Yemisi 2:8 - The Keyagana NT and 25 OT books

⁸ Lapakaemo Gotiʼmo yagaino neʼapateya kini vekatapimo Goti keʼaepa geʼamo mukufiʼmo haneʼniya keʼaepa geʼamo akame nehisayana alagepa kavaʼmo nehae. Ani gemoʼa hunoʼaeʼmo, lapakaitapieʼmo lapau lapayamopafiʼmo lapauʼniya kava hutapa lapaopaleʼmo neʼmaiya vayaʼaifeʼmo lapau lapayamopafiʼmo lapaino, huno huʼniye.

Yemisi 2:8 ပူးပေါင်းရင်းမြစ်များ

2 Kini 7:9

Inagi apakaiʼapimo huʼapaeʼmo, Lagaemo kanale kavaʼmo osuʼnone. Hemenimo alagepa faigoko gemo huta hapa paisuna afinaʼmo afole aiʼniyana ge osuʼnone. Lagaemo ge osuta maiʼnisunageno neteʼmo eno afole aisiyaʼmoʼmo mago hanageke yaʼmo aligune. Hemenimo uta kini anaga vayaʼaifeʼmo hapa paigetao, huʼa huʼnae.

Yona 4:4

Ala kava neʼmoʼa hunoʼaeʼmo, Yonao, huno, Kaipamo neleya kavakamo kanale kavaʼmo nehapiye, huno afi geʼniye.

Yona 4:9

Gotiʼa hunoʼaeʼmo, Nofiʼmo falu teʼniyaʼmofeʼmo kaipamo leʼnigeka kanale kavaʼmo nehapiye, huno afi geʼnigenoʼaeʼmo, he, naipamo lusi kava huno leʼnigeʼna alagepa kavaʼmo nehuve. Afaʼa faligesuve, huno ha paiʼniye.

Matiyu 22:39

Napa tu keʼaepa geʼe napa vani keʼaepa geʼeʼmo magoke agufa gelaʼmo haneʼniye. Napa tu keʼaepa gemoʼa hunoʼaeʼmo, kagaikaeʼmo kahau kayamopafiʼmo nekahaiya kava huka kahaopaleʼmo maiʼnaya vayaʼaifeʼmo kahau kayamopafiʼmo kahaino.

Matiyu 25:21

aliʼyaʼmo afoʼamoʼmo ha painoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Matiyu 25:23

aliʼyaʼmo afoʼamoʼmo hunoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Matiyu 7:12

Mosese keʼaepa geʼe Gotitegati gemo alini eʼa aeʼa hakalo huʼa hapa nepaiya vayaʼai gemoʼeʼmo aepaʼamoʼmo hunoʼaeʼmo, lapakaemo na agufa kavaʼmo lapakaetegamo hisaya kavafeʼmo lahapauʼnisiyaʼmoʼmo ani agufa kavakeʼmo muki vayaʼaitegamo hiyo.

Lomu 13:10

Hapau apayamopafiʼmo nehapaiya vayaʼmogimo hapaopaleʼmo neʼmaiya vayaʼaitegamo hosu kavaʼmo nosayaʼmofeʼmo muki keʼaepa geʼamo akame huʼa hano nehae, huno huʼniyaʼmofeʼmae.

Galesiya 5:14

Muki keʼaepa gemo aepaʼamo magoke keʼaepa gefiʼmo haneʼniya gemoʼa hunoʼaeʼmo, kagaikaeʼmo kahau kayamopafiʼmo nekahaiya kava huka kahaopaleʼmo maiʼnaya vayaʼaifeʼmo kahau kayamopafiʼmo kahaino, huno huʼniya gemo akame huʼnisayana muki keʼaepa gemo akame hutapa hano huʼnae.

Galesiya 6:2

Konagatapimogimo neʼaliya kana yaʼmo alita hapa maegeʼapao Kalaisi muki keʼaepa geʼamo ago akame hugayanagi.

Filipai 4:14

Ani gemo nehuvaʼmonanafa kana yaʼmo neʼaluva kavatefeʼmo alagepa kavaʼmo hutapa nagaeʼeʼmo afalu afalugana hutapa naha maeʼnae.

1 Tesaloniyani 4:9

Gotiʼa konagatapieʼmo lapau lapayamopafiʼmo lapausiyafeʼmo ago alino lapaya maleʼnigetapa afiʼnayanageta lapausiyafeʼmo halate avoʼmo kaesuva kavaʼmo ohaneʼniye.

Yemisi 1:25

Age nekaniyaʼmonanafa mago vekamoʼmo Goti keʼaepa geʼamoʼa uno haino hapaiʼniya kanale geʼaletiʼmo hatu maeno neʼapateya geleʼmo aulu heno ageʼniya geeʼmo age okanino agesamo afifi huno akame nehisiyana kanale hugiye. Muki kavaʼamo nehisigenoʼaeʼmo Gotiʼa alino auleno ategaiye.

Yemisi 2:12

Gotiʼa hatu maeno lapateʼniya keʼaepa geʼaletiʼmo alino fako huno lapategaiyaʼmofeʼmo alagepa gemo huge alagepa kavaʼmo huge hiyo.

Yemisi 2:19

Kagaemo Gotifeʼmo magoke vekamo maiʼniye, huka kagesamo afika fatago huʼnana kavaʼmo kanalene. Nehanaʼmonanafa hosu apaune vayaʼmogiʼeʼmo Gotiʼa maiʼniye, huʼa apakesamo afiʼa fatago nehuʼapaeʼmo atete nehae.

Yemisi 4:11

Konagatapimogifeʼmo huta faipa hutapa oʼapateyo. Mago vekamoʼmo konagaʼamofeʼmo huno faipa huno ateteno alino fako huno atesiyana Goti keʼaepa geʼaeʼmo huno faipa huno ateteno alino fako huno neʼate. Lapakaemo keʼaepa geʼamo alita fako hutapa atesayana keʼaepa geʼamo akame osutapa keʼaepa geʼamo alita fako hutapa neʼatae.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.