Yona 2:10 - The Keyagana NT and 25 OT books

¹⁰ Ala kava neʼmoʼa noyameeʼmo ha paiʼnigeno uno ani agiʼnaleʼmo Yonaʼmo mu valino ateʼniye.

Yona 2:10 ပူးပေါင်းရင်းမြစ်များ

Aepa Gemae 1:11

Huteno Gotiʼa hunoʼaeʼmo, Mopamoʼmo kahaumo alino afole aige neʼyaʼmoʼa avina yaʼmo hanesiya neʼyaʼmo afole aige yosamoʼmo alagamo aesigeno ani alagafiʼmo avinaʼamo afole aige hugiye, huno huʼniye. Huʼnigeno ani yaʼamo ago afole aiʼniye.

Aepa Gemae 1:14

Huteno Gotiʼa hunoʼaeʼmo, kokuʼnapatiʼmo aeno ha lesiya yaʼmo afole aiteno ko tisiya kavaʼe hani hisiya kavaʼeʼmo alino fako huno anategaiye. Alagena kavaʼmo agesayafeʼmo hanegaiye. Muki kafugamo lekana paige ina afina ma afinaʼmae, huʼa lekana paige hoya afinaʼe avina yaʼmo hakalesaya afinaʼeʼmae huʼa lekana paige alagena kavaʼmo hisayafeʼmo hanege hugiye.

Aepa Gemae 1:3

Maiʼnigenoʼaeʼmo Gotiʼa, aeka halo, huno nehigeno aeno ha leʼniye.

Aepa Gemae 1:7

Ina kava huno folagapi yaʼmo alo huteno anaga aniʼe afelaga aniʼeʼmo alino fako huno maleʼniye.

Aepa Gemae 1:9

Napa tu afinaʼmo hano hutegeno Gotiʼa hunoʼaeʼmo, Kokuʼnaʼmo afeʼalumelaga haneʼniya anifeʼmo uka mago haopalega alika anupa hugenoʼao mopamo hau hino, huno huʼnigeno aniʼmo uno mago haopalegamo haneʼnigeno mopamo afole aiʼniye.

Samu 105:31

Ge huʼnigeʼapaeʼmo asole kosi anaganagi apayokapi nama anaganagi huʼa eʼa muki ani mopaleʼmo aiʼa atagu faeʼa maiʼnae.

Samu 105:34

Ge huʼnigeʼa asole akenu anagaʼmo saufa akenuʼageʼmo lekana opaisuna agufa akenu anagaʼmogimo eʼa muki hegafatalili yaʼe muki hoyalega haneʼniya neʼyaʼapiʼeʼmo neʼa hano huʼa ataleʼnae.

Samu 22:26

Ala apakiʼapimo oʼaliʼa yagu yaga huʼa neʼmaiya vayaʼmogi neʼyaʼmo neʼa apamu hugae. Agaefeʼmo kahauya huʼa agesayafeʼmo neʼaya vayaʼmogi Ala kava neʼmo agiʼaleʼmo aliʼa asaga hugae. Muki afinaʼmo yuʼilaga vekatapimo alagepa huno maigiye.

Aiyeya 43:11

Nagaiʼnigeʼmo nagaemo Ala kava neʼmo maiʼnove. Alu gotiʼa apakufamo alino katino neʼapateya gotiʼa alagi oʼmaiʼniye.

Aiyeya 50:2

Nagaemo lapakaemo lapa maesuvafeʼmo lapakaetegamo uʼnovana na kava higetapaeʼmo ge afitapa oʼnavaleʼnae. Nagaemo lapakaefeʼmo keya aeʼna ge huʼnovana na kava higetapaeʼmo geʼnileʼmo aetapa atagaina hutapa ge osuʼnae. Lokiyaʼnimo ohaneʼniyaʼmofeʼmo afaʼa miya faiʼna hatu maeʼna olapategaufiye. Hosu yategatiʼmo lapavaleliʼna visuva himamuʼnimo ohaneʼnifiye. Nagaemo ge nehugenoʼaeʼmo solovala aniʼmo alagi nelane. Nagaemo ge nehugenoʼaeʼmo alopa aniʼmoʼa kahaepa koʼmo alino hamaleʼnigeno noyame anagaʼmo faliʼnagenoʼaeʼmo atu neʼaiye.

Yona 1:17

Ala kava neʼmoʼa alopa noyamemo alino ateʼnigeno uno aka huʼneno Yonaʼmo alino nakaitalegeno uno lamino loleʼe magoʼe felugaʼe haniʼilagaʼeʼmo noyamemo agupafiʼmo maiʼniye.

Yona 3:1

Halate Ala kava neʼmoʼa Yonafeʼmo ha painoʼaeʼmo, Alo huka alopa taonimo Niniva taonifiʼmo uka ago kaha paiʼnova gemo aeka hakalo huka hapa paiyo, huno ha paiʼniye.