Yemisi 4:5 - The Keyagana NT and 25 OT books

⁵ Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.

Yemisi 4:5 ပူးပေါင်းရင်းမြစ်များ

Aepa Gemae 26:14

Agaemo asole sipisipi anagaʼamo maige pulumaka anagaʼamo maige asole aliʼya vayaʼamo maige huʼniyaʼmofeʼmo Filisatini vayaʼmogi apaipa kafa haeʼnae.

Aepa Gemae 30:1

Inagi Lesoʼa agenoʼaeʼmo nagaemo Yekoputetiʼmo mago mafaʼnemo aliʼna oʼapateʼnove, huno agetenoʼaeʼmo atoʼamofeʼmo aipa kafa haeteno Yekopufe hunoʼaeʼmo, kagaemo mago mafaʼnemo namiyo. Oʼnamisanana faliguve, huno huʼniye.

Aepa Gemae 37:11

Yosefe nepuʼamogimo apaipa kafa haeʼnayaʼmonanafa afoʼamoʼmo afitenoʼaeʼmo ani kavafeʼmo alino aipa agesafi maleʼniye.

Aepa Gemae 38:9

Onaniʼa, aliʼna atesuva mafaʼnemo nagaiʼni mafaʼnemo oʼmaigiye, huno agesamo afiʼniyaʼmofeʼmo lokaeʼana havaeʼnaʼa afinaʼmo aniʼamo neʼegenoʼaeʼmo alino ataleʼniye. Nepuʼamo mafaʼnemo alino oʼapatesiyafeʼmo ani kavaʼmo huʼniye.

Aepa Gemae 6:5

Ani afinaʼmo Ala kava neʼmoʼa ma mopafi ve aʼnemogi hosu kavaʼapimo ageyana alagi alopa hosu kavaʼmo haneʼnigeno ageʼniye. Muki vayaʼmogimo muki apaipa apakesamo neʼafiya yaʼapifiʼmo hosu kavaʼageʼmo muki afinaʼae afinaʼaeʼmo hanelino hanelino usiya agufa kava huʼnigeno ageʼniye.

Aepa Gemae 8:21

Kaeʼnigeno ani ofalinimoʼmo haga atumo ailino uno haiʼnigeno Ala kava neʼmoʼa atuʼamo afitenoʼaeʼmo aipafiʼmo agesa afinoʼaeʼmo, halate magoʼe huʼna geʼniletiʼmo vayaʼai kavatefeʼmo mopamo aliʼna hosu huʼna oʼategauve. Muki vayaʼmo aise mafaʼnemo maiʼnaya afinatetiʼmo muki apaipa apakesa neʼafiya yaʼapifiʼmo alagi hosuʼniyaʼmofeʼmogeʼna hemenimo huva agufa kavaʼmo halate magoʼe huʼna muki apauneʼapameʼe yaʼmo aliʼna hano huʼna oʼapatalegauve.

Samu 106:16

Kaʼme kotega maiʼneʼapaeʼmo Moseseʼe Ala kava neʼmo aliʼyaʼamo neʼaliya vekamo Eloniʼefeʼmo, aetana laga oseʼnaʼaʼmofeʼmo yagaitana olateʼao, huʼa huʼnageno mopamo aino akaka vaeʼnigeʼa Netaniʼe afamo anagaʼaʼenagi Amilamiʼe afamo anagaʼaʼenagi huʼa asagauʼa aiʼnageno aino akaniteno aeno apati kaeʼniye.

Samu 37:1

Hosu vayaʼmogi nehaya kavaʼapieʼmo lapakesa alaʼamo afitetapa lapausoli osiyo. Hosu kavaʼmo nehaya vayaʼaifeʼmo alagepa kavaʼmo huʼa neʼmaiyanageta apakaekana huta maigesune, hutapa osiyo.

Mai'naya kavane 21:10

Hosu vayaʼmogimo hosu kavafeʼmo lusi kava huno apaka nete. Hapaopaleʼmo maiʼnaya vayaʼaifeʼmo hapaoke nosae.

Aiyeya 11:13

Ani afinaʼmo Ifalemi nofi vayaʼmogimo magoʼe huʼa apaipa kafa ohapaesageʼa Yuta vayaʼmogimo kamemo vayaʼapimo hapaeʼa hano huʼa apatalegae. Ifalemi vayaʼmogimo Yuta vayaʼaifeʼmo apaipa kafa ohapaesageʼa Yuta vayaʼmogimo Ifalemi vayaʼeʼmo kamemo osugae.

Napa 11:29

huno huʼniyaʼmonanafa Moseseʼa hunoʼaeʼmo, Nagaetefeʼmo kagesamo afiʼnekaeʼmo ke nefaipiye. Haʼao, Ala kava neʼmoʼa muki vayaʼaina Aunemeʼamo apamisigeʼa agaetegati gemo aliniʼeʼa aeʼa hakalo hisayafeʼmo nahauʼniye.

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Yoni 10:35

Ago afiʼnonana Goti mukufi haneʼniya gemo alagi lama gemo hanege hanege huno haneʼneno hano osisiya agufa gemo haneʼniye. Goti mukufiʼmo haneʼniya gemoʼa Goti geʼamo alino apamiʼniya vayaʼaifeʼmo, gotikana hutapa maiʼnae, huno hapa paiʼniye.

Yoni 19:37

Magoʼe huno Goti mukufi gemoʼmo hunoʼaeʼmo, agufafiʼmo faiʼnaya vayaʼmogimo agegae, huno huʼniye.

Yoni 7:42

Goti mukufiʼmo avoʼmo kae maleʼniya gemoʼmo hunoʼaeʼmo, Mesaiya vekamo yagaino neʼapateya kini vekamo Nevini vayapati vekamo maiʼneno Metelehamu taonifiʼmo Neviniʼa maiʼniya taonifatikeʼmo afole aigiye, huno huʼniye, huʼa huʼnae.

Apa 7:9

Henagaʼamo ani nofi vayaʼai aepa vayaʼmogimo Yosefefeʼmo apaipa kafamo haeteʼapaeʼmo avaleʼa maketi huʼa alu kotega vayaʼmo apamiʼnageʼa miya faiʼa avaleliʼuʼa Isipi kotegamo ateʼnageno afa aliʼyaʼmo alino maiʼniye.

Lomu 1:29

Muki alu hosu kava alu hosu kavanagi kumai kavanagi alagepa osu kavanagi ma mopafi yafeʼmo hapaʼye nehiya kavanagi apaini huʼa neʼapataya kavanagi huno apaipafiʼmo havaiteʼniye. Apaipa kafa nehapaya kavanagi vayaʼmo kamitimo neʼapamagiya kavanagi kaveta nehaya kavanagi aigofe gemo nehaya kavanagi hosu apaipa nekaliya kavanagi huno apaipafiʼmo havai teʼniye.

Lomu 9:17

Ani kavatefeʼmo Goti mukufiʼmo avoʼmo kae maleʼniya gemoʼa hunoʼaeʼmo, yagaino neʼapateya kini vekamo Felofeʼmo hunoʼaeʼmo, Ina kavatefeʼmo aliʼna he tiʼna kateʼnove. Nagaemo himamuʼnimo kagaetetiʼmo aliʼna apave lisugeʼapaeʼmo ma mopafi muki haopalegamo maiʼnaya vayaʼmogimo ala nagi vekamoʼna nava gemo aeʼa hakalo huʼa hapa paisayafeʼmae, huno ha paiʼniye.

1 Kolitiyani 6:19

Lapakufamo aote Aunemeʼamo mono noʼamo haneʼniye, hutapa oʼafiʼnafiye. Gotiʼa Aunemeʼamo ago lapamiʼnigeno lapaipafiʼmo neʼmaiye. Lapakaemo lapakaitapi vayaʼmo oʼmaiʼnafa Yesu Kalaisiʼa lapakaemo ago miya faiʼniyaʼmofeʼmo lapaunelapamepatiʼe lapakufaletiʼeʼmo Goti agiʼalekeʼmo alita asaga hutapa ateyo.

2 Kolitiyani 6:16

Haiya kava huʼa alo nehaya aigofe gotiʼapimogi Goti aote ha le mono nopiʼmo hanegae. Alu ya alu yaʼmo haneʼnayaʼmofeʼmo ohanegae. Lagaemo afaʼa neʼmaiya Goti aote ha le mono noʼamo maiʼnonaʼmofeʼmae. Gotiʼa ani kavatefeʼmo hunoʼaeʼmo, Nagaemo apakaepiʼmo maiʼneʼna apakae folagapiʼmo umenitata huguve. Gotiʼapimoʼnamo maisugeʼa vayaʼnimo maigae, huno huʼniye.

Galesiya 3:8

Gotiʼa hogoteno apakeʼniyana malaga nofi vayaʼmogimo apakesamo afiʼa fatago hisageʼna apaketeʼnaeʼmo, naulagaleʼmo fatago vayaʼmo maiʼnae, huʼna hapa paiguve, huno apakeʼniye. Apaketeno hogoteno alagepa faigoko geʼamo Emalehamufeʼmo polomasi gemo huno ha painoʼaeʼmo, nagaemo kagaetetiʼmo muki nofi vayaʼmo aliʼna auleʼna apategauve, huno ha paiʼniye.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.