Yemisi 1:19 - The Keyagana NT and 25 OT books

¹⁹ Nahauʼniya konagaʼnimogitapae, huʼna, geʼaletiʼmo alino lapateʼniyaʼmofeʼmo mukiʼamogitapamo geʼamo afisayafeʼmo lapayamukiki hutapa afiyo. Gemo hisayafeʼmo vase vase hutapa ge hiyo. Lapaipamo lesiyafeʼmo vase vase huno lapaipamo leno.

Yemisi 1:19 ပူးပေါင်းရင်းမြစ်များ

Mai'naya kavane 10:19

Asole gemo nehiya vekamoʼmo geʼafatiʼmo hosu kavaʼmo afole aigiyaʼmonanafa afiteno neʼageya vekamoʼa avayamo aino akani malegaiye.

Mai'naya kavane 13:3

Avayaleʼmo alagepa huno neʼyagaiya vekamo alagepa huno maigiyaʼmonanafa asole gemo nehiya vekamo alagepa huno oʼmaigiye.

Mai'naya kavane 14:17

Malage huno aipamo neleya vekamoʼmo negi kavaʼmo nehiye. Gotiʼa hosu aliʼyaʼmo neʼaliya vekaeʼmo alagi ohauʼniye.

Mai'naya kavane 14:29

Malage huno apaipamo noleya vayaʼmogi afiʼa aeto nehayaʼmonanafa malage huno apaipamo neleya vayaʼmogi negi nagi kavaʼmo agiʼaleʼmo aliʼa asaga huʼa neʼatae.

Mai'naya kavane 15:18

Malage huno aipamo neleya vekamoʼmo kaveta hisaya agufa kavaʼmo alino afole aino neʼateyaʼmonanafa vase huno aipamo neleya vekamoʼmo apaipamoʼmo falu hisiya agufa kavaʼmo alino afole aino neʼate.

Mai'naya kavane 15:2

Afiteno ageʼniya vekamoʼmo afino aeto huʼniya gemo nehigeʼapaeʼmo afisayafeʼmo nehapaiyaʼmonanafa negi vayaʼmogimo apavayaʼaletikeʼmo negi gemo nehageno aniʼmo uno lamigekana huno uno nelamiye.

Mai'naya kavane 16:32

Malage huno aipamo noleya vekamoʼmo lokiya vekamo ago aeno aga seʼniye. Ani kavaʼmo huno aipa agesaleʼmo alagepa huno yagaino neʼateya vekamoʼmo lokiya vaino kamemo huno aeno apaka seno taonimo aliʼniya vekamo ago aeno agaseʼniye.

Mai'naya kavane 17:14

Mago vekamoʼmo aniʼmo eno haine neʼeya kateʼmo aeno akani maleʼniya mopamo alino atalesigenoʼaeʼmo aniʼmo uno nelamisigenoʼaeʼmo halate aeno oʼakanisiya kava huno mago vekamoʼmo kavetamo alino aepa nefaiye. Nefaiyaʼmofeʼmo kavetamo aliʼa aepa faiʼa osisayafeʼmo apaipamo alitapa falu hiyo.

Mai'naya kavane 17:27

Afiʼniya vekamoʼmo gemo hugefeʼmo asole gemo nosiye. Afino aeto huʼniya vekamoʼmo malage huno aipamo nole.

Mai'naya kavane 18:13

Mago vekamoʼmo ha paiʼniya gemo alagepa huno oʼafiʼneno malage huno geʼapileʼmo aeno atagaina huno hisiyaʼmoʼmo negi gemo hugiyaʼmofeʼmo avagage hugiye.

Mai'naya kavane 18:21

Apavayafatiʼmo nehaya geʼapimoʼmo afaʼa maisaya yaʼmo alino apamige falisaya yaʼmo alino apamige nehiye. Alagepa geeʼmo nehapaisiya vayaʼmo alagepa huʼa maigayaʼmonanafa hosu geeʼmo nehapausiya vayaʼmo alagepa huʼa oʼmaigae.

Mai'naya kavane 19:11

Afiteno ageʼniya vekamoʼmo malage huno aipamo olegaiye. Ala agiʼamo haneʼniya kavaʼmo haneʼniyana agaetegamo hosu kavaʼmo hisaya vayaʼmo afaʼa apakeno apatalegaiye.

Mai'naya kavane 19:19

Vayaʼmogi lusi kava huno aipamo neleya vekamo kayoʼmo amigae. Kagaemo mago afinaʼmo ha maeʼnisanaʼmoʼmo halate magoʼe huka ha maesana afinaʼmo afole aino.

Mai'naya kavane 21:23

Avayaleʼe avenafuʼnaleʼeʼmo yagaino neʼatesiya vekamoʼmo hanageke yaʼmo oʼaligiye.

Mai'naya kavane 25:28

Ati vayaʼmogi uʼa yafa kegiʼyamo aeʼa halagape vaiʼnaya taonimo haneʼniya kava huʼa hapauʼniya kavateʼmo alagepa huʼa noʼyagaiya vayaʼmo maiʼnae.

Mai'naya kavane 29:20

Mago afinaʼmo vayaʼmogimo negi vekamo afaʼa ha maegayaʼmonanafa agesamo oʼafiʼneno malage huno fikumo ge nehiya vekamo ha oʼmaegae.

Matiyu 5:22

Afiʼnayaʼmonanafa nagaemo huʼnaeʼmo, mago vekamoʼmo agaetegamo hosu kavaʼmo osuʼnisiya konagaʼamofeʼmo aipamo leno atesiyana agoti huno ategaiye. Mago vekamoʼmo konagaʼamofeʼmo, nagiʼnaga vekae, huno huʼnisiyana kanisole vayaʼaitegamo avalelinuno alino he tino ategaiye. Mago vekamoʼa konagaʼamofeʼmo, faipa nagiʼnaga vekae, huno huʼnisiyana ata kopiʼmo uʼa nelamiya kateʼmo neʼviye.

Maki 12:37

Neviniʼa Kalaisi vekaeʼmo Ala kava neʼnie, huno huʼniyaʼmofeʼmo haiya kava huno Kalaisi neʼmoʼa Nevini akamelegatiʼmo aginagoʼamo maiʼniye, huno apafi geʼniye. Muki asole afa vayaʼmogimo geʼamo afiteʼapaeʼmo apamogaga aiʼnae.

Maki 2:2

asole vayaʼmo malage huʼa eʼa aliʼa anupa huʼa maiʼnaya nopiʼmo uʼa haiʼa maiʼa kili paeteʼa kipategaʼeʼmo mailiʼa emi eʼnageno maisaya yaʼmo ohaneʼniye. Yesuʼa Goti gemo aeno hakalo huno hapa nepaigeʼapaeʼmo

Luki 15:1

Mago afinaʼmo takesi moni neʼaliya vayaʼe Yu monoʼmo noʼafiya vayaʼmogiʼeʼmo Yesu geʼamo afisayafeʼmo eʼnae.

Luki 19:48

Huʼnayaʼmonanafa muki afa vayaʼmogiʼeʼmo geʼamo afisayafeʼmo hapauʼniyaʼmofeʼmo amagisaya kaʼmo oʼageʼnae.

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Apa 10:33

malage huʼna kagaefeʼmo ge huʼnogeka alagepa kava huka nagaetegamo eʼnane. Gotiʼa ani gemo hapa paiyo, huno kaha paiʼniya gemo laha paisanageta afisunafeʼmo hemenimo Goti aulagaleʼmo eta alita anupa huta maiʼnone, huno ha paiʼniye.

Apa 13:48

Alu nofi vayaʼmogimo ani gemo afiteʼa apamogaga aiteʼapaeʼmo, ani gemo Goti geʼamo alagepa gemo haneʼniye, huʼa huteʼa Ala kava neʼmo agiʼaleʼmo aliʼa asaga huʼa ateʼnae. Gotiʼa na magi vayaʼmo alagepa huʼa maige maige huʼa maisayafeʼmo lekana paino apateʼnisifigeʼa ani vayaʼmo apakesamo afiʼa fatago huʼnae.

Apa 17:11

Meliya vayaʼmogimo ani gemo afiʼnageno apakesamo aino halo aiʼnigeʼa Tesalonaika vayaʼmo aeʼa apakaseʼa magoʼe huʼa alagepa huʼa afiʼnae. Apakaemo muki afinaʼae afinaʼaeʼmo Poloʼa lama gemo nehifi, huʼa apakesamo afiteʼa Goti Mukufiʼmo haneʼniya geeʼmo kahauya huʼa agege lekana paige huʼa maiʼnae.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Efasasi 4:26

Hosu kavafeʼmo lapaipamo leno. Lapaipamo lesiya afinaʼmo hosu kavaʼmo osiyo. Fiku yanagetapa lapaipamo leme leme neʼvisageno yegemo uno lamino falegaiye.

Efasasi 4:31

Atu ofa lapaipamo okalige lapaipamo olege lapai oʼvaige falo gemo osuge ge ohapauge muki agufa lapaini nehaya kavaʼmo atalege hutapa maiyo.

Kolosi 3:15

Gotiʼa lapaipamo alino falu huno lapateʼniya kavaʼmoʼa lapaipaleʼmo yagaino lapateno. Gotiʼa magoke vayaʼmo maisageno lapaipamoʼmo falu hisiyafeʼmo keya aeno ge huʼniye. Ani kavaʼmo hutapa maiʼnetapaeʼmo Gotifeʼmo hao ke heyo.

Kolosi 3:8

hemenimo muki mani agufa hosu kavaʼmo ataleyo. Lapaipamo olege lapai vaitapa oʼapatege hanageke yaʼmo alita oʼapamige huta faipa huta oʼapatege hosu kigi yokalo gemo osuge lapaʼye hisiya kavaʼmo alino afole aino atesiya agufa gemo osuge hutapa maiyo.

1 Tesaloniyani 2:13

Goti geʼamo lapa paiʼnonagetapa afitetapaeʼmo, ma mopafi vayaʼai gemo ohaneʼnifa Goti geʼamo haneʼniye, hutapa huʼnayaʼmofeʼmo Gotifekeʼmo hao ke hege hege huta maiʼnone. He, lapakaemo lama gemo huʼnae. Afiʼnaya gemo Goti geʼageʼmo haneʼniye. Mani gemoʼa lapakesamo afita fatago nehaya vayaʼmogitapa lapaipafiʼmo lokiya vaino aliʼyaʼmo neʼaligenoʼaeʼmo neʼyaʼmo afole neʼaiye.

Yemisi 1:16

Nahauʼniya konagaʼnimogitapae, huʼna, humi lapatesayafeʼmo hisaya gemo alagi oʼafiyo.

Yemisi 1:2

Konagaʼnimogitapae, huʼna, lapakaemo asole hanageke kavapiʼmo asagautapa aiʼnisayaʼmoʼmo lapamalageka nehisigetapaeʼmo lusi kava huta lamogaga aisuna agufa kavaʼmo afole aiʼniye, hutapa lapakesamo afiyo.

Yemisi 1:26

Mago vekamoʼmo hunoʼaeʼmo, mono vekamo maiʼnove, huno agesamo afiʼnisiyaʼmoʼmo avayaleʼmo alagepa huno oʼyagaino hosu gemo nehisiyana mono nehiya kavaʼamo ina agufa kavaʼmo haneʼniyanageno alagi ha oʼmaegaiye. Agaiʼaeʼmo humi neʼate.

Yemisi 2:1

Konagaʼnimogitapae, huʼna, lapakaemo Ala kava netimo Yesu Kalaisiʼa ha le konali agi vekaeʼmo lapakesamo afita fatago nehutapaeʼmo ala apaki vayaʼaitegaʼe aise apaki vayaʼaitegaʼeʼmo magoke aiyaya kavaʼmo hiyo.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

Yemisi 3:10

Konagaʼnimogitapae, huʼna, magoke lavayafatiʼmo aulena geʼe lifana geʼeʼmo nehuna gemo kanale gemo nosune.

Yemisi 4:11

Konagatapimogifeʼmo huta faipa hutapa oʼapateyo. Mago vekamoʼmo konagaʼamofeʼmo huno faipa huno ateteno alino fako huno atesiyana Goti keʼaepa geʼaeʼmo huno faipa huno ateteno alino fako huno neʼate. Lapakaemo keʼaepa geʼamo alita fako hutapa atesayana keʼaepa geʼamo akame osutapa keʼaepa geʼamo alita fako hutapa neʼatae.

Yemisi 5:12

Konagaʼnimogitapae, huʼna, hogote kavaʼmo ina kavaʼmo huno haneʼniyanagi getapimo alita lokiya vaitapa atesayafeʼmo hutapaeʼmo kokuʼnategaeʼmofi ma mopalefeʼmofi alu yatetiʼeʼmofi hutapa alagi lama gemo nehuve, hutapa osiyo. Fiku yanageno Gotiʼa agoti huno lapategaiyaʼmofeʼmo he, nehutapaeʼmo heʼageʼmo hiyo. Haʼao, nehutapaeʼmo haʼaoʼageʼmo hiyo.

Yemisi 5:19

Konagaʼnimogitapae, huʼna, lapakaepatiʼmo mago vekamoʼmo alagepa kaʼmo ataleno uneno nehisigenoʼaeʼmo mago vekamoʼa avalelino esiyana,

1 Yoni 2:21

Inagi lapakaemo lama gemo oʼafiʼnayaʼmofeʼmo mani gemo avoʼmo okaeʼnofa lapakaemo lama gemo ago afitetapaeʼmo aigofe gemoʼmo lama gefatiʼmo afole noʼaiye, hutapa ago afiʼnayaʼmofeʼmo lapakaefeʼmo mani gemo avoʼmo kaeʼnove.