Yona 3:10 - The Keyagana NT and 25 OT books

¹⁰ Ani kava huʼa hosu kavaʼapimo ataleʼnageno Gotiʼa apaketenoʼaeʼmo halate alu aipa agesamo afiteno ani kavaʼmo huguve, huno hapa paiʼniya kavaʼmo osuno ataleʼniye.

Yona 3:10 ပူးပေါင်းရင်းမြစ်များ

Hatu maeno apate'niya gemae 32:14

Ala kava neʼmoʼa alu aipa agesamo afiteno vayaʼaeʼmo, apamagiguve huno huʼniya kavaʼmo osuʼniye.

Mai'naya kavane 28:13

Hosu kavaʼapimo aeʼa ati nekaya vayaʼmo alagepa huʼa oʼmaigayaʼmonanafa hosu kavaʼapieʼmo Gotifeʼmo aeʼa hakalo huʼa ha nepaiya vayaʼaifeʼmo hau huno neʼapate.

Yona 4:11

Ani kava huʼna Niniva vayaʼaifeʼmo nahau huʼna apateʼnove. Niniva taonifiʼmo lusi asole nute mafaʼne anagaʼmo vani hataleti tuveti tauseniʼamo (120,000) maige asole afumo maige huʼnae, huno ha paiʼniye.

Yona 4:2

Yonaʼa nunumuʼmo hunoʼaeʼmo, Ala kava nene, huno, Koʼnimo ataleʼna oʼmeʼnova afinaʼmo ani kavaʼmo hugane, huʼna huʼnofiye. He, ani gemo ago huʼnove. Ani kavaʼmo hugane, huʼna nagesamo afiʼnovaʼmofeʼmo ataleʼna naune hetaleʼna Tasisi taonifiʼmo ugefeʼmo huʼnove. Ago afiʼnovana kagaemo fiku hapa maeka apamiteka kahau huka neʼapatana Gotigamo maiʼnane. Kaipamo malage huno nole. Kahau kayamopafiʼmo kahauʼniya kavaʼmo asole kavakamo haneʼniye. Kagaemo vayaʼmo apamagisanafeʼmo okahauʼniyaʼmofeʼmo halate alu kaipa kagesamo afiʼnane.

Luki 11:32

Gotiʼa agoti huno apatesiya afinaʼmo Niniva taonifiʼmo maiʼnaya vayaʼmogi he tiʼapaeʼmo hemeni afinaʼmo maiʼnaya vayaʼaifeʼmo huʼapaeʼmo, hosu vayane, huʼa hapa paigae. Yonaʼmo Goti gemo aeno hakalo huno hapa paiʼnigeʼapaeʼmo apaipamo aliʼa afe leʼnayaʼmonanafa Yonaʼmo ago aeno aga seʼniya vekamo manileʼmo maiʼniya vekamo geʼamo alagepa huʼa noʼafiye.

Luki 15:20

ataleno he tino afoʼamotegamo eʼniye. Afagitega eʼnigeno afoʼamoʼmo agetenoʼaeʼmo hau huno ateteno nagu nagu huno uno anu kiteno haeno neʼniye.