Yona 2:2 - The Keyagana NT and 25 OT books

² Nunumuʼmo hunoʼaeʼmo, Ala kava nene, huno, Alopa hanageke yaʼmo aliʼnogeno naipafiʼmo lusi kava huno nagafu kiʼnigeʼnaeʼmo kagaefeʼmo keya aeʼna ge huʼnogekaeʼmo geʼnileʼmo aeka atagaina hukaeʼmo naha maeʼnane. Nagaemo faliʼnaya vayaʼmo uʼa maiʼnaya kotegaeʼmo agiʼamo Siyo kotegatiʼmo huʼnaeʼmo, naha mao, huʼna keya aeʼna ge huʼnogekaeʼmo geʼnimo afiʼnane.

Yona 2:2 ပူးပေါင်းရင်းမြစ်များ

2 Sitoli 33:12

Inagi agaemo lusi kava huno kana hauʼnigenoʼaeʼmo Ala kava neʼmo Gotiʼamofeʼmo ge huteno aginago vayaʼmogi Gotiʼapimo aulagaleʼmo lusi kava huno agaiʼamo alino afepiʼmo ateteno nunumuʼmo huno ge huno afi geʼniye. Gotiʼa nunumuʼmo huʼniya geʼamo afitenoʼaeʼmo ha maeno Yulusalemu taonifiʼmo halate avalelineno ateʼnigeno kini vekamo maiʼnenoʼaeʼmo yagaino apateʼniye. Ani afinaʼmo Manaseʼmo ina kava huno ageno alagepa hutenoʼaeʼmo Ala kava nekeʼmo alagi Gotiʼmae, huno ageʼniye.

Samu 116:3

Falisuva kavaʼmoʼa nofi aegekana huno natafauno alagi huno maiʼniye. Kanolufiʼmo uʼna lamiguve, huʼna nagesamo afiʼna nahausoli huteʼna koli huʼnove.

Samu 120:1

Nagaemo kana yaʼmo aliʼnova afinaʼmo Ala kava nefekeʼmo alopa gefatiʼmo ge huʼna ha paiʼnogeno afiʼniye.

Samu 16:10

Kagaemo mani kavatefeʼmo nagupi mafaʼnemo kanolufiʼmo oʼatalegane. Kagaemo, aote vekaʼnimo agufaʼamo atalesugeno okasaligiye, huka huʼnane.

Samu 22:24

Hanageke yaʼmo neʼaliya vayaʼmo apataleno aino afe leno akameʼyamo noʼapamifa keya aeʼa ge nehagenoʼaeʼmo geʼapimo afiteno hapa neʼmae.

Samu 34:6

Nagaemo lokiya vekamo oʼmaiʼnovaʼmofeʼmo agaefekeʼmo keya aeʼna ge huʼnogeno Ala kava neʼmoʼa afiʼniye. Afitenoʼaeʼmo muki hanageke yapatiʼmo nagufamo alino katino nateʼniye.

Samu 4:1

O Gotiyo, huʼna, Fatago kavaʼnilefeʼmo Gotiʼnimogamo maiʼnane. Keya aeʼna ge hisuva afinaʼmo geʼnimo afiyo. Hanageke yaʼmo aliʼnogekaeʼmo naha maeʼnane. Nunumuʼmo nehuva gemo afiteka kahau huka nato.

Samu 61:2

Ma mopamo atupaletiʼmo kagaefeʼmo ge huguve. Lusi kana yaʼmo alisugeno aino nati kaesiya afinaʼmo navalelika uka haika yafateʼmo faika nato. Nagaemo afepiʼmo maiʼnovanagi navalelika uka haika anaga haneʼniya yafateʼmo faika nato.

Samu 65:2

Kagaemo nunumu gemo neʼafinaʼmofeʼmo muki vayaʼmo kagaetegamo ugae.

Matiyu 12:40

Yonaʼa alopa noyamemo agupafiʼmo loleʼe magoʼe felugaʼe loleʼe magoʼe haniʼilagaʼeʼmo maiʼniya kava huno Vemo mafaʼnemoʼmo loleʼe magoʼe felugaʼe loleʼe magoʼe haniʼilagaʼeʼmo mopamo afepilagamo uno lamino maigiye.

Luki 11:10

Ge huʼa afi nekaya vayaʼmogimo neʼaliye. Kahauya nehaya vayaʼmogi ageʼa neʼaliye. Kitaleʼmo hakalu hakalu nehaya vayaʼmo kitamo yakino neʼapate.

Luki 22:44

Lusi kava huno kana hauʼnigeno aipafiʼmo kaveta hugekana huʼnigeno maiʼnenoʼaeʼmo magoʼe huno lokiya vaino nunumuʼmo nehigenoʼaeʼmo amuko hauteno haisemoʼmo kolakana huno lusi kava huno mopafiʼmo lape tape huno asagauno aiʼniye.

Apa 2:27

Kagaemo ani kavatefeʼmo nagupi mafaʼnemo kanolufiʼmo afaʼa oʼnatalegane. Kagaemo hukaeʼmo aote vekaʼnimo agufamo atalesugeno okasaligiye, huka huʼnane.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.

1 Samiyo 1:16

Kagaemo nagaefeʼmo mago hosu a kanomae, huka kagesamo oʼafiyo. Nagaemo lusi kava huʼna aliʼna namalagiʼnogenoʼaeʼmo naipa nagesamoʼmo lusi kana huʼniyaʼmofeʼmo nagaemo nunumuʼmo nehugekaeʼmo ani kavaʼnimo nageʼnane, huno ha paiʼniye.

1 Samiyo 30:6

Muki vayaʼamogi ve mafaʼneʼapilefenagi a mafaʼneʼapilefenagi huʼa apakesamo afiteʼapaeʼmo hosu apaipamo kaliʼniyaʼmofeʼmo apakaemo huʼapaeʼmo, Yafa kayotetiʼmo Neviniʼmo kamitimo amagigune, huʼa hagenoʼaeʼmo Neviniʼmo lusi kana yaʼmo aliʼniye. Kana yaʼmo alitenoʼaeʼmo Neviniʼmo agaiʼamo Ala kava neʼmo Gotiʼamotetiʼmo lokiya vaino ateʼniye.