hemeniʼeʼmo aliʼyaʼmo neʼaliya agufa kavaʼmo huʼna aliʼyaʼamo neʼaluve, huno hapa paiʼniye.

Apa 14:17

Gotiʼa maiʼniye, huʼa apakesamo afisayafeʼmo alagepa kavaʼmo nehiye. Gotiʼa hunoʼaeʼmo, ko aiyo, huno nehigenoʼaeʼmo koʼmo neʼaigeno kanale neʼyaʼmo hoyafatiʼmo alino hageno ateʼnigeʼapaeʼmo aliʼa neteʼa apamogaga neʼaiye, huʼana hapa paiʼnaʼae.

1 Kolitiyani 1:21

Gotiʼa afiʼniya geʼaletiʼmo ani kavafeʼmo hunoʼaeʼmo, afiteʼa ageʼnaya kavatetiʼmo nageʼa aeto osugae, huno huteno kaʼmo akani maleʼniye. Agaemo negi nagi gemo haneʼniye, huʼa apakesamo neʼafiya faigoko geʼamo aeta hakalo huta hapa nepauna geʼaletiʼmo Kalaisifeʼmo apakesamo afiʼa fatago nehaya vayaʼai apakufamo alino katino neʼapate.

1 Kolitiyani 2:8

Muki ma mopafiʼmo maiʼneʼa yagaiʼa neʼapataya vayaʼmogimo ani afiteno ageʼniya geʼamo alagi oʼafiʼnae. Afiʼnaesinana ha le konali Ala kava neʼmo malipu yosaleʼmo nili aiteʼa aliʼa he tiʼa oʼateʼnaesine.

1 Kolitiyani 8:6

Maiʼnayaʼmonanafa ago afiteta ageʼnonana magoke Gotiʼa afotimoʼmo maiʼniye. Agaemo muki yaʼmo afoʼamoʼmo maiʼnigeta agaetefeʼmo afaʼa maiʼnone. Ani kavaʼmo huno magoke Ala kava netimo maiʼniye. Agaemo Yesu Kalaisiʼa maiʼnigeno Gotiʼa agaetetiʼmo muki yaʼamo alo hu maleʼniye. Lagaemo agaetetiʼmo afaʼa maisuna yaʼmo aliteta maiʼnone.

Kolosi 1:16

Gotiʼa Kalaisipiʼmo muki yaʼe vayaʼeʼmo alo huno apateʼniye. Kokuʼnapiʼmo haneʼniya yaʼe vayaʼenagi ma mopafiʼmo haneʼniya yaʼe vayaʼenagi neʼagaya yaʼe vayaʼenagi noʼagaya yaʼe vayaʼenagi huno alo huno apateʼniye. Agaetetikeʼmo yagaiʼa neʼapataya vayanagi ala vayanagi kava vayanagi ala apaki vayanagi huno agaetefeʼmo alo huno apateʼniye.

Himulu 11:3

Lagaemo lagesamo afita fatago nehuna kavatetiʼmo hutaeʼmo, Gotiʼa geʼaletiʼmo ma mopagi kokuʼnanagi muki neʼagona yanagi huno oʼageʼnona yatetiʼmo alo hu maleʼniye, huta afita aeto nehune.

1 Yoni 3:1

Afiyo, huʼna, Afotimoʼmo lagaefeʼmo aeto agufa kavaʼmo huno hau ayamopafiʼmo hauʼnigenoʼaeʼmo, Mafaʼneʼnimogitapae, huno nehigetaeʼmo lahau neʼaune. Ma mopafi vayaʼmogimo Gotiʼmo oʼageʼnayaʼmofeʼmo lagaeʼeʼmo lageʼa aeto nosae.