Yemisi 4:8 - The Keyagana NT and 25 OT books

⁸ Goti haopaleʼmo vigenoʼao lapakae lapaopaleʼmo eno. Hosu kavaʼmo nehaya vayaʼmogitapae, huʼna, lapayaʼmo sese hiyo. Lole lapakesamo neʼafiya vayanagi lapaipafatiʼmo oʼaniʼyamo aeta kalo paetapa ataleyo.

Yemisi 4:8 ပူးပေါင်းရင်းမြစ်များ

Samu 119:113

Nagaemo lole apakesamo neʼafiya vayaʼaifeʼmo naini nehuvaʼmonanafa keʼaepa gekaeʼmo nahau nayamopafiʼmo nahauʼniye.

Samu 145:18

Ala kava neʼmoʼa agaefeʼmo apaipafatiʼmo hapauʼnigeʼa keya aeʼa ge nehaya vayaʼai hapaopaleʼmo emineno neʼmaiye.

Samu 18:20

Ala kava neʼmoʼa fatago kavaʼnilefeʼmo naha maeʼniye. Nayateʼmo oʼaniʼya ofaiʼniyaʼmofeʼmo anonaʼnilefeʼmo namiʼniye.

Samu 24:4

Apayateʼmo oʼaniʼyaʼmo ofaiʼnisiya yaveyave apaipa vayaʼmogimae. Afa yatefeʼmo mono osuge apagoʼyamo ataleteʼa aigofe gemo osuge nehisaya vayaʼmogimae.

Samu 26:6

Nagaemo hosu kavaʼmo nosuvaʼmofeʼmo aliʼna apave lisuvafeʼmo nayatalaʼmo sese huguve. O Ala kava nene, huʼna, Vayakaʼeʼmo mono nokafiʼmo mono huguve.

Samu 51:10

O Gotiyo, huʼna, yaveyave naipamo alo huka nateteka gekamo afisuvafeʼmo nauneʼnameʼmo alika saufa nauneʼnameʼmo hamaleka ato.

Samu 73:13

Nagaemo naipafatiʼmo hosu kavaʼnimo aeʼna kalo paeteʼna nayaʼmo sese huʼnovaʼmonanafa aliʼyaʼnimo afole oʼaiʼniye.

Samu 73:28

kahaopaleʼmo uʼna maisuva kavaʼmo kanale kavane. Nagaemo muki nehana kavafeʼmo ava gemo aeʼna hakalo huʼna hapa paisuvafeʼmo Ala kava neʼmo Gotiʼnimofeʼmo aliʼna amufa amiʼnove.

Aiyeya 58:2

Lama ge vayaʼmo oʼmaiʼnayaʼmonanafa muki afinaʼae afinaʼaeʼmo kahauya huʼa nagesayafeʼmo nehae. Apakaemo keʼaepa geʼnimo oʼataleʼa fatago kavaʼmo huʼa akame nehaya vayakana huʼa maiʼneʼapaeʼmo nahauʼniya kavaʼmo huʼa afisayafeʼmo apamogaga neʼaiyaʼmonanafa aigofe vayaʼmo maiʼnae. Apakaemo fatago kavafeʼmo ge huʼa nafi nekae. Nahaopaleʼmo eʼa maisayafeʼmo apamogaga neʼaiye.

Malakai 3:7

Ani kavaʼmo huʼna maiʼnovaʼmonanafa lapakaemo lapakinago vayaʼmo maiʼnaya afinatetiʼmo mono kavaʼniyeʼmo huʼniya keʼaepa gemo ago amagitapa ataleme ataleme eʼnae. Nagaetegamo aitapa ataginetapa egeʼnao lapakaetegamo nagaemo aiʼna atagineʼna vino, huʼna lapa paiʼnovaʼmonanafa lapakaemo hutapaeʼmo, haiya kavaʼmo huta ataleta aita atagineta kagaetegamo visune, hutapa huʼnae.

Matiyu 12:33

Alagepa alagamo neʼae, hutapa lapakesamo afiʼnisayana alagepa yosamo haneʼniye, huta lapakesamo afiyo. Hosu alagamo neʼae, hutapa lapakesamo afiʼnisayana hosu yosamo haneʼniye, huta lapakesamo afiyo. Yosa alagaʼamo ageteʼapaekeʼmo na agufa yosamo haneʼnifi huʼa neʼagayaʼmofeʼmae.

Matiyu 15:2

na kava higeʼapaeʼmo gekamo neʼafiya vayaʼmogimo laginago vayaʼai geʼapimo amagiʼa neʼatalae. Vayatama vayaʼmogimo geʼapimo afiteʼa akame nosafa apayaʼmo sese osuʼneʼa neʼyaʼmo fiku aliʼa neʼnae, huʼa ha paiʼnageno

Matiyu 27:24

Pailatiʼa apaketenoʼaeʼmo lusi kava huʼa apano aeteʼa geʼnileʼmo ago huʼa aeʼa ati kaeʼnayaʼmofeʼmo afaʼa aeʼna oʼapaka segauve, huno agesamo afiteno muki vayaʼai apaulagaleʼmo aniʼmo alino ayaʼmo sese hutenoʼaeʼmo, mani alagepa vekamo falisiya vaiʼmo nagae yaʼmo ohaneʼnifa lapakaitapi yaʼmo haneʼniye, huno hapa paiʼnigeʼapaeʼmo

Apa 15:9

Gotiʼa lagaetegamo mago alu kavaʼmo huge alu nofi vayaʼaitegamo mago alu kavaʼmo huge nosifa magoke aiyaya kavakeʼmo nehunoʼaeʼmo apakesamo afiʼa fatago nehaya kavatetikeʼmo apaipafatiʼmo aeno kalo paeno ataleʼniye.

2 Kolitiyani 7:1

Nahau nayamopafiʼmo nahauʼniya vayaʼnimogitapae, huʼna, Gotiʼa ani kavaʼmo huguve, huno hu maleʼniya gemo ago afiʼnonaʼmofeʼmo lagaitimo muki hosu kavatimo lagufaleʼe laipa lagesafiʼeʼmo oʼaniʼya faiʼniya yakana huno haneʼniya kavaʼmo aeta kalo paeta atalegetao. Gotifeʼmo koli nehutaeʼmo aote kavaʼmo agetetaeʼmo alagi hume hume utah haita hapaigetao.

1 Timoti 2:8

Nahauʼniyanageʼa muki ve anagaʼmogimo lole apakesamo oʼafiʼneʼa apaote kavaʼmo huʼa apaipamo neleya kavaʼmo ataleʼa alagepa huʼa maiʼneʼa muki haopalegamo maiʼneʼapaeʼmo nunumuʼmo hugae.

Himulu 10:22

lama ge laipamo kaliteta magoke laipa lagesamo alitetaeʼmo lagesamo afita fatago nehutaeʼmo Goti haopaleʼmo uta haigetao. Laipafiʼmo aino fuli fuli huno lateʼnigenoʼaeʼmo yuʼilaga vekatimoʼmo hosu kavatapimo haneʼniye, huno nosiye. Lagufaleʼmo alagepa anitetiʼmo faleno lateʼniyanagi uta haigetao.

Himulu 7:19

Keʼaepa gemoʼa uʼa haiʼa hapaisaya kaʼmo valino oʼapateʼniyaʼmonanafa hemenimo ago aeno agaseʼniya kavaʼmo hu maleʼnigeta lavayagunagu huta agava neʼmauna kavatetikeʼmo Goti haopaleʼmo neʼune.

Yemisi 3:17

Hugayaʼmonanafa siosi vayaʼmogi alagepa huʼa ageteʼa afiʼnaya kavaʼmo kokuʼnapatiʼmo aliʼnisayana hogoteʼa yaveyave apaipamo aliteʼa alagepa huʼa magokepi lokaeʼa maige yagu yaga kavaʼmo huge vayaʼai geʼapimo afiteʼa hapau huʼa apatege alu alagepa kava alu alagepa kavaʼmo huge nehae. Apakaemo muki vayaʼaitegamo magoke aiyaya kavaʼmo huteʼa aeʼa ati okaeʼa afole yateʼmo neʼmaiye.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 3:21

Apakaemo sipifiʼmo maiʼnagenoʼaeʼmo Gotiʼa anipatiʼmo apakufamo alino katino apateʼniya kavaʼmo aune kavaʼmo huno Gotiʼa aniʼmo faleʼa nelataya kavatetiʼmo lagufamo alino katino nelate. Fikumo aniʼmo faleʼa neʼapataya kavaʼmoʼa amega apakufale oʼaniʼyaʼageʼmo aeno kalo paeno neʼataleyaʼmonanafa Gotiʼa Yesu Kalaisiʼmo alino he tino ateʼniya kavatetiʼmo yuʼilaga mafaʼnetimo alino alagepa huno lateʼniya mafaʼnetifatiʼmo Goti geʼaleʼmo aeta atagaina huta nehune.

1 Yoni 3:3

Muki vayaʼamogimo, ani kavaʼmo afole aigiye, huʼa huteʼa agava maiʼneʼa apamogaga neʼaiya vayaʼmo apakaiʼapimo sese huʼa neʼapatae. Agaemo yaveyaveʼage aipaʼe vekamo maiʼniyanageʼa agaekana huʼa maisayafeʼmae.

1 Samiyo 14:35

Inagi Soloʼmo ani haopalegamo mago ofalinimo hisiya yafa hiʼyalamuʼmo huʼniye. Ani yafa hiʼyalamuʼmo Soloʼmo hogote afinaʼmo huʼniye.