Yona 4:4 - The Keyagana NT and 25 OT books

⁴ Ala kava neʼmoʼa hunoʼaeʼmo, Yonao, huno, Kaipamo neleya kavakamo kanale kavaʼmo nehapiye, huno afi geʼniye.

Yona 4:4 ပူးပေါင်းရင်းမြစ်များ

Aepa Gemae 4:6

Inagi Ala kava neʼmoʼa Kenifeʼmo, na kava higekaeʼmo kaipa leʼnigeka hosu kaugosa nekaline.

1 Kini 21:4

Ehapiʼmo ani Yesali taonifi vekamo Nemotiʼmo huʼniya gemo afitenoʼaeʼmo aipafiʼmo ge hauteno hosu aipamo kaliʼnigeno noʼafiʼmo uno haino hipaʼaleʼmo havaeʼnenoʼaeʼmo augosamo kegiʼyalegamo aino afe leʼniye. Agaemo neʼyaʼmo oʼneʼniye. Nemotiʼa hunoʼaeʼmo, Naginago vayaʼmogi aliʼnaya mopamogeʼna okategauve, huno ha paiʼniyaʼmofeʼmae.

Yona 4:1

Gotiʼa huʼniya kavafeʼmo Yonaʼa alagi ohauʼnigenoʼaeʼmo aipamo leʼniye.

Yona 4:3

Ani kava nehanaʼmofeʼmo Ala kava nene, huʼna, Hemenimo afaʼa neʼmauva yaʼnileʼmo aligeʼna ago falino. Afaʼa maisuvana kanale osugiye. Kanale kavanageʼna afaʼa faliguve, huno nunumuʼmo huʼniye.

Yona 4:5

Yonaʼa taonifatiʼmo ataleno malaga uno lamino yegemo haine neʼeya kategamo uno uluna noʼmo kiteno ulunapiʼmo maiʼneno taonifiʼmo na agufa kavaʼmo afole aisifi huno agava maiʼneno ageno maiʼniye.

Yona 4:9

Gotiʼa hunoʼaeʼmo, Nofiʼmo falu teʼniyaʼmofeʼmo kaipamo leʼnigeka kanale kavaʼmo nehapiye, huno afi geʼnigenoʼaeʼmo, he, naipamo lusi kava huno leʼnigeʼna alagepa kavaʼmo nehuve. Afaʼa faligesuve, huno ha paiʼniye.

Maika 6:3

Ala kava neʼmoʼa hunoʼaeʼmo, O, vayaʼnimogitapae, huʼna, nagaemo lapakaetegamo haiya agufa hosu kavaʼmo huʼnove. Haiya kavaʼmo huʼnogeno alagaʼmo lahapaeʼniye. Getapimo alita nagaepiʼmo faita nateyo.

Napa 20:24

Lanakaemo Eloniʼe Moseseʼeʼmo Melima anitegamo geʼnimo amagitana ataleʼnaʼaʼmofeʼmo Isaleli vayaʼaina apamiʼnova mopaleʼmo Eloniʼmo oʼugifa faligiye.

Matiyu 20:15

Nagaiʼni yaʼmogeʼna apamisuva himamuʼnimo ohaneʼnifiye. Vaya nekauva vekamo maiʼnovaʼmofeʼmo kahaʼye nehifiye, huno ha paiʼniye.