Yona 4:3 - The Keyagana NT and 25 OT books

³ Ani kava nehanaʼmofeʼmo Ala kava nene, huʼna, Hemenimo afaʼa neʼmauva yaʼnileʼmo aligeʼna ago falino. Afaʼa maisuvana kanale osugiye. Kanale kavanageʼna afaʼa faliguve, huno nunumuʼmo huʼniye.

Yona 4:3 ပူးပေါင်းရင်းမြစ်များ

1 Kini 19:4

agaiʼageʼmo hau huʼniya kaʼme kotegamo folagapiʼmo magoke afinaʼmo uʼniye. Agaemo uno mago yosamo aepaleʼmo avaʼyi huteno aepafiʼmo itopaleʼmo maiʼnenoʼaeʼmo falisiyafeʼmo nunumuʼmo hunoʼaeʼmo, Ala kava nene, huno, Hainageka afaʼa neʼmauva yaʼnimo hemenimo afaʼa aligane. Nagaemo alagepa vekamo oʼmaiʼneʼna naginago vayaʼmo aeʼna oʼapaka seʼnovaʼmofeʼmae, huno huʼniye.

Yona 4:4

Ala kava neʼmoʼa hunoʼaeʼmo, Yonao, huno, Kaipamo neleya kavakamo kanale kavaʼmo nehapiye, huno afi geʼniye.

Yona 4:8

Yegemo haineteno leʼnigenoʼaeʼmo Gotiʼa amuko yasimo alino ateʼnigeno amuko yasimo alige yegemoʼmo Yona agenopaleʼmo alege huʼnigeno Yonaʼa aulagamoʼmo atete huteno kalafe kalafe huʼnigeno falisiyafeʼmo huʼniye. Yonaʼa Gotifeʼmo, Faliguve. Afaʼa maisuvana kanale osugiye. Kanale kavanageʼna afaʼa faliguve, huno ha paiʼnigeno

Napa 11:15

Kaulagaleʼmo fiku naha maeka namisana kavaʼmo ageteʼna aliʼnisuvana kamitimo namagiyo. Alagi hosu kavaʼmo huʼna oʼmaiguvanagi.

Napa 20:3

Apakaemo Moseseʼeʼmo geletiʼmo kaveta huʼapaeʼmo, Lagaemo konagatimogiʼeʼmo Ala kava neʼmo aulagaleʼmo magokepiʼmo faliʼnonesinana kanale huʼniyesine, huʼa huʼnae.

1 Kolitiyani 9:15

Huʼniyaʼmonanafa muki yaʼmo alisuvafeʼmo himamuʼniletiʼmo afaʼa oʼaliʼnove. Hemenimo lapakaetegatiʼmo mago yaʼmo fikumo alisuvafeʼmo mani avoʼmo nokaove. Aliʼyaʼniletiʼmo nagufale yaʼmo fikumo alisuvafeʼmo oʼnahauʼniyanageʼna hogoteʼna faliteʼnaekeʼmae. Aliʼyaʼniletiʼmo nagufale yaʼmo noʼaluvaʼmofeʼmo amuse nehuve. Fiku yanageno mago vekamoʼmo amuse nehuva geʼnimo aeno ati kaegaiye.