Yona 4:6 - The Keyagana NT and 25 OT books

⁶ Ala kava neʼmo Gotiʼa yegemo oʼalesigeno ulunapiʼmo maisiyafeʼmo nofifeʼmo, hago, huno huʼnigeno nofiʼmo hageteno no yosaleʼmo kino haiʼniye. Yonaʼa ani nofifeʼmo lusi kava huno amuse huʼniye.

Yona 4:6 ပူးပေါင်းရင်းမြစ်များ

Esata 5:9

Hemaniʼa neʼyaʼmo neteno ataleno uno nelaminoʼaeʼmo lusi kava huno amogaga aiteno aipamoʼmo kanale huʼniye. Neʼunoʼaeʼmo ageyana Motekaiʼa kini vekamo yafa lafi kegiʼya kate kipateʼmo itopaleʼmo maiʼniyatetiʼmo he tino ape huteno ala agiʼamo oʼamiʼnigenoʼaeʼmo Hemaniʼa lusi kava huno aipamo leno ateʼniye.

Mai'naya kavane 23:5

Nama kanomo neʼaganagenoʼaeʼmo malage huno halelino neʼviya kava huno kagemi yaʼmo malage huno hano hugiye.

Yona 1:17

Ala kava neʼmoʼa alopa noyamemo alino ateʼnigeno uno aka huʼneno Yonaʼmo alino nakaitalegeno uno lamino loleʼe magoʼe felugaʼe haniʼilagaʼeʼmo noyamemo agupafiʼmo maiʼniye.

Yona 4:5

Yonaʼa taonifatiʼmo ataleno malaga uno lamino yegemo haine neʼeya kategamo uno uluna noʼmo kiteno ulunapiʼmo maiʼneno taonifiʼmo na agufa kavaʼmo afole aisifi huno agava maiʼneno ageno maiʼniye.

Yona 4:7

Egamo kotilamiyapiʼmo Gotiʼa mago kafamo alino ateʼnigeno eno nofipiʼmo neʼnigeno falu teʼniye.

Luki 10:20

Himamuʼnimo ago aliʼnayaʼmofeʼmo hosu apaune vayaʼmogi getapimo afiʼnaya kavafekeʼmo lapamogaga oʼaita Gotiʼa kokuʼnapi haneʼniya mukufiʼmo lapakitapimo avoʼmo ago kae maleʼniya kavafekeʼmo ago lapamogaga aiyo, huno hapa paiʼniye.

1 Kolitiyani 7:30

Ma mopafi kavafeʼmo yulagefa neʼaisaya vayaʼmogimo yulagefa noʼaiya vayakana huʼa maime maime visaya kavaʼmo haneʼniye. Ma mopafi kavafeʼmo apamogaga neʼaisaya vayaʼmogimo apamogaga noʼaiya vayakana huʼa maisaya kavaʼmo haneʼniye. Miya faiʼa aliʼnisaya vayaʼmogimo miya faiʼa oʼaliʼnaya vayakana huʼa maisaya kavaʼmo haneʼniye.