Yemisi 2:5 - The Keyagana NT and 25 OT books

⁵ Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

Yemisi 2:5 ပူးပေါင်းရင်းမြစ်များ

Hatu maeno apate'niya gemae 20:6

Nagaefeʼmo nohapaiya vayaʼmo kayoʼmo apamiguvaʼmonanafa nagaefeʼmo hapauʼnigeʼa keʼaepa geʼnimo akame nehaya vayaʼmo tauseni tauseniʼa vayaʼaifeʼmo nahau huʼna apategauve.

Mai'naya kavane 13:7

Mago vayaʼmogimo huʼapaeʼmo, kagemi yatimo haneʼniya vayaʼmo maiʼnone, huʼa nehayaʼmonanafa ohaneʼniye. Mago vayaʼmogimo huʼapaeʼmo, kagemi yatimo ohaneʼniya vayaʼmo maiʼnone, huʼa nehayaʼmonanafa kagemi yaʼapimo haneʼniya vayaʼmo maiʼnae.

Mai'naya kavane 7:24

Inagi mafaʼne anagaʼmogitapae, huʼna, geʼnimo alagepa huta lapaketafo hutapa afiyo.

Mai'naya kavane 8:32

Mafaʼneʼnimogitapae, huʼna, Geʼnimo akame nehaya vayaʼmo aliʼna auleʼna neʼapatovaʼmofeʼmo geʼnimo afiyo.

Sefanaiya 3:12

Nagaemo lapakae folagapatiʼmo yuna apaipa vayaʼmogimo yagu yaga kavaʼmo nehaya vayaʼmo afaʼa apakeʼna apatalesugeʼa Ala kava neʼmoʼna nagiʼnilefeʼmo aliʼa amufa namigae.

Matiyu 11:5

Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Matiyu 5:3

Hapa painoʼaeʼmo, launelametefeʼmo kagemi yatimo ageta oʼmaleʼnona vayaʼmo maiʼnone, huʼa apakesamo neʼafisaya vayaʼmogimo Gotiʼa yagaino neʼapateya kegiʼyafiʼmo haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo Goti aulena vayaʼamo maiʼnae.

Maki 7:14

Yesuʼa halate muki vayaʼaifeʼmo ge huʼnigeʼa eʼa aliʼa anupa huʼa maiʼnagenoʼaeʼmo, Geʼnimo afita aeto hiyo.

Luki 12:21

ani kavaʼmo huʼa apakaiʼapilefekeʼmo kagemi yaʼapimo ageʼa neʼmalayaʼmonanafa Gotitefeʼmo ageʼa noʼmalaya vayane, huno hapa paiʼniye.

Luki 12:32

Aise sipisipi anagaʼmogitapamo lapamoʼyamo oʼaiyo. Afotapimoʼmo yagaiʼniya koteʼmo maisayafeʼmo hauʼniyanageno lapamigiye.

Luki 16:22

Afaʼa maiʼneno aukaya nehiya vekamo faliʼnigeʼapaeʼmo enisole vayaʼmogi emi eʼa avaleli uʼa haiʼa kokuʼnapiʼmo Emalehamu haopaleʼmo ateʼnageno maiʼniye. Ani kavaʼmo huno kagemi yaʼamo haneʼniya vekamo faliʼnigeʼapaeʼmo alini uʼa kiʼa ateʼnae.

Luki 16:25

Emalehamuʼa hunoʼaeʼmo, naginago mafaʼneo, huno, kagesamo afika ho huvo. Kagaemo ma mopafi maiʼnekaeʼmo muki afinaʼmo alagepa yaʼageʼmo alika maiʼnanageno Layosiʼa hosu yaʼageʼmo alino maiʼniyaʼmonanafa hemenimo alagepa huno maiʼnigekaeʼmo kagaemo lusi kava huno kagafu nekiye.

Luki 22:29

Afoʼnimoʼmo ala vekaʼapimo yagaika apatesana vekae, huno lekana paino nateʼniya kavaʼmo huʼna yagaita apatesaya vayane, huʼna lekana paiʼna lapateʼnove.

Luki 6:20

Yesuʼa alino maku huno apakeyana geʼamo neʼafiya vayaʼmo maiʼnageno apaketenoʼaeʼmo, kagemi yatapimo ohaneʼnisaya vayaʼmogitapamo Gotiʼa yagaino neʼapateya kegiʼyafiʼmo uta haitapa maiʼnageno muki yaʼamo lapakaitapi yaʼmo haneʼniyaʼmofeʼmo Goti aulena vayaʼamo maiʼnae.

Yoni 7:48

Monoteʼmo yagaiʼa neʼapataya vayapati vayaʼmogimofi Falasi mono vayapati vayaʼmogimofi huʼa geʼamo neʼafigetapa apakeʼnafiye.

Apa 7:2

Sitiveniʼa hunoʼaeʼmo, Naganaʼnimogitapaʼe afoʼnimogitapaʼeʼmo afiyo, huno, Akeyaʼvilaga laginago vekamo Emalehamuʼa Mesopotemiya kotegamo maiʼnenoʼaeʼmo Helani kotegamo oʼuʼnigenoʼaeʼmo aulagaleʼmo ha le konali yaʼaʼe vekamo Gotiʼa afole aitenoʼaeʼmo,

Lomu 8:17

Goti mafaʼneʼamo maiʼnonaʼmofeʼmo Afotimo yaʼamo alisunafeʼmo mafaʼneʼamo maiʼnone. Kalaisiʼeʼmo Afotimo yaʼmo aligune. Lagaemo agaeʼeʼmo magokepi kana yaʼmo neʼalisunana agaeʼeʼmo ha le konali yaʼamo magokepi aligune.

1 Kolitiyani 2:9

Apakaemo oʼafiʼnayaʼmonanafa avoʼmo kae maleʼniya gemoʼa hunoʼaeʼmo, Gotiʼa agaefeʼmo hapau apayamopafiʼmo hapauʼniya vayaʼmogi alisayafeʼmo muki vayaʼmo alo huno apateʼniya yaʼmo apaulagafatiʼmo oʼagege apakesafatiʼmo oʼafige apaipafiʼmo afole oʼaige huʼniya yaʼmo haneʼniye, huno huʼniye.

2 Kolitiyani 4:15

Lagaemo lapa maesunafeʼmo muki mani agufa kana yaʼmo alita neʼmaune. Gotiʼa asole vayaʼaina fikumo hapa maeno neʼapamiya kavaʼamo aino atagu faeno uneno hisigeʼa magoʼe magoʼe huʼa hao ke heteʼapaeʼmo Goti agiʼaleʼmo aliʼa asaga huʼa atesayafeʼmae.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

1 Tesaloniyani 2:12

Gotiʼa yagaino neʼapateya koteʼmo uta haitapa maiʼnetapaeʼmo ha le konali yaʼamo alisayafeʼmo keya aeno ge huʼniya agufa kavaʼmo hutapa maiye.

2 Tesaloniyani 1:5

Lapakaemo Gotiʼa yagaino neʼapateya koteʼmo afaʼa uta haitapa maisaya kavaʼmo hutapa maiʼnae, huno hisiyafeʼmo ani kana yaʼmo aligae, huteno fako huno lapamiʼnigetapa aliʼnae.

1 Timoti 6:18

Kagemi yaʼapiʼe vayaʼmo asole alagepa kavaʼmo kagemi yaʼapigana huʼa malesayafeʼmo alagepa kavaʼmo nehuʼapaeʼmo fikumo apamige kagemi yaʼapimo fako huʼa apamisayafeʼmo hapauge huʼa maiyo.

2 Timoti 4:18

Inagi Ala kava neʼmoʼa muki hosu kavapatiʼmo nagufamo alino katino nateteno kokuʼnapiʼmo yagaino neʼapateya koteʼmo navalelino uno haino nategaiye. Muki afinaʼmo ha le konali agiʼamo alagi hanege hanege huno haneno. He, lama gemae.

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

Himulu 11:26

Agaemo Gotiʼa amisiya miyafekeʼmo agesamo afiʼniyaʼmofeʼmo Kalaisi agiʼalefeʼmo huʼa faipa huʼa natesaya kavaʼmo hogote kanale kavaʼmo haneʼnigeno Isipi koteʼmo haneʼniya kagemi yaʼe konali yaʼefeʼmo henaga yaʼmo ina agufa yaʼmo haneʼniye, huno agesamo afiʼniye.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.

Yemisi 1:16

Nahauʼniya konagaʼnimogitapae, huʼna, humi lapatesayafeʼmo hisaya gemo alagi oʼafiyo.

Yemisi 1:19

Nahauʼniya konagaʼnimogitapae, huʼna, geʼaletiʼmo alino lapateʼniyaʼmofeʼmo mukiʼamogitapamo geʼamo afisayafeʼmo lapayamukiki hutapa afiyo. Gemo hisayafeʼmo vase vase hutapa ge hiyo. Lapaipamo lesiyafeʼmo vase vase huno lapaipamo leno.

Yemisi 1:9

Apaki ohaneʼniya konagatimogi apakiʼapileʼmo Gotiʼa alino asagauno apateʼniya kavafeʼmo apamogaga aiyo.

1 Pita 1:4

Afoʼapimogi yaʼmo mafaʼneʼapimogi neʼaliya kava huta Gotiʼa agaiʼa yaʼmo alisunafeʼmo kokuʼnapi yateʼmo yagaino nelate. Ani yaʼmo alagi okasalige hosuge atafa osege nehiyanageno alagepa huno hanege hanege huno afaʼa hanegaiye.

2 Pita 1:11

Gotiʼa ani kavatetiʼmo lusi kava huno lapa maeno lapamiteno kitamo yakino lapatesigetapa Ala kava netimo lagufamo alino katino nelateya vekatimo Yesu Kalaisiʼa yagaino apatesiya koteʼmo hanege hanege huno hanesiya koteʼmo uta haitapa maigae.

Leveleseni 2:9

Lapakeʼnovana aliʼyatapimogi kana yaʼmo neʼaliya kavatapigi kafu nehaya kavatapimogi huʼna ago lapakeʼnove. Kafu huʼnayaʼmonanafa kagemi yatapimo haneʼniya vayaʼmo maiʼnae. Huʼa faipa huʼa nelapataya vayaʼmogimo, Yu vayaʼmo maiʼnone, huʼa nehayaʼmonanafa Yu vayaʼmo oʼmaiʼnae. Yu mono kavaʼmo osuʼa Satani mono kavakeʼmo nehageʼna apakeʼnove.

Leveleseni 21:7

Aeʼa neʼapakasaya vayaʼmogimo muki yaʼmo alisageʼna Gotiʼapimoʼnamo maisugeʼapaeʼmo mafaʼneʼnimo maigae.

Leveleseni 3:18

Ani kavaʼmo hutapa maiʼnayaʼmofeʼmo kagemi yatapimo hanesiya vayaʼmo maisayafeʼmo goli yafaʼmo atafiʼmo kaeʼna aliʼna alagepa hu maleʼnova goli yafaʼmo nagaetetiʼmo miya faiyo. Lapakufaʼalagaʼageʼmo maiʼnayanageno lapavagage osisiyafeʼmo nagaetetiʼmo yaveyave kukena yaʼmo miya faita vaiyo. Lapaulagaletiʼmo ageta alagepa hutapa agesayafeʼmo lapaulagaleʼmo falesaya malasinimo nagaetetiʼmo miya faiyo.

1 Samiyo 2:30

Ani kavaʼmo nehanaʼmofeʼmo Ala kava neʼmoʼnamo Isaleli vayaʼmogi Gotiʼapimoʼnamo huʼnaeʼmo, Hogoteʼna ina ge huʼna kaha paiʼnaeʼmo, Muki afinaʼmo mafaʼnekamogiʼe afokamo mafaʼnemogiʼeʼmo naulagaleʼmo aliʼyaʼnimo aligae, huʼna kaha paiʼnovaʼmonanafa hemenimo ina gemo huve. Haʼao, magoʼe hutapa aliyaʼnimo oʼaligae. Ala nagimo neʼnamiya vayaʼaina ala apakimo apamiguve. Nagaefeʼmo ina agufa gotiʼae, huʼa nehaya vayaʼaifeʼmo, ina agufa vayane, huʼna huguve.

1 Samiyo 2:8

Ma mopamo faino ateʼniya posimo Ala kava neʼmo posi yosamo haneʼniye. Agaemo ma mopamo mani posileʼmo faino ateʼniyaʼmofeʼmo kagemi yaʼapimo ohaneʼniya vayaʼmo mumusopafatiʼmo alino asagauno apatege neʼyafeʼmo aukaya nehaya vayaʼmo laʼnefafatiʼmo alino asagauno apatege nehiyanageʼa ala apaki aliteʼa yagaiʼa apatesayafeʼmae.