Yemisi 3:17 - The Keyagana NT and 25 OT books

¹⁷ Hugayaʼmonanafa siosi vayaʼmogi alagepa huʼa ageteʼa afiʼnaya kavaʼmo kokuʼnapatiʼmo aliʼnisayana hogoteʼa yaveyave apaipamo aliteʼa alagepa huʼa magokepi lokaeʼa maige yagu yaga kavaʼmo huge vayaʼai geʼapimo afiteʼa hapau huʼa apatege alu alagepa kava alu alagepa kavaʼmo huge nehae. Apakaemo muki vayaʼaitegamo magoke aiyaya kavaʼmo huteʼa aeʼa ati okaeʼa afole yateʼmo neʼmaiye.

Yemisi 3:17 ပူးပေါင်းရင်းမြစ်များ

Mai'naya kavane 2:6

Ala kava neʼmoʼa afiteʼa neʼagaya kavaʼmo alino neʼapamiye. Agaiʼa avayafatiʼmo afiteʼa neʼagaya kavaʼe afiʼa aeto nehaya kavaʼeʼmo emineneʼe.

Aiyeya 2:4

Agaemo alu nofi vayaʼe alu nofi vayaʼeʼmo alino fako huno apateteno maiʼnaya asole vayakoʼmo ge hapaugiye. Inagi apakaemo naipeʼapileʼmo neʼamagisagenoʼaeʼmo aiʼyumo neʼaiya aenimo alino hamalege hayoʼapileʼmo neʼamagisagenoʼaeʼmo nofiʼmo nehatagaya haginamo alino hamalege hugiye. Muki nofi vayaʼmogimo magoʼe huʼa kame osuge kame hisaya kavaʼmo magoʼe huʼa aliʼa apaya oʼmalege hugae.

Aiyeya 32:6

Gotifeʼmo mono nosaya agufa kavaʼmo huge Ala kava netegamo aigofe gemo huge hisayafeʼmo negi vekamoʼmo negi nagi gemo huge hosu kavaʼmo hisiyafekeʼmo aipafiʼmo lusi kava huno agesa afige hugiye. Agaemo kafu nehaya vayaʼmo apaka tege aniʼapimo hano huʼniya vayaʼmo anifeʼmo hapauge hisiyafeʼmo hosu kavaʼmo hugiye.

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Neniyo 1:17

Gotiʼa ani loleʼe loleʼe neya vayaʼmo afisaya kavaʼe afiteʼa agesaya kavaʼe mukufiʼmo ageteʼa afisaya apakesaʼeʼmo apamiʼniye. Neniyoʼa alagamuna agegekana huno muki kavaʼmo aepaʼamo agege alagamunamo aepaʼamo agege huʼniye.

Malakai 2:9

Lapakaemo geʼnimo akame osuge keʼaepa gelefeʼmo vayaʼaitegamo magoke agufa kavaʼmo osuge huʼnayaʼmofeʼmo muki vayaʼmogi apaulagaleʼmo hosu kavatapimo aliʼna apave liʼnogeʼa hosu lapakitapimo lapamiʼnae.

Malakai 3:3

Agaemo atafiʼmo siluva yafaʼmo kaesigeno leno alagepa siluva yafaʼmo afole aisiyafeʼmo yagaino neʼmaiya vekagana huno afole aigiye. Agaemo Livai nofi vayaʼmogi hosu kavaʼapimo aeno kalo paeno ataleteno alino alagepa huno apategaiye. Atafiʼmo goli yafaʼe siluva yafaʼeʼmo kaeʼnageno leno kalopaeno alagepa yafaʼamo afole neʼaiya kava huno alino alagepa huno apatesigeʼa fatago kavaʼmo nehuʼapaeʼmo Ala kava neʼmo ofalinimo amigae.

Matiyu 23:28

Ani kava huʼa vayaʼmogimo amega lapakufaʼaleʼmo lapaketeʼapaeʼmo alagepa vayaʼmo maiʼnae, huʼa nelapakayaʼmonanafa lapaipafiʼmo aeta ati nekaya kavaʼe Goti keʼaepa geʼamo amagita neʼatalaya kavaʼeʼmo havaiteʼniye.

Matiyu 5:8

Yaveyave apaipa vayaʼmogi Gotiʼmo afaʼa agegayaʼmofeʼmo Goti aulena vayaʼmo maiʼnae.

Matiyu 5:9

Gotiʼa aliʼa nanu aeʼa neʼapataya vayaʼaifeʼmo hapa painoʼaeʼmo, mafaʼneʼnimo maiʼnae, huno hapa paigiyaʼmofeʼmo Goti aulena vayaʼamo maiʼnae.

Luki 21:15

Nagaiʼnimo alagepa huʼa afiteʼa ageʼnaya gemo aliʼna lapamisugetapa hapa paisageʼa afiteʼapaeʼmo getapileʼmo ge huʼa aeʼa ati kaeʼa ge osugae.

Luki 6:36

Afotapimoʼmo hau huno neʼapateya kava hutapa lahapau huta apateyo, huno hapa paiʼniye.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 1:47

Yesuʼa ageyana Natanieloʼmo agaetegamo eʼnigeno agetenoʼaeʼmo, lama ge Isaleli vekamo maiʼniye. Magoke aigofe geʼamo ohaneʼniya vekamae, huno huʼnigeno

Apa 11:24

Manamasiʼa alagepa vekamo Goti Aunemeʼamoʼmo aipafiʼmo havai teʼnigeno lokiya vaino agesa afino fatago huʼniya vekamoʼmo asole vayaʼmo apayate alinino Ala kava netegamo eʼniye.

Apa 9:36

Mago a kanomo agiʼamo Tamaitaʼa Yopa taonifiʼmo maiʼneno Goti geʼamo neʼafiya a kanomo maiʼniye. Galiki gefatiʼmo Nokasiʼae huʼa agi aeʼnae. Muki afinaʼmo alagepa kavaʼageʼmo huno kagemi yaʼapimo ohaneʼniya vayaʼmo hapa maeno apamige apamige huno maiʼniya a kanoe.

Lomu 12:18

Muki vayaʼeʼmo magokepi alagepa hutapa lokaeta maisaya kaʼmo haneʼnisiyaʼmoʼmo lapakaemo afaʼa hisaya kavaʼmo hutapa magokepi lokaeta maiyo.

Lomu 12:9

Aigofe olahapauno lapaipafatiʼmo lapau lapayamopafiʼmo lahapaino. Hosu kavafeʼmo alagi olahapauʼninagetapa alagepa kavateʼmo atafautapa alagi hutapa maiyo.

Lomu 15:14

Konagaʼnimogitapae, huʼna, alagepa kavaʼe afiʼnaya geʼeʼmo lapaipa lapakesafiʼmo havai teʼniyanagetapa afaʼa alita apaya malegae, huʼna lole nagesamo oʼafiʼnofa magoke nagesamo neʼafuve.

1 Kolitiyani 12:8

Goti Aunemeʼamoʼmo mago vayaʼamogimo alagepa faigoko geʼamo aeʼa hakalo huʼa hapa paisayafeʼmo lokiyaʼamo apamige mago vayaʼamogimo alagepa geʼamo aliʼa apaya malesayafeʼmo lokiyaʼamo apamige nehiye.

2 Kolitiyani 10:1

Poloʼnamo nagaiʼnimo lapao ke hove. Kalaisiʼa yuna aipa vekamo maiʼneno yagu yaga gemo huʼniya agufa gemo huʼna lapa nepauve. Nagaemo lapaulagaleʼmo maiʼneʼnaeʼmo koli huteʼnaeʼmo ge nosuvaʼmonanafa lapakaeʼeʼmo magokepi lokaeʼna oʼmaiʼneʼnaeʼmo koli osuʼna lokiya gemo nehuva vekamoʼnamo lapa nepauve.

2 Kolitiyani 6:6

Aʼne anagaʼaitegamo lokiya yaveyave kavaʼmo huge afiteta ageta aeto huge yuna laipamo kalige falu laipamo kalige alita lao yaʼmo huge Aote Aunemeʼaleti kavaʼmo huge laipafatiʼmo lahau layamopafiʼmo lahauge huta maiʼnone.

2 Kolitiyani 7:11

Afiyo, huʼna, Gotiʼa hauʼniya agufa lapaipa kana huʼniya kavaʼmoʼa lapaipafiʼmo malage huno aliʼyaʼmo aliʼnigetapaeʼmo lapakaemo huʼnaya kavafeʼmo he titapa ava ge hutetapa lapakaitapieʼmo ge lapautetapa koli lapaipamo kaliʼnigetapaeʼmo hosu kavatapimo alitapa atalesayafeʼmo lusi kava huno lapauʼnigetapa lapayamukiki hutapa kayoʼmo amisayafeʼmo huʼnae. Alu alagepa kava alu alagepa kavaʼmo nehutapaeʼmo alagi alagepa hutapa alita api aita ateʼnae.

2 Kolitiyani 9:10

Avina yaʼmo nehakalaya vayaʼmo avina yaʼmo hakalesayafeʼmo apamige neʼyaʼmo neʼnaya vayaʼmo neʼyaʼmo nesayafeʼmo apamige nehiya vekamoʼmo avina yaʼmo lapamisigetapa hakalesaya avina yafeʼmo hago, huno hisigeno hagesigetapa fatago kavatapiletiʼmo magoʼe magoʼe hutapa aligae.

Efasasi 5:9

Goti Aunemeʼamoʼmo alagamo neʼaesigetapaeʼmo alagepa kavaʼmo huge fatago kavaʼmo huge lama ge kavaʼmo huge hutapa maigae.

Filipai 4:8

Konagaʼnimogitapae, huʼna, geʼnimo huʼna hano hisuvafeʼmo huʼnaeʼmo, lapakaemo muki alagepa kavaʼe ala apakiʼapimo neʼapamiya kavaʼefeʼmo lapakesamo afifi hutapa maiyo. Lama ge kavanagi ani kavatefeʼmo agiʼaleʼmo aliʼa asaga huʼa neʼataya kavanagi fatago kavanagi oʼaniʼya ofaiʼniya kavanagi kanale kavanagi ala agiʼamo haneʼniya kavanagi hutapa lapakesa afifi hutapa maiyo.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

1 Tesaloniyani 2:7

Lokiya gemo osuta lapakaeʼeʼmo magokepi kanale huta lokaeta maiʼnetaeʼmo vase vase kavaʼmo huta aʼnemogimo inamu mafaʼnemo apanu kiʼa alagi huʼa neʼmaiya kava huta yagaita lapateʼnone.

1 Timoti 5:21

Nagaemo Goti aulagalenagi Ala kava netimo Yesu Kalaisi aulagalenagi Gotiʼa lekana paino apateʼniya enisole vayaʼai apaulagalenagi huʼna kaha paiʼnaeʼmo, mani kavaʼmo huka alika fako huka apatesanafeʼmo hukaeʼmo fiku alika fako huka oʼapateka hogoteka ani gemo aepaʼamo afitekaeʼmo mago vayaʼaitegaʼe alu vayaʼaitegaʼeʼmo lole agufa kavaʼmo osuka magoke aiyaya kavakeʼmo huka alika fako huka apato, huʼna kaha nepauve.

2 Timoti 2:24

Ala kava neʼmo aliʼyaʼamo neʼalisiya vekamoʼa geletiʼmo kaveta osuno muki vayaʼaitegamo yagu yaga kavakeʼmo huge alagepa huno alino apaya malege oʼafiʼnisaya vayaʼaifeʼmo aipamo leno oʼapateno yuna aipamo kalino apatege huno maigiye.

Taitasi 1:15

Yaveyave apaipa vayaʼmogimo muki aliʼnisaya yaʼamo apakaiʼapilefeʼmo yaveyave yaʼmo haneʼniyaʼmonanafa hosu kavaʼmoʼa alino oʼaniʼya faino apateʼnisiya vayaʼmogimo muki aliʼnisaya yaʼamo apakaiʼapilefeʼmo oʼaniʼya yaʼmo haneʼniye. Apakesamo neʼafiya yaʼapifiʼe apakupi mafaʼnefiʼeʼmo oʼaniʼya yaʼmo havai teʼniyaʼmofeʼmae.

Taitasi 3:2

Mago vayaʼaifeʼmo huta faipa huta oʼapatetapa kaveta hisaya agufa gemo osutapa yagu yaga kavaʼmo nehutapa muki vayaʼeʼmo alagepa hutapa magokepi lokaeta maiyo, huka hapa paiyo.

Himulu 12:11

Gotiʼa kayoʼmo nelamigetaeʼmo, lamogaga neʼauna kavaʼmo ohaneʼnifa lagafu nekiya kavaʼmo haneʼniye, huta lagesamo neʼafunaʼmonanafa Gotiʼa kayotetiʼmo alino laya malesigetaeʼmo henagaʼamo laipafatiʼmo fatago kavaʼmoʼa alagagana huno aesigeta laipamoʼmo falu hugiye.

Himulu 12:14

Lapakaemo muki vayaʼeʼmo alagepa hutapa magokepi lokaeta maiʼnetapa aote kavaʼmo alisayafeʼmo nagu nagu hutapa vegala aeyo. Aote kavaʼmo oʼaliʼnisaya vayaʼmogimo Ala kava neʼmo oʼagegayaʼmofeʼmae.

Yemisi 1:17

Gotiʼa muki alagepa yaʼe haino hapaiʼniya yaʼeʼmo fikumo neʼapamigenoʼaeʼmo kokuʼnapatiʼmo emineʼniye. Muki kokuʼnate aeno ha neleya yaʼmoʼa alu kava alu kavaʼmo huno aeno ha neleyaʼmonanafa ani aeno ha neleya yaʼmo Afoʼamoʼmo alu kava alu kavaʼmo osuno magoke agufa kavaʼmo huno fikumo neʼapamiye.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.

Yemisi 2:13

Gotiʼa agoti huno apatesiya afinaʼmo mago vayaʼaifeʼmo hapau huʼa noʼapatesaya vayaʼaifeʼmo hau huno oʼapategaiyaʼmonanafa hapau huʼa neʼapataya vayaʼaifeʼmo Gotiʼa hau huno apatesiya kavatetiʼmo agoti huʼa aeʼa agasegae.

Yemisi 3:15

Ani agufa ageteʼa afiʼnaya kavaʼapimo kokuʼnapatiʼmo emi noʼmeʼnifa ma mopafi vayaʼai kavaʼapimo apakufamoʼmo hauʼniya kavaʼmo Satanitegatiʼmo afole neʼaiye.

Yemisi 4:8

Goti haopaleʼmo vigenoʼao lapakae lapaopaleʼmo eno. Hosu kavaʼmo nehaya vayaʼmogitapae, huʼna, lapayaʼmo sese hiyo. Lole lapakesamo neʼafiya vayanagi lapaipafatiʼmo oʼaniʼyamo aeta kalo paetapa ataleyo.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 2:1

Huʼniyaʼmofeʼmo lapakaemo vayaʼaitegamo hosu kavaʼmo osuge aigofe gemo osuge ala lapakitapimo alisayafeʼmo amega lapakufale alagepa kavaʼmo osuge lapaipa kafa ohapaege huta faipa huta oʼapatege hiyo.

1 Pita 2:18

Aliʼyaʼmo neʼaliya vayaʼmogitapae, huʼna, aliʼyaʼmo afoʼamofeʼmo koli hutetapa aiyafiʼmo maiyo. Alagepa kavaʼmo huteʼa yuna apaipamo kaliʼneʼa yagaiʼa nelapataya vayaʼai apaiyafikeʼmo oʼmaitapa hosu kavaʼmo huʼa yagaiʼa nelapataya vayaʼai apaiyafiʼeʼmo maiyo.

1 Yoni 3:18

Aise mafaʼneʼnimogitapae, huʼna, lavayaʼaletikeʼmo geʼageʼmo hutaeʼmo, lahau layamopafiʼmo nelahaiye, huta osuta alagi lama ge huno lahau layamopafiʼmo lahauʼninageta alagepa kavaʼmo higetao.

1 Yoni 3:3

Muki vayaʼamogimo, ani kavaʼmo afole aigiye, huʼa huteʼa agava maiʼneʼa apamogaga neʼaiya vayaʼmo apakaiʼapimo sese huʼa neʼapatae. Agaemo yaveyaveʼage aipaʼe vekamo maiʼniyanageʼa agaekana huʼa maisayafeʼmae.