Yemisi 1:17 - The Keyagana NT and 25 OT books

¹⁷ Gotiʼa muki alagepa yaʼe haino hapaiʼniya yaʼeʼmo fikumo neʼapamigenoʼaeʼmo kokuʼnapatiʼmo emineʼniye. Muki kokuʼnate aeno ha neleya yaʼmoʼa alu kava alu kavaʼmo huno aeno ha neleyaʼmonanafa ani aeno ha neleya yaʼmo Afoʼamoʼmo alu kava alu kavaʼmo osuno magoke agufa kavaʼmo huno fikumo neʼapamiye.

Yemisi 1:17 ပူးပေါင်းရင်းမြစ်များ

Aepa Gemae 41:16

Yosefeʼa geʼaleʼmo aeno atagaina hunoʼaeʼmo, Nagaiʼnimo alagamuna gemo aepaʼamo afaʼa kaha opaigufa Gotikeʼmo aepaʼamo afaʼa kaha paisigeno kaipamoʼmo falu hugiye, huno ha paiʼniye.

Samu 122:6

Yulusalemu vayaʼmo alagepa huʼa maiʼa haga lesayafeʼmo nunumuʼmo hutapa apateyo. Yulusalemu taonieʼmo hapauʼnisiya vayaʼmogimo alagepa huʼa maiyo.

Samu 136:7

Agaemo yegeʼeʼ kaiʼeʼmo alo huʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 84:11

Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Samu 85:12

He, Ala kava neʼmoʼa alagepa yaʼmo lamisigeno lagae mopafatiʼmo neʼyaʼmo hagegaiye.

Mai'naya kavane 2:6

Ala kava neʼmoʼa afiteʼa neʼagaya kavaʼmo alino neʼapamiye. Agaiʼa avayafatiʼmo afiteʼa neʼagaya kavaʼe afiʼa aeto nehaya kavaʼeʼmo emineneʼe.

Aiyeya 45:7

Nagaekeʼmo ge nehugenoʼaekeʼmo aeno ha leteno hani hugiye. Nagaekeʼmo magokepiʼmo alagepa huʼa maisaya afinaʼmo alo huge alopa kana yaʼmo alisaya afinaʼmo alo huge nehuve. Nagaemo muki ani kavaʼmo nehugenoʼaeʼmo afole neʼaiye.

Aiyeya 60:19

Felugamo yegemoʼmo magoʼe huno aeno haleno lapatesiya yaʼmo ohanege haniʼilagamo kaimoʼmo magoʼe huno aeno haleno lapatesiya yaʼmo ohanege hugiyaʼmonanafa Ala kava neʼmoʼa muki afinaʼaeʼmo yu oseno aeno ha leno lapatesiya vekamo maigiye. Ina kava huno Gotitapimoʼmo ha le konali yatapimo maigiye.

Malakai 3:6

Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Yekopu nofi vayaʼmogitapae, huʼna, Nagaemo Ala kava neʼmoʼnamo kavaʼnimo ataleʼna aliʼna alu kavaʼmo afaʼa nosuvaʼmofeʼmo alagi aliʼna hano huʼna olapataleʼnovanageʼna afaʼa aliʼna hano huʼna olapatalegauve.

Napa 11:17

Inagi nagaemo emiʼneʼna kagaeʼeʼmo gege huguʼae. Nagaemo kagaeteʼmo maiʼniya Aunemeʼamo kamiʼnova Aunemepatiʼmo mago aliʼna apamiguve. Apamisugeʼa kaha maeʼa aliʼnana kana yapatiʼmo alisageka kagaikageʼmo muki kana yaʼamo oʼaligane.

Napa 11:25

Maiʼnagenoʼaeʼmo Ala kava neʼmo ani hiyapiʼmo maiteno emineno Mosesefeʼmo ha paiʼniye. Agaemo Moseseʼeʼmo maiʼniya Aunemeʼafatiʼmo alino sevetiʼa vayatama vayaʼaina apamiʼnigeʼa Gotitegati gemo aliniʼeʼa aeʼa hakalo huʼa hapa paiʼnae. Huʼnayaʼmonanafa henagaʼamo halate ani kavaʼmo osuʼnae.

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Matiyu 7:11

Lapakaemo hosu vayaʼmo maiʼnayaʼmonanafa mafaʼnetapimo alagepa yakeʼmo alita neʼapamiya kava huno kokuʼnapi afotapimoʼmo magoʼe huno aeno lapaka seno maiʼnenoʼaeʼmo ge huʼa afi nekaya vayaʼmo alagepa yaʼmo apamigiye.

Luki 11:13

Lapakaemo hosu vayaʼmo maiʼnayaʼmonanafa mafaʼnetapimo alagepa yaʼmo alita neʼapamiya agufa kavaʼmo huno kokuʼnapi afotapimofeʼmo kaote Kaunekameʼmo alika namiyo, huʼa ge huʼa afi gesaya vayaʼmo afaʼa magoʼe huno alino apamigiye, huno hapa paiʼniye.

Yoni 1:9

Ani vekamo alagi lama ge alagepa ha le vekamoʼmo muki vayaʼmo ma mopafiʼmo afole neʼaiya vayaʼmo ha le yaʼmo alino neʼapamiye.

Yoni 3:27

Yoniʼa hunoʼaeʼmo, Gotiʼa mago vekamo agiʼaleʼmo alino asaga huno oʼateʼnisiyana ala agiʼamo oʼaligiye.

Yoni 3:3

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo,

Yoni 8:12

Yesuʼa halate ina ge huno hapa paiʼniye. Ma mopafi vayaʼai ha le yaʼapimo maiʼnove. Ina lagimo nakame nehisafigeʼa alagepa huʼa maisaya yaʼmo alino apave lisiya ha le yaʼmo aliteʼa hanipiʼmo umenitata osugae.

Apa 11:18

Ani gemo afiteʼapaeʼmo mago gemo osuʼa Goti agiʼalekeʼmo aliʼa asaga huteʼapaeʼmo, Gotiʼa alu nofi vayaʼmo ofaliʼa afaʼa maisayafeʼmo apaipamo aliʼa afe lesaya kavaʼmo alino apamiʼniyanageʼa afaʼa maigae, huʼa huʼnae.

Apa 5:31

Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

1 Kolitiyani 4:7

Ina laʼmo aeto agufa vayaʼmo alino hamaleno lapateʼniye. Na agufa yaʼmo aliʼnaya yatapimo Gotiʼa olapamiʼniye. Haʼao, muki yatimo lamiʼniye, hutapa nehisayana na kava higetapaeʼmo olapamiʼniyesina agufa kavatefeʼmo lapakitapileʼmo alitapa asaga hutapa nelapatae.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 2:8

Gotiʼa fikumo lapa maeno lapamitenoʼaeʼmo lapakesamo afita fatago huʼnaya kavatetiʼmo lapakufamo alino katino lapateʼniye. Lapakaitapimo lapakesamo afita fatago osuʼnafa Gotiʼa fikumo lapa maeno lapamiʼnigetapa lapakesamo afita fatago huʼnae.

Filipai 1:29

He, Gotiʼa Kalaisifekeʼmo lapakesamo afita fatago hisaya kavaʼageʼmo fikumo olapamiʼnifa agaetefeʼmo lapakafu kisiya kavaʼeʼmo lapamiʼniye.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

Himulu 13:8

Yesu Kalaisiʼa alu afina alu afinaʼmo alu kavaʼmo huno noʼmaifa akeyaʼvilaga maiʼniya kavakeʼmo huno neʼmaiyanageno henagaʼamo ani agufa kavakeʼmo huno maigiye.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.

Yemisi 3:15

Ani agufa ageteʼa afiʼnaya kavaʼapimo kokuʼnapatiʼmo emi noʼmeʼnifa ma mopafi vayaʼai kavaʼapimo apakufamoʼmo hauʼniya kavaʼmo Satanitegatiʼmo afole neʼaiye.

Yemisi 3:17

Hugayaʼmonanafa siosi vayaʼmogi alagepa huʼa ageteʼa afiʼnaya kavaʼmo kokuʼnapatiʼmo aliʼnisayana hogoteʼa yaveyave apaipamo aliteʼa alagepa huʼa magokepi lokaeʼa maige yagu yaga kavaʼmo huge vayaʼai geʼapimo afiteʼa hapau huʼa apatege alu alagepa kava alu alagepa kavaʼmo huge nehae. Apakaemo muki vayaʼaitegamo magoke aiyaya kavaʼmo huteʼa aeʼa ati okaeʼa afole yateʼmo neʼmaiye.

1 Yoni 1:5

Goti Mafaʼneʼamoʼmo ani ge huno laha paiʼnigeta afitetaeʼmo aeta hakalo huta lapa nepaune. Lapa paitaeʼmo Gotiʼa ha le yaʼaʼe vekamo maiʼnigeno aipafiʼmo hani yaʼamo alagi ohaneʼniye, huta lapa nepaune.

1 Yoni 4:10

Alopa alagepa kavaʼmo haneʼniyana lagaemo Gotifeʼmo lahau layamopafiʼmo olahauʼniyaʼmonanafa Gotiʼa lagaefeʼmo hau ayamopafiʼmo hauʼniye. Agaemo lagaefeʼmo hau ayamopafiʼmo hauʼnisigeno aipamoʼmo falu huno latesiyafeʼmo Mafaʼneʼamo alino ateʼnigeno emineno hosu kavatilefeʼmo falino miya faino lateʼniye.

Leveleseni 21:23

Gotiʼa ha le konali yaʼamoʼmo aeno ha leʼnigeno aikeli sipisipimoʼa lamugana huno aeno ha neleyaʼmofeʼmo yegemoʼe kaimoʼeʼmo aeʼana ha lesaʼa aliʼyaʼanimo alagi ohaneʼniye.

Leveleseni 22:5

Halate magoʼe huno hani osugiye. Ala kava neʼmo Gotiʼa ha le yaʼmo apamigiyaʼmofeʼmo lamumoʼmo aeno ha neleya yaʼmo alagi ohanegaiye. Apakaemo yagaime yagaime uʼa yagaiʼa hano osuʼa maigae.

1 Samiyo 15:29

Gotiʼa Isaleli vayaʼai lokiyaʼapimo maiʼnenoʼaeʼmo aigofe gemo osuno alu aipa agesamo oʼafigiye. Ma mopafi vekamo oʼmaiʼniyaʼmofeʼmae, huno ha paiʼniye.