Yona 1:3 - The Keyagana NT and 25 OT books

³ Yonaʼa Ala kava netegatiʼmo ataleno aune hetaleno Tasisi taonifiʼmo ugefeʼmo huʼniye. Ataleno uno Yopa taonifiʼmo uno lamino Tasisi taonifiʼmo ugefe huʼniya sipimo miya faiteno sipifiʼmo uno haino maiʼniye. Yonaʼa Ala kava netegatiʼmo ataleno aune hetaleno uʼniye.

Yona 1:3 ပူးပေါင်းရင်းမြစ်များ

Aepa Gemae 3:8

Ala kava neʼmo uneʼmo alino falu huʼniya kanaleʼmo hoyafiʼmo sapa sapa hulino eʼnigeʼana afiteʼanaeʼmo Ala kava netegatiʼmo anaune hetaleʼana uʼana yosa hoyafilagamo fala kiʼnaʼae.

Aepa Gemae 4:16

Keniʼa Ineni kotetiʼmo Ala kava neʼmo atalenuno mago mopamo agiʼamo Nona kotegamo maiʼniye. Ani mopamo yegemo haine neʼeya haopalegamo haneʼniye.

1 Kini 19:3

Huʼnigeno Ilaiyaʼmo ani gemo afitenoʼaeʼmo ofalino afaʼa maisiyafeʼmo he tino aune heno visiyafeʼmo aliʼyaʼamo neʼaliya vekamo avaleteno anakaemo Yuta kotega Miyasima taonifiʼmo uʼana avaʼyi huteʼanaeʼmo Ilaiyaʼmo aliʼyaʼamo neʼaliya vekamo ani taonifiʼmo ateteno

1 Kini 19:9

Ilaiyaʼmo mago yafa kapiʼmo haniʼilagamo uno haino havaeʼniye. Inagi Ala kava neʼmoʼa Ilaiyategamo emineno ina ge huno ge huno afi geʼniye. Ilaiyao, huno, Na agufa kavaʼmo higekaeʼmo eka manileʼmo maiʼnane, huno huʼnigenoʼaeʼmo,

Esala 3:7

Apakaemo neʼyanagi aninagi olivi yosafati uveligi huʼa Saitoni taonifi vayaʼe Taiya taonifi vayaʼeʼmo Sita yosamo Lemanoni avefatiʼmo aeʼa halauliʼa emiʼeʼa solovala ani haigileʼmo maleʼneʼa aliʼa sipifiʼmo maleteʼa Yapa taonifiʼmo aliʼniʼa esayafeʼmo apamiʼnae. Ani kava huʼa yafatetiʼmo no kige yosaletiʼmo no kige hisaya vayaʼmo monimo apamiʼnae. Pesiya kini vekamo Sailasiʼmo ani kavaʼmo hisayafeʼmo Isaleli vayaʼaifeʼmo hunoʼaeʼmo, kanalenagi ani kavaʼmo afaʼa hiyo, huno hapa paiʼniye.

Samu 107:23

Alopa solovala anipiʼmo sipifiʼmo aliʼyaʼmo neʼaliya vayaʼmogimo

Aiyeya 2:16

Agaemo muki Tasisi vayaʼmogi kanale alopa sipiʼapimo alino afepiʼmo ategaiye.

Aiyeya 60:9

Alagi lama gemo huʼnaeʼmo, afagi kotega vayaʼmogimo nagava maigae. Nagava maiʼneʼa sipiʼapimo aliʼa atesageno lapakae mafaʼne anagaʼmo apavalelino lapakaetegamo egaiye. Aote Isaleli vayaʼmogi Gotiʼapimoʼmo ala lapakitapimo lapamigiyaʼmofeʼmo apakaemo Ala kava neʼmo Gotitapimo agiʼalefeʼmo siluvaʼe goli yafaʼeʼmo sipifiʼmo lapakaetegamo aliniʼa egae.

Yona 1:10

Ani gemo afiteʼapaeʼmo sipifiʼmo aliʼyaʼmo neʼaliya vayaʼmogi lusi kava huno apamoʼya aiʼnigeʼapaeʼmo, Kagaemo lusi hosu kavaʼmo huʼnane, huʼa ha paiʼnae. Hogoteno yasimo oʼaliʼnigenoʼaeʼmo Yonaʼa hunoʼaeʼmo, Nagaemo Ala kava netegatiʼmo ataleʼna naune hetaleʼna neʼove, huno hapa paiʼnigeʼa ago afiʼnayaʼmofeʼmo lusi hosu kavaʼmo huʼnane, huʼa ha paiʼnae.

Yona 4:2

Yonaʼa nunumuʼmo hunoʼaeʼmo, Ala kava nene, huno, Koʼnimo ataleʼna oʼmeʼnova afinaʼmo ani kavaʼmo hugane, huʼna huʼnofiye. He, ani gemo ago huʼnove. Ani kavaʼmo hugane, huʼna nagesamo afiʼnovaʼmofeʼmo ataleʼna naune hetaleʼna Tasisi taonifiʼmo ugefeʼmo huʼnove. Ago afiʼnovana kagaemo fiku hapa maeka apamiteka kahau huka neʼapatana Gotigamo maiʼnane. Kaipamo malage huno nole. Kahau kayamopafiʼmo kahauʼniya kavaʼmo asole kavakamo haneʼniye. Kagaemo vayaʼmo apamagisanafeʼmo okahauʼniyaʼmofeʼmo halate alu kaipa kagesamo afiʼnane.

Luki 9:62

Yesuʼa hunoʼaeʼmo, mago vekamoʼmo pulumakamoʼmo aiʼyumo aisiyafeʼmo aeni kayoteʼmo atafauʼnenoʼaeʼmo aino afe leno akamelegamo neʼagesiya vekamoʼmo Gotiʼa yagaino neʼapateya kegiyafiʼmo afaʼa uno ohaigiye, huno ha paiʼniye.

Apa 15:38

Huno huʼniyana Poloʼa hunoʼaeʼmo, Haʼao, aliʼyatiʼamo alitaʼa hano osuʼnoʼageno Pamifiliya taonifatiʼmo ago laʼataleno aino atagi neno uʼniya vekae, huno huʼnigeʼana

Apa 26:19

Poloʼa hunoʼaeʼmo, Ala kini vekamo Agalipao, huno, ani kokuʼnapati huʼniya gemo amagiʼna oʼataleʼna uʼna Namasakasi taonifinagi Yulusalemu taonifinagi muki Yutiya kotegagi huʼna uʼna Yu vayaʼaifeʼmo ani gemo aeʼna hakalo huʼna hapa paiteʼna uʼna alu nofi vayaʼaifeʼmo aeʼna hakalo huʼna hapa paiʼnove. Nagaemo huʼnaeʼmo, lapaipamo alitapa afe letetapa aitapa atagi netapa Gotitega etetapa muki vayaʼmo alita apave lisayafeʼmo apaipamo aliʼa afe nelaya vayaʼmogi nehaya agufa alagepa kavaʼmo hiyo, huʼna hapa paiʼnove.

Apa 9:36

Mago a kanomo agiʼamo Tamaitaʼa Yopa taonifiʼmo maiʼneno Goti geʼamo neʼafiya a kanomo maiʼniye. Galiki gefatiʼmo Nokasiʼae huʼa agi aeʼnae. Muki afinaʼmo alagepa kavaʼageʼmo huno kagemi yaʼapimo ohaneʼniya vayaʼmo hapa maeno apamige apamige huno maiʼniya a kanoe.

Apa 9:38

Yopa taonimo Lita taonimo haopaleʼmo haneʼniyaʼmofeʼmo Pitaʼa Lita taonifiʼmo maiʼniye, huʼa huʼnaya gemo Yopa taonifiʼmo mago vayaʼmo geʼamo neʼafiya vayaʼmogi ani gemo afiteʼapaeʼmo lole vekalaʼmo aliʼa anateʼnageʼana uʼana Pitafeʼmo huʼanaeʼmo, Malage huka lagaetegamo eno, huʼana ha paiʼnaʼae.

Apa 9:42

Ani kavafeʼmo ava gemo muki Yopa haopalegamo aino atagu faenuneno huʼnigeʼapaeʼmo asole vayaʼmogi Ala kava nefeʼmo apakesamo afiʼa fatago huʼnae.

Apa 9:43

Pitaʼa yatala afinaʼmo Yopa taonifiʼmo mago vekamoʼmo afu agufaletiʼmo alu ya alu yaʼmo alo hisayafeʼmo heno kalo paeno alino api neʼaiya vekamo agiʼamo Saimoni nopiʼmo havaeno maiʼniye.

1 Kolitiyani 9:16

Alagepa faigoko geʼamo aeʼna hakalo huʼna hapa nepauvaʼmofeʼmo amuse hisuva kavaʼmo afaʼa ohaneʼniye. Alagepa faigoko geʼamo aeʼna hakalo huʼna hapa paisuvafeʼmo Gotiʼa kalavusi huno nateʼniyaʼmofeʼmo alu katetiʼmo afaʼa faiʼna kasalo paeʼna visuva kaʼmo alagi ohaneʼniye. Vaehae, huʼna, alagepa faigoko geʼamo aeʼna hakalo huʼna hapa opaisuvana nagaetegamo hosu kavaʼmo afole aisigeʼna alagepa huʼna oʼmaiguve.

2 Tesaloniyani 1:9

Apakaemo Ala kava neʼmo aulagaleʼmo oʼmaigayaʼmonanafa ha le konali himamuʼaʼe yategatiʼmo alino hapa faino apataletenoʼaeʼmo muki afinaʼmo alino apagoʼya lagauno apatalete apatalete hugiye.