Yona 1:5 - The Keyagana NT and 25 OT books

⁵ Sipifiʼmo aliʼyaʼmo neʼaliya vayaʼmogi lusi kava huno apamoʼya aiteno hapausoli huʼnigeʼapaeʼmo gotiʼapimogifeʼmo apamete apamete huʼa, laha mao laha mao, huʼa keya aeʼnae. Sipimoʼmo kana osisiyafeʼmo sipifiʼmo haneʼniya kagemi yaʼmo aliʼa anipiʼmo yaga auʼa ataleʼnae. Ani kava huʼnagenoʼaeʼmo Yonaʼa anagamo oʼmaiʼnifa sipimo afepilagamo uno lamino au kaleno maiʼniye.

Yona 1:5 ပူးပေါင်းရင်းမြစ်များ

1 Kini 18:26

Inagi apakaemo apamiʼnaya ve pulumakamo avaleliʼuʼa alo huteʼa netepatiʼmo aepa faiteʼa Meo agiʼaletiʼmo keya aeʼa ge huliʼuʼa felugakukuʼmo huʼnae. Keya aeʼa ge huʼapaeʼmo, O Meo, huʼa, getimo afiyo, huʼa keya aeʼa ge huʼnayaʼmonanafa mago vekamoʼmo agemo aiteno geʼapileʼmo aeno atagaina huno hapa opaiʼniye. Apakaemo aeʼa hailo hailo huʼa hu maleʼnaya yafa hiʼyalamuʼmo aiʼa vego huʼnae.

Samu 107:25

Agaemo yasi aliyo, huno nehigenoʼaeʼmo lusi kava huno yasimo aliʼnigeno aniʼmoʼa aino holakau holakau huteno apavalelino uno haiteno emineteno nehiye.

Samu 148:8

Hiyapatiʼmo alino alave huge koʼmopa koʼmo aige hiyaʼmo kige lokiya yasimo alige nehiya kavaʼaletiʼmo Ala kava neʼmo agiʼaleʼmo alita asaga hiyo.

Aiyeya 45:20

Alu nofi vaya alu nofi vayaʼaitegatiʼmo faitapa kasalo paetapa eʼnaya vayane, huʼna, eta alita anupa hutetapa nahaopaleʼmo eyo. Apakaemo afaʼa hapa oʼmaesaya aigofe gotiʼapimogifeʼmo nunumuʼmo huteʼa aigofe gotiʼapimogimo yosaletiʼmo alo huʼnaya apauneʼamo aliniʼa neʼaya vayaʼmogimo alagepa huʼa oʼafiʼnae.

Yona 1:14

Apakaemo Ala kava nefeʼmo huʼapaeʼmo, Ala kava nene, huʼa, Mani vekamo asagauta anipiʼmo yaga auta atalegaunaʼmofeʼmo ani kavaʼmo anonaʼatimo alagi olategeta afaʼa maino. Vayaʼmo neʼapamagiya vayaʼmo agoti huka neʼapatana kava huka agoti huka olato. Ala kava nene, huʼa, Kagaemo ani kavaʼmo alika lave liʼnane, huʼa ha paiteʼa

Yona 1:16

Sipifiʼmo aliʼyaʼmo neʼaliya vayaʼmogi ani kavaʼmo ageteʼapaeʼmo Ala kava nefeʼmo lusi kava huʼa koli huteʼa afumo amagiʼa Gotiʼmo ofalinimo amiteʼa mago alagepa kavaʼmo hisayafeʼmo magoke magoke vayaʼm ogi huʼapaeʼmo, ina kava huguve, ma kava huguve, huʼa hute hute huʼnae.

Yona 1:6

Sipifiʼmo aliʼyaʼmo neʼaliya vayaʼaiteʼmo yagaino neʼapateya vekamoʼmo ageyana Yonaʼa afaʼageʼmo au kaleno maiʼnigeno agetenoʼaeʼmo, Na kava higekaeʼmo kau kaleka maiʼnane. He tika kagaemo gotikamofeʼmo keya aeka ge huvo. Ofalisunafeʼmo afiteno laha maesifi laha oʼmaesifigi ge huka afi go, huno ha paiʼniye.

Matiyu 25:5

Saufa aʼmo aligefe huʼniya vekamo oʼmeno yatala afinaʼmo maiʼnigeʼapaeʼmo muki aʼmafaʼne anagaʼamo apau maiʼmai huʼnigeʼa ago apau kaleʼnae.

Matiyu 26:43

Atagi neno eno apakeyana apau maiʼmai huʼnigeʼa apau kaleʼageʼmo maiʼnageno

Matiyu 26:45

Atagi neno eno geʼamo neʼafiya vayaʼaifeʼmo, maitapa falu hutapageʼmo lapau kaleʼnafiye. Ani afinaʼmo alagi ago hogo huʼniyanagi ageyo. Vemo mafaʼnemo kutulu yaʼmo aliʼniyanageno hosu vayaʼai apayapiʼmo avaleno apamigiye.

Apa 27:38

Neʼyaʼmo neʼa apamu huteʼapaeʼmo sipimoʼmo kana osisiyafeʼmo viti kuʼmo aliʼa anipiʼmo yaga auʼa ataleʼnae.

1 Samiyo 24:3

Apakaemo uʼa avaʼyi huʼnageno ka agiʼnaleʼmo sipisipi anagaʼmogi kegiʼyamo haneʼniya haopaleʼmo mago alopa yafa kaʼmo haneʼniye. Soloʼmo aifaʼamo lesiyafeʼmo ani yafa kapiʼmo uno haiʼnigeʼa Neviniʼe vayaʼaʼeʼmo ani yafa kapiʼmo atupaleʼmo fala kiʼa maiʼnae.