Yemisi 3:2 - The Keyagana NT and 25 OT books2 Mukiʼamogitamo muki kavaʼalefeʼmo uta haita me netalone. Mago vekamoʼmo avayaletiʼmo alagepa geʼageʼmo nehisiyana hosu kavaʼamo alagi ohaneʼniye. Ani agufa gemo nehisiya vekamoʼmo uno haino hapaiʼniya vekamogeno muki agufaʼaleʼmo alagepa huno afaʼa yagaigiye. အခန်းကိုကြည့်ပါ။ |
Kaulagaleʼmo mukiʼamogitamo oʼaniʼya faiʼniya yakana huta maiʼnone. Muki fatago kavatimoʼmo mago oʼaniʼya faiʼnigeʼa aliʼa yaga auʼa neʼatalaya kukena yakana huno haneʼniye. Mukiʼamogitamo vaiʼniya yosa haitagana huta maiʼnonageno yasimoʼmo alino halelino neʼviya kava huno hosu kavatimoʼmo lavalelino uʼniye.
Huʼniyesinaʼmonanafa Goti mukufiʼmo avoʼmo kae maleʼniya gemoʼa hunoʼaeʼmo, hosu kavaʼmoʼa muki ma mopafi vayaʼmo kalavusi huno apateʼniye. Yesu Kalaisifekeʼmo apakesamo afiʼa fatago nehaya kavatetiʼmo fikumo hapa maeʼna apamiguve, huno hu maleʼniya yaʼmo apakesamo afiʼa fatago nehaya vayaʼmo alino apamisiyafeʼmo kalavusi huno apateʼniye.
Lagaemo muki vayaʼamo apavalelita uta apatesunageʼa Goti aulagaleʼmo Kalaisipiʼmo maiʼneʼa uʼa haiʼa hapaisayafeʼmo muki vayaʼaifeʼmo Kalaisife ava gemo aeta hakalo huta hapa nepaune. Lagaemo alagepa huta lagesamo afiʼnetaeʼmo muki vayaʼaifeʼmo hutaeʼmo, ehetapiye, huta huge muki vayaʼaina alita apaya malege huta neʼmaune.
Muki yaʼamo fikumo lapa maeno nelapamiya Gotiʼa Yesu Kalaisitetiʼmo alagi hanege hanege huno hanesiya ha le konali yaʼamo alisunafeʼmo lagaefeʼmo keya aeno ge huʼniye. Inagi lapakaemo aise afinaʼmo kana yaʼmo alisagenoʼaeʼmo agaemo alagi alino alagepa huno lapatege alino lokiya vaino lapatege lokiyaʼamo alino lapamige agaiʼaleʼmo faino lapatege hugiye.