Yemisi 2:25 - The Keyagana NT and 25 OT books

²⁵ Kumai kavaʼmo nehiya a kanomo Lehepiʼa kame vayaʼaifeʼmo apamasa hisaʼafeʼmo eʼnaʼa vekalaʼmo noʼafiʼmo uʼana havaesaʼafeʼmo havaesaʼa yaʼmo alino alagepa huno anateʼnigeʼana uʼana havaetaʼagenoʼaeʼmo visaʼa kaʼmo alino anave liʼniye. Ani kavaʼmo huno Gotiʼa ani a kanomoʼa huʼniya alagepa kavaʼaletifeʼmo hunoʼaeʼmo, naulagaleʼmo fatago a kanomo maiʼnane, huno ha paiʼniye.

Yemisi 2:25 ပူးပေါင်းရင်းမြစ်များ

Matiyu 1:5

Salimoniʼe Lehepiʼeʼmo Movasiʼmo aliʼana ateʼnaʼageʼanaeʼmo Movasiʼe Lutiʼeʼmo Ometiʼmo aliʼana ateʼnaʼageno Ometiʼa Yesiʼmo alino ateʼnigeno

Matiyu 21:31

Haiya mafaʼnemoʼmo afoʼamo geʼamo afiʼniye, huno apafi geʼnigeʼapaeʼmo, yege mafaʼneʼamoʼae, huʼa ha paiʼnae. Yesuʼa hunoʼaeʼmo, lama ge lapa nepauve, huno, takesi moni neʼaliya vayaʼe kumai kavaʼmo nehaya aʼnemogiʼeʼmo aeʼa lapaka seʼa uʼa hogoteʼa Gotiʼa yagaino neʼapateya kopiʼmo uʼa nehaiye.

Apa 17:7

Yesoniʼa alino falu fala huno anateteno noʼafiʼmo anavalelinuno yagaino anateʼniye. Muki vayaʼmogimo huʼapaeʼmo, alatimo yagaino nelateya vekamo Sisa keʼaepa gemo ago amagiʼa ataleteʼapaeʼmo, alu vekamo Yesuʼa alaʼapimo yagaino neʼapateya vekae, huʼa nehae, huʼa hapa paiʼnae.

Himulu 11:31

Lehepiʼa kumai a kanomoʼmo agesamo afino fatago huʼniya kavatetiʼmo apamasa hisaʼafeʼmo eʼnaʼa vekalaʼmo alino falu fala huno anateʼnigeʼapaeʼmo Isaleli vayaʼmogi apakesamo afiʼa fatago osuʼnaya vayaʼmo hapaeteʼa Lehepiʼmo afaʼa ateʼnageno maiʼniye.

Yemisi 2:18

Haneʼniyaʼmonanafa mago vekamoʼmo, kagaemo kagesamo afika fatago huʼnanageʼna nagaemo alagepa kavaʼmo nehuve. Alagepa kavaʼmo nosisanana kagesamo afika fatago nehana kavakamo alika nave liyo. Nagaemo alagepa kavaʼniletiʼmo nagesamo afiʼna fatago nehuva kavaʼnimo aliʼna kave liguve, huno hugiye.

Yemisi 2:22

Lapakaemo ago afiʼnayana agesamo afino fatago huʼniya kavaʼamoʼe alagepa kava huʼniya kavaʼamoʼeʼmo magokepi lokaeʼana aliʼyaʼmo aliʼnaʼageno alagepa kavaʼaletiʼmo agesamo afino fatago huʼniya kavaʼamoʼa ko sino afu leʼniye.

Yemisi 2:24

Lapakaemo ago ageʼnayana alagepa kavaʼmo nehaya vayaʼaifeʼmo fatago vayaʼmo maiʼnae, hutapa apakeʼnayaʼmonanafa apakesamo afiʼa fatago kavaʼageʼmo nehaya vayaʼmo fatago vayaʼmo maiʼnae, huʼa nosae.

Yasuva 2:1

Isaleli vayaʼmo Sitami kotegamo maiʼnagenoʼaeʼmo Nani mafaʼnemo Yasuvaʼmo lole vekalaʼanifeʼmo hana painoʼaeʼmo, Lanakaemo utana Yeliko taonifiʼe haopaleʼmo haneʼniya mopaʼeʼmo agetana alagepa hiʼao, huno hana paiteno alino anateʼnigeʼana uʼnaʼae. Uʼana mago kate a kanomo agiʼamo Lehapi noteʼmo avaʼyi huteʼana agae nopiʼmo maiʼnaʼae.

Yasuva 2:15

Lehapi noʼmo taonile yafa kegiʼyaleʼmo lokaeno haneʼnigeno yasi kaʼmo taonile kegiʼyalegamo haneʼniye. Haneʼniyaʼmofeʼmo Lehapiʼa mago nofiʼmo yasi katetiʼmo aetalegeno lamino kegiʼya malagamo mule kalale huno haneʼnigeʼana lole vekalaʼmo ani nofiteʼmo alime alime uʼana lamisaʼafeʼmo aeʼniye.

Yasuva 2:16

Agaemo lole vekalafeʼmo hunoʼaeʼmo, Lanakaemo utana avefilaga loleʼe magoʼe afinaʼmo fala kitana maiʼao. Fiku yanageʼa lanavegala aesaya vayaʼmogimo lanakegae. Apakaemo Yeliko taonifiʼmo eʼa haiʼetesagetanaeʼmo lanakaemo halate nofi vayatanilegamo ugaʼae.

Yasuva 2:4

Hogoteno Lehapiʼa lole vekalaʼmo anavalelino uno ago alino fala kino anateʼniyaʼmofeʼmo ina gemo huno hapa painoʼaeʼmo, He, huno, ani vekalaʼmo nagaetegamo eʼnaʼaʼmonanafa haiya kotegatiʼmo eʼnaʼafi huʼna oʼafiʼnove.

Yasuva 2:6

Ani gemo huno hapa paiʼniyaʼmonanafa agaemo ani lole vekalaʼmo anavalelino uno haino nokatoʼmulegamo kahaugana neʼya hayamo maleʼniya yapiʼmo fala kino anateʼniye.

Yasuva 6:17

Ala kava neʼmoʼa taonimo heno halagape vaige muki taonifiʼmo maiʼnaya vayaʼmo hosu kava huʼa maige hisayafeʼmo ge hugiye. Ani kate a kanomo Lehapikeʼmo noʼafiʼmo maiʼnaya afamo anagaʼaʼeʼmo afaʼa maigae. Agaemo lagaemo taonimo ageʼana alagepa hisaʼafeʼmo alita anateʼnonageʼana eʼnaʼa vekalaʼmo alino fala kino anateʼniyaʼmofeʼmae.