Yemisi 1:9 - The Keyagana NT and 25 OT books

⁹ Apaki ohaneʼniya konagatimogi apakiʼapileʼmo Gotiʼa alino asagauno apateʼniya kavafeʼmo apamogaga aiyo.

Yemisi 1:9 ပူးပေါင်းရင်းမြစ်များ

Samu 62:9

Apaki ohaneʼnisiya vayaʼmo afa vayaʼmo maiʼnae. Apaki haneʼnisiya vayaʼmo aigofe vayaʼmo maiʼnae. Sigelileʼmo asaisunagenoʼaeʼmo kanaʼapimo ohanegaiye.

Mai'naya kavane 17:5

Mago vekamoʼmo kagemi yaʼamo ohaneʼniya vekaeʼmo huno faipa huno neʼatesiyaʼmoʼmo kagemi yaʼamo ohaneʼniya vekamo alo huno ateʼniya vekaʼeʼmo huno faipa huno ateʼniye. Mago vekamoʼmo agesiyana alu vekamoʼmo hanageke yaʼmo alisigeno agetenoʼaeʼmo amogaga aisiyaʼmoʼmo kayoʼmo amisigenoʼaeʼmo faino kasalo opaegaiye.

Mai'naya kavane 19:1

Kagemi yaʼamo ohaneʼniya vekamoʼmo fatago kavaʼmo nehisiyaʼmoʼmo agaemo hosu gemo nehiya negi vekamo aeno aga segaiye.

Luki 1:52

Agaemo lokiya vayaʼmo yagaiʼa neʼapataya vayaʼmo alino afepi apateteno ina agufa vayaʼmo alino asagauno neʼapate.

Luki 10:20

Himamuʼnimo ago aliʼnayaʼmofeʼmo hosu apaune vayaʼmogi getapimo afiʼnaya kavafekeʼmo lapamogaga oʼaita Gotiʼa kokuʼnapi haneʼniya mukufiʼmo lapakitapimo avoʼmo ago kae maleʼniya kavafekeʼmo ago lapamogaga aiyo, huno hapa paiʼniye.

Luki 14:11

Muki vayaʼmogimo apakaiʼapi apakiʼapileʼmo aliʼa asaga nehisayaʼmoʼmo Gotiʼa apakiʼapileʼmo alino afepi apategaiye. Mago vayaʼmogimo apakaiʼapi apakiʼapileʼmo aliʼa afepi neʼatesayaʼmoʼmo Gotiʼa apakiʼapileʼmo alino asaga huno apategaiye, huno hapa paiʼniye.

Luki 9:48

Apakaefeʼmo hunoʼaeʼmo, ina lagimo nagaetefeʼmo mani agufa aise mafaʼnemo aliʼa falu fala huʼa neʼatesafi ina kavaʼmo huʼa aliʼa falu fala huʼa neʼnatae. Ina lagimo aliʼa falu fala huʼa neʼnatafi ina kavaʼmo huʼa alino nateʼnigeʼna emiʼneʼnova vekaʼeʼmo aliʼa falu fala huʼa neʼatae. Lapakaepatiʼmo mago henagamo maiʼnisiya vekamoʼmo hogote vekamo maigiye, huno hapa paiʼniye.

Lomu 8:17

Goti mafaʼneʼamo maiʼnonaʼmofeʼmo Afotimo yaʼamo alisunafeʼmo mafaʼneʼamo maiʼnone. Kalaisiʼeʼmo Afotimo yaʼmo aligune. Lagaemo agaeʼeʼmo magokepi kana yaʼmo neʼalisunana agaeʼeʼmo ha le konali yaʼamo magokepi aligune.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

Filipai 3:14

Gotiʼa anaga kotegamo uʼna haiʼna maisuvafeʼmo Kalaisi Yesutetiʼmo nagaefeʼmo keya aeʼnigeʼna atupaleʼmo uʼna avaʼyi huteʼna hetamaʼnimo alisuvafeʼmo nayamukiki huʼna nagu nagu huʼna neʼuve.

Filipai 3:3

Huʼnayaʼmonanafa lama ge alagena yaʼmo oʼaliʼnae. Lagaemo lama ge alagena yaʼmo laipafiʼmo aliteta Goti Aunemeʼaletiʼmo Gotifeʼmo mono huge Kalaisi Yesufeʼmo alopa gefatiʼmo huta lamogaga aige huta maiʼnonaʼmonanafa lagufaeʼmo lagesamo afiteta alita amufa oʼamiʼnone.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.

Leveleseni 2:9

Lapakeʼnovana aliʼyatapimogi kana yaʼmo neʼaliya kavatapigi kafu nehaya kavatapimogi huʼna ago lapakeʼnove. Kafu huʼnayaʼmonanafa kagemi yatapimo haneʼniya vayaʼmo maiʼnae. Huʼa faipa huʼa nelapataya vayaʼmogimo, Yu vayaʼmo maiʼnone, huʼa nehayaʼmonanafa Yu vayaʼmo oʼmaiʼnae. Yu mono kavaʼmo osuʼa Satani mono kavakeʼmo nehageʼna apakeʼnove.

1 Samiyo 2:8

Ma mopamo faino ateʼniya posimo Ala kava neʼmo posi yosamo haneʼniye. Agaemo ma mopamo mani posileʼmo faino ateʼniyaʼmofeʼmo kagemi yaʼapimo ohaneʼniya vayaʼmo mumusopafatiʼmo alino asagauno apatege neʼyafeʼmo aukaya nehaya vayaʼmo laʼnefafatiʼmo alino asagauno apatege nehiyanageʼa ala apaki aliteʼa yagaiʼa apatesayafeʼmae.