Yemisi 2:19 - The Keyagana NT and 25 OT books

¹⁹ Kagaemo Gotifeʼmo magoke vekamo maiʼniye, huka kagesamo afika fatago huʼnana kavaʼmo kanalene. Nehanaʼmonanafa hosu apaune vayaʼmogiʼeʼmo Gotiʼa maiʼniye, huʼa apakesamo afiʼa fatago nehuʼapaeʼmo atete nehae.

Yemisi 2:19 ပူးပေါင်းရင်းမြစ်များ

Aiyeya 43:10

Ala kava neʼmoʼa hunoʼaeʼmo, Lapakaemo faigoko gemo hisaya vayaʼnimo faigoko geʼnimo hutapa hapa nepaiya vayaʼmo maiʼnae. Lapakaemo nagetetapaeʼmo nagaefeʼmo lapakesamo afita fatago hutetapaeʼmo, agaemo alagi Gotikeʼmo maiʼniye, hutapa hisayafeʼmo nagaemo lekana paiʼna lapateʼnogetapa aliʼyaʼnimo neʼaliya vayaʼmo maiʼnae. Gotiʼnamo maiʼnovaʼmofeʼmo hogoteno naulagaleʼmo alu gotiʼa oʼmaiʼniyanageno henagaʼamo nakamelegamo oʼmaigiye.

Aiyeya 45:6

Muki ma mopafi vayaʼmo yegemo haine neʼeya kotega vayaʼmogiʼe yegemo uno lamino nefaleya kotegamo maiʼnaya vayaʼmogiʼeʼmo nageʼa aeto hisayafeʼmo ani kavaʼmo huguve. Nagaemo magokeʼageʼmo Ala kava neʼmo maiʼnogeno magoʼe huno alu gotiʼmo oʼmaiʼniye, huʼa nagegae.

Yona 4:4

Ala kava neʼmoʼa hunoʼaeʼmo, Yonao, huno, Kaipamo neleya kavakamo kanale kavaʼmo nehapiye, huno afi geʼniye.

Yona 4:9

Gotiʼa hunoʼaeʼmo, Nofiʼmo falu teʼniyaʼmofeʼmo kaipamo leʼnigeka kanale kavaʼmo nehapiye, huno afi geʼnigenoʼaeʼmo, he, naipamo lusi kava huno leʼnigeʼna alagepa kavaʼmo nehuve. Afaʼa faligesuve, huno ha paiʼniye.

Matiyu 8:29

Anakaemo eʼana Yesuʼeʼmo fotu huteʼanaeʼmo, Goti mafaʼneʼamogae, huʼa, lagaetegamo na agufa kava huka latesanafeʼmo neʼane. Kayoʼmo lamisana afinaʼmo afole oʼaiʼniyanagi lagafu yaʼmo alika lamisanafeʼmo neʼapiye, huʼa afi geʼnae.

Maki 1:24

Nasalasa kotega vekamo Yesuo, huno, lagaetegamo na agufa kava hisanafeʼmo eʼnane. Alika lagoʼya faika latalegefeʼmo eʼnapiye. Afaʼa lato. Kageʼnovana Goti aote vekamo maiʼnane, huno alopa gefatiʼmo huʼniye.

Maki 12:29

Afi geʼnigenoʼaeʼmo, hogote keʼaepa gemo haneʼniyana, Isaleli vayaʼmogitapamo afiyo, huno, Ala kava neʼmo Gotitimoʼmo maiʼniye. Ala kava neʼmo magoke vekamo maiʼniye.

Maki 7:9

Goti keʼaepa gemo ataleta lapakinago vayaʼai keʼaepa gemo akame hisayafeʼmo alagepa hutapa afiʼnae, huno huʼniye.

Luki 4:34

ae, huno, Nasalasa vekamo Yesuo, huno, lagaetegamo na agufa kavaʼmo hisanafeʼmo eʼnane. Alika hano huka latesanafeʼmo eʼnapiye. Ago kageʼnovana Goti aote vekaʼamo maiʼnane, huno ha paiʼniye.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Apa 16:17

Ani aʼmafaʼnemoʼmo Poloʼe lagaeʼeʼmo lakame huno uneno nehunoʼaeʼmo alopa gefatiʼmo hunoʼaeʼmo, Ani vayaʼmogi Gotiʼa hogote vekamo anaga vekamo aliʼyaʼamo neʼaliya vayane. Gotiʼa lagufamo alino katino latesiya gemo aeʼa hakalo huʼa laha nepaiye, huno

Apa 19:15

Ani gemo huʼnagenoʼaeʼmo hosu aune vekamoʼmo hunoʼaeʼmo, Yesuʼe Poloʼeʼmo anakeʼnovana lapakaemo ina lagitapae, huno hapa paiʼniye.

Apa 24:25

Poloʼa alagepa kavafeʼmo ava gemo huno ha paige vayaʼmogimo apakaiʼapi apakufaleʼmo apamete apamete huʼa yagaisaya kavafeʼmo ava gemo huno ha paige Gotiʼa agoti huno apatesiya kavafeʼmo ava gemo huno ha paige nehigenoʼaeʼmo Filikisiʼa koli huteno, Afaʼa ateka uvo. Henagaʼamo maiʼneʼna gekamo afiguve, huʼna hisuva afinaʼmo ge hisugeka eka naha paigane, huno ha paiʼniye.

Lomu 3:30

Gotiʼa magokeʼageʼmo maiʼniyanageno Yu vayaʼmogi apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge Yu nofi vayapatiʼmo oʼmaiʼnaya vayaʼmogiʼeʼmo apakesamo afiʼa fatago nehaya kavatetiʼmo apakaefeʼmo hunoʼaeʼmo, naulagaleʼmo fatago vayaʼmo maiʼnae, huno huge hugiye.

1 Kolitiyani 8:4

Nehiyaʼmofeʼmo aigofe gotiʼapimogi afu ameʼamo neʼapamiya ofalinimo nesupi oʼnesupi ani kavafeʼmo avoʼmo kaegesuve. Aigofe gotiʼapimogimo ma mopafi ina agufa yaʼmo haneʼnigeno magoke Gotiʼa agaiʼageʼmo maiʼniyana mago alu gotigimo alagi oʼmaiʼnae, huta ago afiʼnone.

1 Kolitiyani 8:6

Maiʼnayaʼmonanafa ago afiteta ageʼnonana magoke Gotiʼa afotimoʼmo maiʼniye. Agaemo muki yaʼmo afoʼamoʼmo maiʼnigeta agaetefeʼmo afaʼa maiʼnone. Ani kavaʼmo huno magoke Ala kava netimo maiʼniye. Agaemo Yesu Kalaisiʼa maiʼnigeno Gotiʼa agaetetiʼmo muki yaʼamo alo hu maleʼniye. Lagaemo agaetetiʼmo afaʼa maisuna yaʼmo aliteta maiʼnone.

Galesiya 3:20

Magoke vekaeʼmo fikumo kaha maeʼna kamiguve, huno ha paisiyaʼmoʼmo folagapi vekamo aliʼyaʼamo ohanegaiyaʼmofeʼmo Gotiʼa Emalehamufeʼmo, fikumo kaha maegauve, huno ha paiʼniya afinaʼmo folagapi vekamo oʼmaiʼnigenoʼaeʼmo hu maleʼniye.

1 Timoti 2:5

Gotiʼa magoke vekamo maiʼnigeta lagaemo maiʼnonanageno agaeʼeʼmo magokepi lokaeta maisunafeʼmo ani magoke vekamo folagapi vekamoʼmo Kalaisi Yesuʼa vayaʼmo maiʼniye.

Yemisi 2:8

Lapakaemo Gotiʼmo yagaino neʼapateya kini vekatapimo Goti keʼaepa geʼamo mukufiʼmo haneʼniya keʼaepa geʼamo akame nehisayana alagepa kavaʼmo nehae. Ani gemoʼa hunoʼaeʼmo, lapakaitapieʼmo lapau lapayamopafiʼmo lapauʼniya kava hutapa lapaopaleʼmo neʼmaiya vayaʼaifeʼmo lapau lapayamopafiʼmo lapaino, huno huʼniye.

Yuti 1:4

Mago vayaʼmogimo Gotifeʼmo alagepa huʼa mono nosaya vayaʼmo kesi katetiʼmo eʼa lagae folagapiʼmo afole aiʼnae. Apakaemo hapaʼye nehigeʼa kumai kavaʼmo hisayafeʼmo Goti geʼamoʼmo fikumo laha maeno nelamiya kavafeʼmo ava gemo aliʼa afe leʼa alu gemo nehae. Magoke vekamo yagaino neʼapateya Ala kava netimo Yesu Kalaisifeʼmo apakameʼyamo amiʼnae. Akeyaʼvilagamo Gotiʼa ani kavatefeʼmo lekana pai maleʼniyana agoti huʼna apateteʼna kayoʼmo apamiguve, huno hu maleʼniye.

Yuti 1:6

Gotiʼa mago enisole vayaʼmo aliʼyaʼmo apamiʼnigeʼapaeʼmo yagaiʼnaya aliʼyaʼapimo atalege maiʼnaya koʼapimo atalege huʼnagenoʼaeʼmo Gotiʼa apatafauno hanege hanege huno hanesiya seli nofitetiʼmo kino apateteno alopa agotimo huno apatesiya afinafeʼmo malaga hani kopiʼmo apateʼnigeʼa maiʼnae.

Leveleseni 20:10

Nevoʼmo apayate aliʼniya vekamo yafapiʼmo neleya sofa ata kotupiʼmo alino yaga auno ataleʼniye. Afela afuʼe aigofe aune vekaʼeʼmo maiʼnaʼa kopiʼmo alino yaga auno ataleʼniye. Apakaemo felugaʼe haniʼilagaʼeʼmo alagi apakafu kino hano osuno apakafu kige kige huno maigiye.