Yemisi 1:16 - The Keyagana NT and 25 OT books

¹⁶ Nahauʼniya konagaʼnimogitapae, huʼna, humi lapatesayafeʼmo hisaya gemo alagi oʼafiyo.

Yemisi 1:16 ပူးပေါင်းရင်းမြစ်များ

Matiyu 22:29

Yesuʼa hapa painoʼaeʼmo, lapakaemo Goti Mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Maki 12:24

Afi geʼnagenoʼaeʼmo, lapakaemo Goti mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Maki 12:27

Agaemo alagi faliʼnaya vayaʼai Gotiʼapimoʼa oʼmaiʼnifa apauneʼapameʼmo aliʼnaya vayaʼai Gotiʼapimoʼa maiʼniye. Alagi ika ika lapakesamo afiʼnetapaeʼmo ani gemo nehae, huno hapa paiʼniye.

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

1 Kolitiyani 6:9

Hosu kavaʼmo nehaya vayaʼmogimo Gotiʼa yagaino neʼapateya koteʼmo uʼa haiʼa oʼmaigae, hutapa oʼafiʼnafiye. Lapakaitapieʼmo humi olapateyo. Kumai kavaʼmo nehaya vayaʼmofi aigofe gotiʼapimogi apakame nehaya vayaʼmofi alu vayaʼai aʼnemo apayate neʼaliya vayaʼmofi vemogi aʼnegana huʼa kumai kavaʼmo nehaya vayaʼmofi negafo negafo huteʼa magokepi lokaeʼa neʼmaiya kavaʼmoʼa kumai kavakana agufa kavaʼmo nehaya vayaʼmofi

Galesiya 6:7

Lapakaitapieʼmo humi olapateyo. Lapakaemo Gotifeʼmo afaʼa hutapa ami oʼmalegae. Haʼao, na agufa avina yaʼmo hakaleʼnisafigeno hagesigetapaeʼmo ani agufa neʼyaʼmo aligae.

Filipai 2:12

Gotiʼa agaiʼamo hauʼniyanageno amogaga aisiyafeʼmo lapaipafiʼmo aliʼyaʼmo neʼaliye. Lapakaemo alagepa kavafeʼmo lapaipa kalige huge hisayafeʼmo lapaipafiʼmo himamuʼaletiʼmo aliʼyaʼmo neʼaliyaʼmofeʼmo koli hutetapa atete nehutapaeʼmo aliʼyaʼmo aliyo. Nahauʼniya vayaʼnimogitapae, huʼna, Gotiʼa ani aliʼyaʼmo neʼaliyaʼmofeʼmo lapakufamo alita katita lapatetapa hano hiyo. Nagaemo lapakaeʼeʼmo magokepiʼmo lokaeʼna maiʼnova afinaʼmo lapakaemo akame huʼnaya agufa kavaʼmo hutapa hemenimo lapakaeʼeʼmo oʼmaiʼnovanagi magoʼe hutapa akame hiyo.

Filipai 4:1

Nahau nayamopafiʼmo nahauʼniya konagaʼnimogitapae, huʼna, lapakaefeʼmo lusi kava huno neʼnahaiye. Lapakaefeʼmo namogaga neʼauvanageno Gotiʼa lapakaetetiʼmo ala nagiʼnimo namigiye. Inagi Ala kava nepiʼmo lokiya vaitapa he tita maiyo.

Kolosi 2:4

Mago vayaʼmogimo haga lapausiya agufa gemo huteʼapaeʼmo lapakesamo faiteʼa humi olapatesayafeʼmo mani gemo lapa nepauve.

Kolosi 2:8

Fiku yanageʼa mago vayaʼmogimo ma mopafi vayaʼmogi ageteʼa afiʼnaya agufa gemo huge afa aigofe gemo huge huʼa humi lapategayanagi ehetapiye. Mani gemo Kalaisitegatiʼmo noʼmefa apakinago vayaʼmogi nehaya agufa gemo ma mopafi kavaʼmo ani kavaʼmo huno afole aiʼniye, huʼa nehaya geeʼmo apakesamo neʼafiya yaʼapifatiʼmo neʼe.

2 Timoti 2:18

Anakaemo alagepa kaʼmo atale uʼanaeʼmo, agaegiʼeʼmo ago he tiʼnonanageta falisunatetiʼmo halate he otigune, huʼana hapa paiʼnaʼageʼapaeʼmo mago vayaʼamogi apakesamo afiʼa fatago huʼnaya kavaʼapimo aliʼana ataleʼnaʼageno asagauno aiʼniye.

Himulu 13:1

Konagatapieʼmo nelapaiya kavaʼmo oʼataletapa magoʼe huno lapau lapayamopafiʼmo lapaino.

Yemisi 1:19

Nahauʼniya konagaʼnimogitapae, huʼna, geʼaletiʼmo alino lapateʼniyaʼmofeʼmo mukiʼamogitapamo geʼamo afisayafeʼmo lapayamukiki hutapa afiyo. Gemo hisayafeʼmo vase vase hutapa ge hiyo. Lapaipamo lesiyafeʼmo vase vase huno lapaipamo leno.

Yemisi 1:2

Konagaʼnimogitapae, huʼna, lapakaemo asole hanageke kavapiʼmo asagautapa aiʼnisayaʼmoʼmo lapamalageka nehisigetapaeʼmo lusi kava huta lamogaga aisuna agufa kavaʼmo afole aiʼniye, hutapa lapakesamo afiyo.

Yemisi 2:1

Konagaʼnimogitapae, huʼna, lapakaemo Ala kava netimo Yesu Kalaisiʼa ha le konali agi vekaeʼmo lapakesamo afita fatago nehutapaeʼmo ala apaki vayaʼaitegaʼe aise apaki vayaʼaitegaʼeʼmo magoke aiyaya kavaʼmo hiyo.

Yemisi 2:14

Konagaʼnimogitapae, huʼna, Mago vekamoʼmo, nagesamo afiʼna fatago nehuve, huno nehiyaʼmonanafa alagepa kavaʼmo nosisiyana agesamo afino fatago huʼniya kavaʼamo ina agufa kavaʼmae. Ani agufa agesamo afino fatago huʼniya kavaʼamoʼa afaʼa ha maegaifiye. Haʼao afaʼa ha oʼmaegaiye.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

Yemisi 3:1

Konagaʼnimogitapae, huʼna, fiku yanagetapa mukiʼamogitapamo, lagaemo yagaita apatesuna tisa vayaʼmo maigesune, hutapa hugae. Na kava hinagetapaene. Gotiʼa tisa vayaʼmogitamo lusi kava huno agoti huno lategaiyaʼmofeʼmae.

Yemisi 3:10

Konagaʼnimogitapae, huʼna, magoke lavayafatiʼmo aulena geʼe lifana geʼeʼmo nehuna gemo kanale gemo nosune.

Yemisi 4:11

Konagatapimogifeʼmo huta faipa hutapa oʼapateyo. Mago vekamoʼmo konagaʼamofeʼmo huno faipa huno ateteno alino fako huno atesiyana Goti keʼaepa geʼaeʼmo huno faipa huno ateteno alino fako huno neʼate. Lapakaemo keʼaepa geʼamo alita fako hutapa atesayana keʼaepa geʼamo akame osutapa keʼaepa geʼamo alita fako hutapa neʼatae.

Yemisi 5:12

Konagaʼnimogitapae, huʼna, hogote kavaʼmo ina kavaʼmo huno haneʼniyanagi getapimo alita lokiya vaitapa atesayafeʼmo hutapaeʼmo kokuʼnategaeʼmofi ma mopalefeʼmofi alu yatetiʼeʼmofi hutapa alagi lama gemo nehuve, hutapa osiyo. Fiku yanageno Gotiʼa agoti huno lapategaiyaʼmofeʼmo he, nehutapaeʼmo heʼageʼmo hiyo. Haʼao, nehutapaeʼmo haʼaoʼageʼmo hiyo.

Yemisi 5:19

Konagaʼnimogitapae, huʼna, lapakaepatiʼmo mago vekamoʼmo alagepa kaʼmo ataleno uneno nehisigenoʼaeʼmo mago vekamoʼa avalelino esiyana,