Yemisi 5:14 - The Keyagana NT and 25 OT books

¹⁴ Lapakaepatiʼmo mago vekamo kaitaʼmo nehaisiyana siosi vayaʼaiteʼmo yagaiʼa neʼapataya vayatama vayaʼaifeʼmo ge hino. Ge hisageʼa eʼa Ala kava neʼmo agiʼaletiʼmo uvelimo agenopaleʼmo lakiʼa ateteʼa nunumuʼmo huʼa ategae.

Yemisi 5:14 ပူးပေါင်းရင်းမြစ်များ

1 Kini 17:21

Ilaiyaʼmo ani mafaʼnemo amulagepaleʼmo loleʼe magoʼe kanaleʼmo havaeʼneno Ala kava nefeʼmo lokiya vaino nunumu hunoʼaeʼmo, O Ala kava neʼmo Gotiʼnimogae, huno, mani mafaʼnemo aunemeʼamo afaʼa ategeno eno halate agufafiʼmo faleno haino, huno huʼniye.

2 Kini 4:33

Ageʼniyaʼmofeʼmo uno haiteno kitamo ki maleʼneno Ala kava nefeʼmo nunumuʼmo huʼniye.

2 Kini 5:11

Nemaniʼmo ani gemo afitenoʼaeʼmo lusi kava huno aipamo leʼnigeno agaemo Ilaisa notetiʼmo ataleno uʼniye. Agaemo hunoʼaeʼmo, Nagaemo nagesamo afiʼnaeʼmo, Agaemo emineno kumatetiʼmo nagetenoʼaeʼmo Ala kava neʼmo Gotiʼamofeʼmo nunumuʼmo huteno lepolosi yaʼmo nahauʼniya nahaopaleʼmo ayaʼmo alininuteno eteno huteno alino nahateno nategaiye, huno huʼniye.

Maki 16:18

vayaʼmo nehapaeya nakaloʼyavemo atafauge hugae. Ina kava huʼa vayaʼmogi neteʼa nefaliya aniʼmo nesayana ofaligae. Kaita hapauʼnisiya vayaʼai apakufaleʼmo apayaʼmo maleʼneʼa aliʼa hapageʼa apategae, huno hapa paiʼniye.

Maki 6:13

Apakaemo vayaʼai apaipafatiʼmo asole hosu apaune vayaʼmo aliʼa hapa faiʼa apatalege kaita hapauʼniya vayaʼmo uvelimo faleʼa apateteʼa aliʼa hapageʼa apatege huʼnae.

Apa 11:30

Ani kavaʼmo huteʼa Manamasiʼe Soloʼeʼmo monimo anamiʼnaʼageʼana alini uʼana Yulusalemu taonifi Goti mafaʼneʼaiteʼmo yagaiʼa neʼapataya vayatama vayaʼmo apamiʼnaʼae.

Apa 14:23

Anakaemo muki siosiʼale siosiʼaleʼmo uʼeʼa huʼana nunumuʼmo huge neʼyaʼmo mosiʼana maige huʼana maiʼneʼanaeʼmo Goti vayaʼaleʼmo yagaiʼa apatesaya vayatama vayaʼmo lekana paiʼana apateʼnaʼae. Apateteʼanaeʼmo Ala kava neʼmoʼa alagepa huno yagaino apatesiyafeʼmo apakesamo afiʼa fatago nehaya Ala kava neʼmo ayamufaʼage vekamo ayapiʼmo apatemale apatemale huʼana umenitata huʼnaʼae.

Apa 15:4

Yulusalemu taonifiʼmo uʼa avaʼyi huʼnageʼapaeʼmo siosi vayanagi apa vayanagi yagaiʼa neʼapataya vayatama vayanagi huʼa aliʼa falu fala huʼa apateʼnageʼanaeʼmo Poloʼe Manamasiʼeʼmo Gotiʼa anakaetetiʼmo muki huʼniya kavafeʼmo ava gemo huʼana hapa paiʼnaʼae.

Apa 28:8

Pamaliyasi afoʼamoʼmo amuko kaita hauge aitoto aige huteno hipaʼaleʼmo havaeno maiʼniye. Poloʼa noʼafiʼmo uno haino agufaleʼmo ayaʼmo maleʼneno nunumuʼmo huno ateʼnigeno kaitaʼamo hageʼnigeʼa

Apa 9:40

Ave liʼnagenoʼaeʼmo Pitaʼa hunoʼaeʼmo, kumatega uta lamiyo, huno hapa paiʼnigeʼa uʼa lamiʼnageno aleʼya faino maiʼneno nunumuʼmo huteno aino afe leno agufaleʼmo ageʼnenoʼaeʼmo, Tamaitao, huno, he tiyo, huno nehigenoʼaeʼmo aulagamo ageno ayakeno Pitaʼmo agetenoʼaeʼmo he tino fai maiʼniye.

Taitasi 1:5

Lagaemo mago aliʼyaʼamo alita hano osuʼnonanageka kagaemo alika hano hisanafeʼmo Kiliti ani agoʼnanenafiʼmo kataleʼna uʼnove. Siosi vayaʼaiteʼmo yagaiʼa apatesaya vayatama vayaʼmo muki taoniʼafi taoniʼafiʼmo lekana paika apato.