Yemisi 2:15 - The Keyagana NT and 25 OT books

¹⁵ Mago konagatapimoʼmofi lapasatapimoʼmofi huno kukena yaʼaʼe neʼyaʼaʼeʼmo ohaneʼnisigetapaeʼmo,

Yemisi 2:15 ပူးပေါင်းရင်းမြစ်များ

Aiyeya 58:10

apaka teʼnisiya vayaʼmo neʼyaʼmo apamige kafu hisaya vayaʼmo fikumo hapa maeta apamige hisayaʼmoʼmo hanipiʼmo hale yatapimo aeno halegaiye. Hani yatapimo alino hano huno ata lesigeno felugagana huno ha le yatapimo afole aigiye.

Aiyeya 58:7

Lapakaemo apaka tesiya vayaʼmo neʼyaʼmo apamige kagemi yaʼapimo ohaneʼnisiya vayaʼmo havaesaya noʼmo ohaneʼnisiyaʼmoʼmo apavaleliteta notapifiʼmo apatege kukena yaʼapimo ohaneʼnisiya vayaʼmo kukena yaʼmo apamige lapakaemo magoke kolaʼmogimo kana yaʼmo alisaya afinaʼmo lapakameʼyamo oʼapamita hapa maege hisaya kavafeʼmo nahauʼniye. Hosu kavanagetapa konagatapimogi olapakesayafeʼmo fala kita neʼmaiye.

Maki 14:7

Kagemi yaʼapimo ohaneʼniya vayaʼmo muki afinaʼmo lapakaeʼeʼmo lokaeʼa neʼmaiyaʼmofeʼmo lapaisiya afinaʼmo apakaemo alagepa hutapa hapa maegayaʼmonanafa nagaemo muki afinaʼmo lapakaeʼeʼmo lokaeʼna oʼmaiguve.

Luki 3:11

lole siyotimo aliʼnisiya vekamoʼmo mago oʼaliʼnisiya vekamo afaʼa amigiye. Neʼyaʼmo aliʼnisaya vayaʼmogimo ani kavakeʼmo huʼa apamigiye, huno hapa paiʼniye.

Apa 9:29

Soloʼa koli osuno lokiya gemo huno Ala kava neʼmo Yesu agiʼalefeʼmo aeno hakalo huno hapa paiʼniye. Galiki apakemo neʼaiya Yu vayaʼeʼmo ge huge afige huʼa maiʼneʼa hapa paiʼnigeʼapaeʼmo amagisayafeʼmo huʼnae.

Himulu 11:37

Yafa kayotetiʼmo apamagige sotetiʼmo apakufamo aliʼa vasagaliʼa atalege hosu kavaʼmo hisayafeʼmo apamalageka huge naipeletiʼmo apaiʼa kiʼa apatege huʼnae. Kukena yaʼapimo ohaneʼnigeʼa sipisipi agufamo aliʼa vaiʼa alige meme agufamo aliʼa vaiʼa alige huteʼa umenitata huʼnae. Kagemi yaʼapimo alagi ohaneʼnigeʼapaeʼmo apaini huʼa apateteʼa apakaetegamo hosu kavaʼmo huʼnae.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

1 Yoni 3:17

Atalegaunaʼmonanafa mago vekamoʼmo hapa maesiya yaʼamo haneʼniya vekamoʼmo agesiyana mago konagaʼamoʼmo kafu huʼnisigeno agetenoʼaeʼmo hau huno ateteno oʼamiʼnisiyana Gotiʼa hau ayamopafiʼmo hauʼniya kavaʼamo aipafiʼmo haneʼnifiye.