Yemisi 2:12 - The Keyagana NT and 25 OT books

¹² Gotiʼa hatu maeno lapateʼniya keʼaepa geʼaletiʼmo alino fako huno lapategaiyaʼmofeʼmo alagepa gemo huge alagepa kavaʼmo huge hiyo.

Yemisi 2:12 ပူးပေါင်းရင်းမြစ်များ

Luki 4:18

Agaemo kagemi yaʼmo oʼaliʼnisaya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna emineʼna hosu kavaʼapieʼmo apaipamo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapategauve, huʼna hapa paige apaulagamo ali huʼniya vayaʼaifeʼmo huʼnaeʼmo, agetapa ayakeyo, huʼna hapa paige aliʼa afepi apateteʼa huʼa apami neʼmalaya vayaʼmo hatu maeʼna apatege

Yoni 8:32

Lama geʼamo afitapa aeto hisageno lama geʼaletiʼmo hatu maeno lapatesigetapa afa vayaʼmo maigae, huno hapa paiʼniye.

Galesiya 6:2

Konagatapimogimo neʼaliya kana yaʼmo alita hapa maegeʼapao Kalaisi muki keʼaepa geʼamo ago akame hugayanagi.

Filipai 4:8

Konagaʼnimogitapae, huʼna, geʼnimo huʼna hano hisuvafeʼmo huʼnaeʼmo, lapakaemo muki alagepa kavaʼe ala apakiʼapimo neʼapamiya kavaʼefeʼmo lapakesamo afifi hutapa maiyo. Lama ge kavanagi ani kavatefeʼmo agiʼaleʼmo aliʼa asaga huʼa neʼataya kavanagi fatago kavanagi oʼaniʼya ofaiʼniya kavanagi kanale kavanagi ala agiʼamo haneʼniya kavanagi hutapa lapakesa afifi hutapa maiyo.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

Yemisi 1:25

Age nekaniyaʼmonanafa mago vekamoʼmo Goti keʼaepa geʼamoʼa uno haino hapaiʼniya kanale geʼaletiʼmo hatu maeno neʼapateya geleʼmo aulu heno ageʼniya geeʼmo age okanino agesamo afifi huno akame nehisiyana kanale hugiye. Muki kavaʼamo nehisigenoʼaeʼmo Gotiʼa alino auleno ategaiye.

Yemisi 2:8

Lapakaemo Gotiʼmo yagaino neʼapateya kini vekatapimo Goti keʼaepa geʼamo mukufiʼmo haneʼniya keʼaepa geʼamo akame nehisayana alagepa kavaʼmo nehae. Ani gemoʼa hunoʼaeʼmo, lapakaitapieʼmo lapau lapayamopafiʼmo lapauʼniya kava hutapa lapaopaleʼmo neʼmaiya vayaʼaifeʼmo lapau lapayamopafiʼmo lapaino, huno huʼniye.