Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yemisi 1:26 - The Keyagana NT and 25 OT books

26 Mago vekamoʼmo hunoʼaeʼmo, mono vekamo maiʼnove, huno agesamo afiʼnisiyaʼmoʼmo avayaleʼmo alagepa huno oʼyagaino hosu gemo nehisiyana mono nehiya kavaʼamo ina agufa kavaʼmo haneʼniyanageno alagi ha oʼmaegaiye. Agaiʼaeʼmo humi neʼate.

အခန်းကိုကြည့်ပါ။ ကော်ပီ




Yemisi 1:26
37 ပူးပေါင်းရင်းမြစ်များ  

O Ala kava nene, huʼna, kagaemo navayaleʼmo alagepa huka yagaika nato. Geʼnileʼmo alagepa huka yagaika nategeʼnao hosu gemo osino.


Hosimogi apakesamo oʼafiʼnageʼa vayaʼmogigeʼmo geʼapimo afisayafeʼmo apavayafiʼmo aenimo ateteʼa nofi aeteʼa yagaiʼa apateʼneʼa aliʼa api aiʼa neʼapatae. Hosigana hutapa oʼmaiyo.


Inagi lapauʼnisiyana hosu gemo osuge aigofe gemo osuge hisayafeʼmo alagepa huta yagaitapa lapateyo.


Asole gemo nehiya vekamoʼmo geʼafatiʼmo hosu kavaʼmo afole aigiyaʼmonanafa afiteno neʼageya vekamoʼa avayamo aino akani malegaiye.


Fatago vayaʼai apavayafatiʼmo afiteʼa neʼagaya gemo afole neʼaiyaʼmonanafa hosu vayaʼai apavayamo lagauno atalegaiye.


Mago vayaʼmogimo alagepa kateʼmo neʼune, huʼa apakesamo neʼafiyaʼmonanafa vayaʼmo faliʼa uʼa neʼmaiya kotegageʼmo uʼa avaʼyi hugae.


Afiteno ageʼniya vekamoʼmo afino aeto huʼniya gemo nehigeʼapaeʼmo afisayafeʼmo nehapaiyaʼmonanafa negi vayaʼmogimo apavayaʼaletikeʼmo negi gemo nehageno aniʼmo uno lamigekana huno uno nelamiye.


Kini vayaʼmogimo Goti lokiyaʼaletiʼmo ge nehayaʼmonanafa fiku yanageʼa alagepa huʼa aliʼa fako osuʼa hosu gemo hugae.


Mago vayaʼmogimo, alagepa kateʼmo neʼune, huʼa apakesamo neʼafiyaʼmonanafa faliʼnaya vayaʼmo uʼa neʼmaiya kotegageʼmo uʼa avaʼyi hugae.


Kagemi yaʼamo ohaneʼniya vekamoʼmo fatago kavaʼmo nehisiyaʼmoʼmo agaemo hosu gemo nehiya negi vekamo aeno aga segaiye.


Muki afinaʼmo mago yaʼmo alisiyafeʼmo haʼye nehiyaʼmonanafa fatago vekamoʼmo muki yaʼamo agegeno noʼmalefa fikumo alino neʼapamiye.


Magoʼe hutapa afa ofalinimo alinitetapa oʼnamiyo. Mono nehutapaeʼmo alagepa atumo neʼaiya yaʼmo nekaya kavafeʼmo alagi oʼnahaiye. Lapakaemo saufa kaileʼmo mono huge Sapati afinaʼmo mono huge alita anupa hutapa maige nehaya kavaʼmo magoʼe hutapa hisayafeʼmo alagi oʼnahaiye. Mono nehutapaeʼmo hosu kavaʼmo nehayaʼmofeʼmo alagi oʼnahaiye.


lapakaemo aliʼyaʼnimo neʼaliya aliʼyafeʼmo, afa aliʼyaʼmo neʼalune, hutapa nehae. Mono keʼaepa geʼamo akame huʼnonaʼmonanafa akamelegaʼamo na agufa yaʼmo aligune. Ala kava neʼmoʼa muki vayaʼaiteʼmo yagaino neʼapateya vekamo aulagaleʼmo yulagefa aiʼnonaʼmonanafa na agufa yaʼmo aligune.


Nagaefeʼmo fikumo mono nehae. Aliʼa apaya neʼmalaya gemo ma mopafi geʼageʼmo haneʼniye, huno avoʼmo kae maleʼniye, huno hapa paiʼniye.


Nagaefeʼmo fikumo mono nehae. Vayaʼmogimo afisayafeʼmo ma mopafi vayaʼai keʼaepa gemo aliʼa apaya neʼmalae, huno avoʼmo kae maleʼniye.


Aliʼnisaya vayaʼmo magoʼe huno apamigiyaʼmonanafa oʼaliʼnisaya vayaʼmogimo aliʼnone, huʼa apakesamo neʼafisaya vayaʼmogi yaʼmo hapa faleno aligiye. Aligiyaʼmofeʼmo ehetapiye, huʼna Goti geʼamo neʼafitapaeʼmo, haiya agufa kava huʼna neʼafufi, hutapa alagepa huta lapakesamo afiyo.


Magoʼe gemo haneʼniye. Alino he tino oʼateʼniyesinana lagaemo Gotifeʼmo, Kalaisiʼa alino he tino ateʼniye, huta nehuna faigoko gemo Gotifeʼmo aigofe faigoko gemo nehuna vayaʼmo maiʼnonesine. Faliʼnaya vayaʼmo henagaʼamo he otigaesinana Kalaisiʼa alino he tino oʼateʼnigeta lagaemo aigofe vayaʼmo maiʼnonesine.


Lapa paiʼnova gemo oʼataletapa atafauta alagi hutapa neʼmaisayaʼmoʼmo Gotiʼa Kalaisifeʼmo alagepa faigoko geʼaletiʼmo lapakufamo alino katino lapateʼniye. Ataleʼnisayana fikuʼageʼmo lapakesamo afita fatago huʼnae.


Lapakaitapieʼmo humi olapateyo. Lapakaepatiʼmo mago vekamoʼmo ma mopafi vayaʼmogi afiteʼa ageʼnaya agufa gemo afitenoʼaeʼmo, ageteʼna afiʼnova vekamo maiʼnove, huno agesamo neʼafisiyana ageteno afiʼniya geʼamo ataleteno, negi vekamo maiʼnove, huno hino. Huno hisiyana lama geleʼmo ageteno afiʼniya vekamo hamalegaiye.


Mago vayaʼmogi ala apakiʼapimo aliʼnayaʼmonanafa afaʼa ina agufa yane, huʼna huteʼna ani apakiʼapieʼmo nagesamo noʼafuve. Gotiʼa aliʼnaya apakiʼapilefenagi apakufalefenagi huno agesamo noʼafiye. Ani ala apaki vayaʼmogimo magoʼe gemo aliʼa naya oʼmaleʼnayaʼmonanafa


Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.


Kanamo aliʼnageno Gotiʼa alagepa huno lapa maeʼniya kavaʼmo afa kavaʼmo haneʼninageno alagamo oʼaeʼnisifiye. Nagesa afuvana alagamo ago aeʼnegaiye.


Mago vekamoʼmo hunoʼaeʼmo, ala nagi vekamo maiʼnove, huno agesamo neʼafisiyana ina agufa vekamo maiʼniyaʼmofeʼmo agaiʼaekeʼmo humi neʼate.


Alino hosu huno apatesiya agufa gemo osutapa hapa maesiya agufa gemo lokiya vaino apatesiya gemo alagepa huʼa oʼafiʼnisaya gemo hapa paigenoʼao alino alagepa huno apateno.


Alino oʼaniʼya faino neʼapateya agufa gemo osuge negi nagi gemo osuge hosu kigi yokalo gemo osuge hutapa maiyo. Goti mafaʼneʼamogi nosaya agufa gemo haneʼniyanagi ani agufa gemo osutapa Gotifekeʼmo hao ke heyo.


Haga gemo nehane, huʼa hisayafeʼmo ge hugefeʼmo alagepa geʼageʼmo hiyo. Geʼapileʼmo aeta atagaina hutapa hapa paisayafeʼmo alagepa huta lapakesamo afitetapa hapa paiyo.


Nahauʼniya konagaʼnimogitapae, huʼna, geʼaletiʼmo alino lapateʼniyaʼmofeʼmo mukiʼamogitapamo geʼamo afisayafeʼmo lapayamukiki hutapa afiyo. Gemo hisayafeʼmo vase vase hutapa ge hiyo. Lapaipamo lesiyafeʼmo vase vase huno lapaipamo leno.


Goti geʼamo fikumo afisayana lapakaitapieʼmo humi lapategayanagi fikumo oʼafitapa alagepa huta afitetapa akame hiyo.


Negi vekae, huʼna, kagesamo afika fatago huʼnanaʼmonanafa alagepa kavaʼmo nosanaʼmofeʼmo kagesamo afika fatago huʼnana kavakamo faligekana huno haneʼniye, huʼna aliʼna kave lisufiye.


Ani kavatefeʼmo Goti mukufi gemoʼmo hunoʼaeʼmo, Alagepa huta maiʼneta lamogaga aisunafeʼmo lahauʼniye, huʼa nehisaya vayaʼmogimo ani agufa kavaʼmo huʼa maisayafeʼmo hosu gemo osuge aigofe gemo osuge huteʼa alagepa huʼa yagaiyo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ