Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yona 2:9 - The Keyagana NT and 25 OT books

9 Kataleʼnayaʼmonanafa yokemo huʼna kagikaleʼmo aliʼna asaga huguve. Mago ofalinimo kamigekana huʼna navayafatiʼmo kagikaleʼmo aliʼna asaga huguve. Ani kava huguve, huʼna nagoʼyamo ataleʼna kaha paiʼnova gemo amagiʼna oʼatalegauve. Ala kava neʼmokeʼmo vayaʼai apakufamo alino katino neʼapate, huno nunumuʼmo huʼniye.

အခန်းကိုကြည့်ပါ။ ကော်ပီ




Yona 2:9
24 ပူးပေါင်းရင်းမြစ်များ  

Inagi alita vaitetapaeʼmo he tita Meto kotegamo vigetao. Gotiʼa nagaemo kana yaʼmo neʼaluva afinaʼmo geʼnileʼmo aeno atagaina huteno naha maege muki uʼneʼna nehuva kotegamo nagaeʼeʼmo lokaeno maige nehiya Gotiʼmo ofalinimo amisuva yafa hiʼyalamuʼmo huguve, huno hapa paiʼniye.


Apakaemo Gotifeʼmo hao ke hesaya ofalinimo amagiʼa amiyo. Amiteʼa aliʼyaʼalefeʼmo apamogaga aiteʼapaeʼmo aeʼa hakalo hiyo.


Ala kava neʼmo ha le yaʼnimo aepa vekamo maiʼneno nagufamo alino katino neʼnateya vekamo maiʼniyaʼmofeʼmo ina lagifeʼmo koli huguve. Ala kava neʼmo himamuʼnimo aepa vekamo maiʼniyaʼmofeʼmo ina lagifeʼmo atete huguve.


Kagaekeʼmo lagufamo alika katika nelatane. Kagaemo vayakamo alika auleka apateʼnane.


Gotifekeʼmo hao ke hesaya agufa ofalinimo amiyo. Lapakaemo ani kavaʼmo hugune, hutapa ha paiʼnaya gemo akame hutapa ani agufa ofalinimo hogote vekamo anaga vekamo amiyo.


Nagaefeʼmo, alagepa kavaʼmo huʼniye, huʼa nehaya vayaʼmogimo ala nagiʼnimo neʼnamiye. Nehaya kavaʼapilefeʼmo apakesa afifi huʼa maiʼnisaya vayaʼmo Gotiʼa apakufamo alino katino neʼapateya kavaʼamo aliʼna apave liguve.


Lagaemo Gotitimoʼmo apakufamo alino katino neʼapate. Agaemo falisuna kavategatiʼmo lagufamo alino katino lateʼniye.


Agaetegamo egetao agaefekeʼmo hao ke hegaune. Agiʼaleʼmo alita asaga huta lamogagamo aiteta samu yokemo hugune.


Afigayaʼmonanafa Ala kava neʼmoʼa Isaleli vayaʼmogi apakufamo alino katino apatesigeʼa alagepa huʼa maige maige huʼa maigae. Lapakaemo hosu lapakitapimo alige lapavagage huge hutapa oʼmaigafa muki afinaʼaeʼmo alagepa hutapa maige maige hutapa maigae.


Lapakaemo Sameliya vayaʼmogitapamo ina lafeʼmo mono nehupi huta alagepa hutapa oʼageʼnae. Lagaemo Yu vayaʼmogita ina lafeʼmo mono nehupi huta ago ageʼnone. Yu vayaʼaitegatiʼmo alagepa gemo aino atagu faesigeno Gotiʼa apakufamo alino katino apateteno hapau vaigiye.


Mago alu vekamoʼmo lapakufamo alino katino lapatesiya vekamo oʼmaiʼnifa agaekeʼmo magokeʼage maiʼniye. Mago alu agiʼe vekamo oʼmaiʼniyaʼmofeʼmo Gotiʼa magoke vekamo agiʼamo ma mopafi vayaʼaina apamiʼniyanageʼa agimo aeʼa ge hisageno hapa maeno, huno hapa paiʼniye.


Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.


Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.


Apakaemo alopa gefatiʼmo huʼapaeʼmo, Gotitimoʼmo yagaino neʼapateya vekamo siyaʼaleʼmo fai maiʼniya vekamoʼe aikeli sipisipi vekamoʼeʼmo anakaiʼanigeʼmo lagufamo alitana katitana lateʼnaʼanagi ala lanakitanimo aliʼao, huʼa huʼnae.


Ala kava neʼmo oʼataleyo. Atalesayaʼmoʼmo afaʼa ina agufa yaʼmo alisayafeʼmo lahapaugiye. Ina agufa yaʼmo haneʼniyaʼmofeʼmo lapakaemo akamelegatiʼmo magoʼe yaʼmo afaʼa oʼaligae. Lapa oʼmaesiya yaʼmo haneʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ