Yemisi 2:20 - The Keyagana NT and 25 OT books

²⁰ Negi vekae, huʼna, kagesamo afika fatago huʼnanaʼmonanafa alagepa kavaʼmo nosanaʼmofeʼmo kagesamo afika fatago huʼnana kavakamo faligekana huno haneʼniye, huʼna aliʼna kave lisufiye.

Yemisi 2:20 ပူးပေါင်းရင်းမြစ်များ

Mai'naya kavane 12:11

Hoyamo neʼvaiya vekamoʼmo neʼyaʼmo neno amu hugiyaʼmonanafa aliʼyaʼmo oʼaliʼa alu ya alu yafeʼmo apamogaga neʼaiya vayaʼmogi afiʼa aeto nosae.

Lomu 1:21

Muki vayaʼmogimo Gotiʼmo ago ageʼnayaʼmofeʼmo ala agiʼamo Gotiʼmo amisaya agufa agiʼamo oʼamige agaefeʼmo hao ke osege huʼa maiʼnae. Afa apakesageʼmo neʼafigeno apaipafiʼmo hani huʼniya kavaʼmo afole aiʼnigeʼapaeʼmo negi nagi kavaʼmo huʼa maiʼnae.

Lomu 3:28

Ataleʼniyaʼmofeʼmo ina kava huta afiʼnonana Gotiʼa keʼaepa geʼamo akame nehaya kavatetiʼmo naulagaleʼmo fatago vayaʼmo maiʼnae, huno nosifa apakesamo afiʼa fatago nehaya kavatetikeʼmo naulagaleʼmo fatago vayaʼmo maiʼnae, huno nehiye.

Lomu 9:20

Vayalafaʼmo maiʼnanaʼmofeʼmo ina lagamo Goti geʼaleʼmo afaʼa aeka atagaina huka nehane. Alo huʼniya yaʼmoʼa alo huʼniya vekaeʼmo, na kava higeka ani kavaʼmo huka alo huka nateʼnane, huno afaʼa hugifiye.

Galesiya 5:6

Kalaisi Yesupiʼmo maiʼnetaeʼmo lagufamo lagauʼnisupi olagauʼnisupigeno afaʼa laha oʼmaegaiyaʼmonanafa lagesamo afita fatago nehuna kavatimoʼmo lahau layamopafiʼmo lahauʼniya kavatetiʼmo aliʼyaʼmo alisiyaʼmoʼmo afaʼa laha maegaiye.

Galesiya 6:3

Mago vekamoʼmo hunoʼaeʼmo, ala nagi vekamo maiʼnove, huno agesamo neʼafisiyana ina agufa vekamo maiʼniyaʼmofeʼmo agaiʼaekeʼmo humi neʼate.

Kolosi 2:8

Fiku yanageʼa mago vayaʼmogimo ma mopafi vayaʼmogi ageteʼa afiʼnaya agufa gemo huge afa aigofe gemo huge huʼa humi lapategayanagi ehetapiye. Mani gemo Kalaisitegatiʼmo noʼmefa apakinago vayaʼmogi nehaya agufa gemo ma mopafi kavaʼmo ani kavaʼmo huno afole aiʼniye, huʼa nehaya geeʼmo apakesamo neʼafiya yaʼapifatiʼmo neʼe.

1 Timoti 1:6

Magoʼamogimo ani alagepa kaʼmo ago atale uʼa afa gelefeʼmo ge huge afige huteʼa afa kavatefekeʼmo mono nehae.

Taitasi 1:10

Na agufa kavaʼmo huʼnayaʼmofeʼmae. Asole vayaʼmogi ge oʼafiʼa afaʼa maiʼneʼa fiku gemo huge humi apatege huʼa maiʼnayaʼmofeʼmae. Asole vayaʼmogi apakufamo lagauʼnaya vayaʼmo ani agufa kavaʼmo huʼa maiʼnae.

Yemisi 1:26

Mago vekamoʼmo hunoʼaeʼmo, mono vekamo maiʼnove, huno agesamo afiʼnisiyaʼmoʼmo avayaleʼmo alagepa huno oʼyagaino hosu gemo nehisiyana mono nehiya kavaʼamo ina agufa kavaʼmo haneʼniyanageno alagi ha oʼmaegaiye. Agaiʼaeʼmo humi neʼate.

Yemisi 2:17

Ani kavaʼmo huno mago vekamoʼmo agesamo afino fatago nehiyaʼmonanafa alagepa kavaʼmo nosisiyana agesamo afino fatago huʼniya kavaʼamo agaiʼageʼmo haneʼnigeno faligekana huno haneʼniye.

Yemisi 2:26

Mago vekamo aipafiʼmo aunemeʼamo ohaneʼnisiyana ago faliʼniye. Ani kavaʼmo huno mago vekamoʼmo agesaʼageʼmo afino fatago huteno alagepa kavaʼmo nosisiyana agesamo afino fatago huʼniya kavaʼamo faligekana huno haneʼniye.