Yemisi 3:18 - The Keyagana NT and 25 OT books

¹⁸ Aliʼa nanu aeʼa neʼapataya vayaʼmogimo magoke apaipa aliʼa neʼmaiya afinaʼmo vase vase huʼa avina yaʼmo nehakalagenoʼaeʼmo fatago kavaʼmoʼmo alagaʼmo aegekana huno afole neʼaiye.

Yemisi 3:18 ပူးပေါင်းရင်းမြစ်များ

Samu 92:14

Apakaemo kosuna lege anekalo lege huteʼa maiʼneʼapaeʼmo alagamo aeʼnaya kava huʼa alagamo neʼae. Apakaemo muki afinaʼae afinaʼaeʼmo lokiyaʼapimo haneʼnigeno haitaʼamoʼmo hegafa talili huno haneme hamene neʼviye.

Mai'naya kavane 11:18

Hosu vekamoʼmo aliʼyaʼaletiʼmo miyaʼamo hano hisiya miyaʼmo aligiyaʼmonanafa avina yaʼmo nehakalaya kava huno fatago kavaʼmo huʼniya vekamoʼmo henagaʼamo alagi alagepa miyaʼmo aligiye.

Mai'naya kavane 11:28

Kagemi yaʼnimoʼa alagepa huno naha maegaiye, huno alino amufa neʼamiya vekamoʼmo asagauno aigiyaʼmonanafa fatago vekamoʼmo saufa yosamo alagamo neʼaeya kava huno magoʼe magoʼe huno alagepa kavaʼmo huno maigiye.

Mai'naya kavane 11:30

Fatago vayaʼai kavaʼapimoʼmo afaʼa maisaya yaʼmo neʼapamiya yosagana huno haneʼniye. Goti geʼaletiʼmo Goti mafaʼnemo alino hamaleno neʼapateya vekamo afiteno ageʼniya vekamo maiʼniye.

Matiyu 5:9

Gotiʼa aliʼa nanu aeʼa neʼapataya vayaʼaifeʼmo hapa painoʼaeʼmo, mafaʼneʼnimo maiʼnae, huno hapa paigiyaʼmofeʼmo Goti aulena vayaʼamo maiʼnae.

Yoni 4:36

Hoyafatiʼmo neʼyaʼmo neʼaliya vayaʼmogimo miyaʼapimo alige maige maige huʼa maisayafeʼmo neʼyaʼmo alige nehae. Neʼyaʼmo neʼaliyaʼmofeʼmo avina yaʼmo nehakalaya vayaʼe neʼyaʼmo neʼaliya vayaʼeʼmo magokepi apamogaga aigae.

Galesiya 6:8

Vayaʼmogimo atafa apaipamoʼmo nehaiya kavaʼmo nehisayana hosu neʼyaʼmo afole aisigeʼa aliteʼa faligae. Vayaʼmogimo Goti Aunemeʼamoʼmo hauʼniya kavaʼmo nehisayana alagepa neʼyaʼmo afole aisigeʼa aliteʼa maige maige huʼa maigae.

Himulu 12:11

Gotiʼa kayoʼmo nelamigetaeʼmo, lamogaga neʼauna kavaʼmo ohaneʼnifa lagafu nekiya kavaʼmo haneʼniye, huta lagesamo neʼafunaʼmonanafa Gotiʼa kayotetiʼmo alino laya malesigetaeʼmo henagaʼamo laipafatiʼmo fatago kavaʼmoʼa alagagana huno aesigeta laipamoʼmo falu hugiye.

Yemisi 1:20

Na kava nehiyaʼmofeʼmae. Vayaʼmogi apaipamo neleya kavaʼmoʼa Goti fatago kavaʼamo alino afole aino noʼate.