Yemisi 1:25 - The Keyagana NT and 25 OT books

²⁵ Age nekaniyaʼmonanafa mago vekamoʼmo Goti keʼaepa geʼamoʼa uno haino hapaiʼniya kanale geʼaletiʼmo hatu maeno neʼapateya geleʼmo aulu heno ageʼniya geeʼmo age okanino agesamo afifi huno akame nehisiyana kanale hugiye. Muki kavaʼamo nehisigenoʼaeʼmo Gotiʼa alino auleno ategaiye.

Yemisi 1:25 ပူးပေါင်းရင်းမြစ်များ

Samu 106:3

Geʼamo afiteʼa muki afinaʼmo akame huʼa alagepa kavaʼmo nehaya vayaʼmogimo Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 119:32

Magoʼe huka naipa nagesamo namisanageʼnaeʼmo nagu nagu huʼna gekamo hiyo, huka laha paiʼnana gemo akame huʼna huguve.

Samu 119:45

Namiʼnana gekamo afisuvafeʼmo kahauya nehuvaʼmofeʼmo kalavusifiʼmo oʼmaiʼna afaʼa maiguve.

Mai'naya kavane 14:15

Alagepa huno oʼafiʼniya vekamoʼmo muki geʼapieʼmo lama geʼageʼmo haneʼniye, huno nehiyaʼmonanafa alagepa kavaʼmo hisiyafeʼmo ageʼniya vekamoʼmo nehiya kavaʼaeʼmo alagepa huno agesamo neʼafiye.

Luki 11:28

Yesuʼa hunoʼaeʼmo, lama gemo nehanaʼmonanafa Goti geʼamo afiteʼa akame nehaya vayaʼmo alino auleno apateʼniye, huno ha paiʼniye.

Yoni 13:17

Lapakaemo ani gemo afita alagepa huʼnetapa ani kavaʼmo nehisayana Goti aulagaleʼmo alagepa hutapa maiʼnayanagetapa afaʼa lapamogaga aigae.

Yoni 8:36

Goti Mafaʼneʼamokeʼmo hatu maeno lapatesigetapa alagi afa vayaʼmo maigae.

Apa 13:43

Aliʼa anupa huʼa maiʼnaya vayaʼmogimo afiʼnayana ani gemo aino atagu faeʼnigeʼa afiteʼa asole Yu vayaʼe alu nofi vayaʼmogi Yu mono gemo neʼafiya vayaʼmogiʼeʼmo Poloʼe Manamasiʼeʼmo anakame huʼnageʼanaeʼmo, Gotiʼa fikumo hapa maeno neʼapamiya kavafeʼmo ava gemo oʼataletapa atafauta alagi hutapa maime maime viyo, huʼana hapa paiʼnaʼageʼapaeʼmo, ani kavaʼmo hugune, huʼa apakesamo afiʼnae.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Apa 26:22

Gotiʼa alagepa huno naha maeme naha maeme eʼnigeʼna apaki haneʼniya vayaʼe apaki ohaneʼniya vayaʼefeʼmo aeʼna hakalo huʼna hapa paiʼna maiʼnove. Gotitegati gemo alini eʼa aeʼa hakalo huʼa hapa nepaiya vayaʼmogiʼe Moseseʼeʼmo huʼapaeʼmo, ani kavaʼmo afole aigiye, huʼa hapa paiʼnaya agufa geʼageʼmo huʼna hapa paime hapa paime eʼna maiʼnove.

Lomu 11:22

Gotiʼa ani kavaʼmo huʼniyaʼmofeʼmo yuna aipamo kalino nelapateya kavaʼaʼe lokiya aipamo kalino neʼapateya kavaʼaʼefeʼmo lapakesamo afiyo. Agaemo asagauʼa aiʼnaya vayaʼaifeʼmo lokiya aipamo kalino neʼapateyaʼmonanafa lapakaefeʼmo yuna aipamo kalino nelapate. Lapakaemo yuna aipamo kalino nelapateya kavaʼafiʼmo maime maime neʼvisayana yuna aipamo kalino lapategaiyaʼmonanafa atalesayaʼmoʼmo Gotiʼa ani kava huno lapakaeʼeʼmo alino lo aeno lapatalegaiye.

Lomu 2:13

Gotiʼa keʼaepa geʼamo fikumo afiʼnaya vayaʼaifeʼmo, naulagaleʼmo fatago vayaʼmo maiʼnae, huno nosifa keʼaepa geʼamo afiteʼa akame nehaya vayaʼaifekeʼmo, naulagaleʼmo fatago vayaʼmo maiʼnae, huno nehiye.

Lomu 7:12

Inagi muki keʼaepa gemo aote gemo haneʼnigeno magoke magoke keʼaepa gemoʼa ma kavaʼmo hiyo ina kavaʼmo osiyo, huno huʼniya gemoʼa aote gemo hanege fatago gemo hanege alagepa gemo hanege huʼniye.

Lomu 8:15

Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

Lomu 8:2

Na kava hinagenoʼaeʼmo agoti huno lateteno falisuna agufa kayoʼmo olamigiye. Keʼaepa gemoʼa hosu kavaʼe nefali kavaʼeʼmo alino afole aino neʼateyaʼmonanafa Kalaisi Yesupiʼmo maiʼnonagenoʼaeʼmo Goti Aunemeʼamoʼmo afaʼa maisuna yaʼmo nelamiya Aunemeʼamoʼmo alagepa faigoko geʼaletiʼmo keʼaepa gefatiʼmo ago hatu maeno nateʼniye.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

2 Kolitiyani 13:5

Lapaipa lapakesafiʼmo alita fako hutapa lapaketapaeʼmo, Kalisitini vayaʼmo maiʼneta lagesamo afita fatago huʼnopi osuʼnopi, hutapa lapamalageka hutapa lapakeyo. Lapakaitapimo lapamete lapamete hutapa alita fako hutapa lapakeyo. Yesu Kalaisiʼa laipafiʼmo neʼmaiye, hutapa oʼageʼnafiye. Lapaipafiʼmo oʼmaiʼnisiyana uta haitapa ohapaiʼnafa uta haita metaleʼnae.

Galesiya 2:4

mago vayaʼmo aigofe konagatimogimo agufamo lagausayafeʼmo hapauʼniye. Ani vayaʼmo kesi katetiʼmo lamata huliʼa eʼa alita anupa huta maiʼnona vayapiʼmo eʼa maiʼnae. Kalaisi Yesuʼa hatu maeno lateʼnigeta agaepiʼmo afa vayaʼmo maiʼnonageʼapaeʼmo kalavusi huʼa lateteʼa keʼaepa gemo afeʼalumelagamo aliʼa latesayafeʼmo eʼa lamata huʼa maiʼnayaʼmonanafa

Galesiya 5:1

Kalaisiʼa afa vayaʼmo maisunafeʼmo hatu maeno lateʼnigeta afa vayaʼmo maiʼnonaʼmofeʼmo ani kava huta lokiya vaita afa vayakeʼmo maigetao. Keʼaepa gemo afeʼalumelagamo aliʼa lapatesayafeʼmo nehayanagi halate kana huʼniya aliʼyaʼmo alitetapa kalavusifiʼmo oʼmaiyo.

Galesiya 6:2

Konagatapimogimo neʼaliya kana yaʼmo alita hapa maegeʼapao Kalaisi muki keʼaepa geʼamo ago akame hugayanagi.

Kolosi 1:23

He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.

1 Timoti 2:15

Amagino ataleʼniyaʼmofeʼmo aʼnemogi apakesamo afiʼa fatago huge hapau apayamopafiʼmo hapauge apaote kavaʼmo huge vayaʼmogi apakesayafeʼmo apamoʼya aige huʼa maime maime neʼvisagenoʼaeʼmo Gotiʼa mafaʼneʼamo alino ateʼnigeno emineʼniya kavatetiʼmo apakufamo alino katino apateteno hapau vaigiye.

1 Timoti 4:16

Kagaikaleʼmo alagepa huka yagaiʼneka alika apaya neʼmalana kavateʼmo yagaiyo. Yagaime yagaime neʼukaeʼmo kagaika kagufamo alika katika kateteka gekamo neʼafiya vayaʼai apakufamo alika katika apategane.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Yemisi 2:12

Gotiʼa hatu maeno lapateʼniya keʼaepa geʼaletiʼmo alino fako huno lapategaiyaʼmofeʼmo alagepa gemo huge alagepa kavaʼmo huge hiyo.

1 Pita 2:16

Lapakaemo keʼaepa gemo afeʼalumelaga oʼmaita afa vayaʼmo maiʼnayaʼmofeʼmo hosu kavaʼmo hisaya vayaʼmo oʼmaitapa Goti aliʼyaʼamo neʼaliya vayaʼageʼmo maiyo.

1 Yoni 2:24

Ani gemo haneʼniyaʼmofeʼmo lapakaemo hogotetapa aepa faitapa afiʼnaya afinatetiʼmo afiʼnaya gemo lapaipafiʼmo alagi hanesiyafeʼmo atafauta alagi hiyo. Aepa faitapa afiʼnaya afinatetiʼmo afiʼnaya gemo lapaipafiʼmo alagi haneʼnisiyaʼmoʼmo Mafaʼneʼafiʼe Afoʼamopiʼeʼmo alagi maigae.

Leveleseni 14:13

Inagi afiʼnovana mago vekamoʼmo kokuʼnapatiʼmo ge hunoʼaeʼmo, Avoʼmo kao. Ani afinatetiʼmo Ala kava nepiʼmo maiʼneʼa falisaya vayaʼmogimo Goti aulena vayaʼamo maiʼnae, huno huʼnigeno Goti Aunemeʼamoʼmo hunoʼaeʼmo, he, faliteʼapaeʼmo alagepa kavaʼmo huʼnaya anonaʼapimo aliniʼa ugayaʼmofeʼmo lokiya aliʼyaʼapimo ataleʼa maiʼa haga legae, huno huʼniye.

Leveleseni 22:14

Gotiʼa ani kavaʼmo hiyo, ina kavaʼmo osiyo, huno huʼniya gemo akame nehaya vayaʼmogimo Goti aulena vayaʼamogimo taoni lafi kate kipatetiʼmo uʼa haiʼa afaʼa neʼmaiya yaʼmo neʼapamiya yosa alagamo negae.

1 Samiyo 12:14

Lapakaemo Ala kava nefeʼmo koli hutetapa aiyafiʼmo maiʼnetapa geʼamo akame hutetapa Ala kava neʼmo keʼaepa gemo amagita oʼataleʼnisayaʼmoʼmo lapakaeʼe yagaino lapateʼniya kini vekatapiʼeʼmo Ala kava neʼmo Gotitapimoʼmo akame hutetapaeʼmo alagepa hutapa maigae.