Yemisi 1:15 - The Keyagana NT and 25 OT books

¹⁵ Aʼnemogi apaipaguʼeʼmo maiteʼa mafaʼnemo aliʼa neʼapataya kava huno apakufamoʼmo hauʼniya kavaʼmoʼa aipaguʼeʼmo maiteno hosu kavaʼmo alino neʼate. Hosu kavaʼmo alino ateʼnigeno ko sino alopa hetenoʼaeʼmo nefaliya kavaʼmo alino afole aino neʼate.

Yemisi 1:15 ပူးပေါင်းရင်းမြစ်များ

Aepa Gemae 2:17

Neganaʼmonanafa alagepa kavaʼe hosu kavaʼeʼmo alino apave lisigeʼa afiteʼa agesaya yosa alagamo ma haneʼniyanagi oʼno. Nesana afinaʼmo ago alagi faligane, huno ha paiʼniye.

Aepa Gemae 3:6

A kanomoʼmo ani yosa alagamo ageʼniyana alagepa yosa alagamo aeʼnigeno ageno haʼye huʼniye. A kanomoʼmo ina kava huno agesamo afiʼniye, kanalenageʼna mani yosa alagamo neteʼnaeʼmo alagepa huʼna afiteʼna agegauve, huno huteno ani yosa alagamo lagino neʼniye. Neteno anauʼamoʼmo agaeʼeʼmo lokaeno maiʼniya vekamo amiʼnigeno neʼniye.

2 Samiyo 11:4

Neviniʼa afitenoʼaeʼmo mago vayaʼmo alino apateʼnigeʼa uʼa Matasimaʼmo avaleliʼa eʼnae. Ani afinaʼmo Matasimaʼmo aigu yaʼmo hauno hano hutegeno Yuta aʼne anagaʼmogi mono nehaya kavaʼmo akame huno halate alino kanale huʼniye. Inagi Nevinitegamo eʼnigeno Neviniʼa agaeʼeʼmo lokaeno havaeʼniye. Halate Matasimaʼa noʼalegamo uʼniye.

Samu 7:14

Aʼnemogi mafaʼne aliʼa neʼapataya kava huʼa hanageke yaʼmo apamisayafeʼmo apakesa afifi nehuʼa aigofe kavaʼmo aliʼa afole aiʼa neʼatae.

Samu 9:17

Hosu kavaʼmo nehaya vayaʼmogimo ata kopiʼmo uʼa lamigae. Muki vayaʼmogimo Gotifeʼmo apake nekaniya vayaʼmo ata kopiʼmo uʼa lamigae.

Mai'naya kavane 11:19

Muki vayaʼmogi fatago kavaʼmo akame nehisayana afaʼa maisaya yaʼmo aligayaʼmonanafa hosu kavaʼmo hisayafeʼmo vegala neʼaya vayaʼmo faligae.

Aiyeya 33:11

Lapakaemo aliʼyaʼmo alisayafeʼmo lapakesamo afigayaʼmonanafa haletiʼya yakana agufa kava huno afole aigiye. Aliʼyaʼmo alisagenoʼaeʼmo afa kahaugeʼmo afole aigiye. Lapavamusaʼmo atagana huno alino hano huno atalegaiye.

Aiyeya 59:4

Apakaepatiʼmo mago vekamoʼmo, alagepa hutapa alita fako hiyo, huno nosiye. Mukiʼamogi lama gemo afole aisigeno hapa maesiyafeʼmo agoti gefiʼmo alagepa huʼa akame huʼa ge nosae. Apakaiʼapimo hapa maesiyafeʼmo alu ge alu gemo aigofeʼmo nehae. Apakaemo hosu kavaʼmo apaipaguʼeʼmo maiʼneʼa aʼnemogi mafaʼnemo aliʼa neʼataya kava huʼa ani hosu kavaʼmo aliʼa neʼatae.

Matiyu 26:14

Yutasiʼa Isakaliyoti kotega vekamo tuolofuʼa vayapati vekamo apataleno mono huʼa neʼapataya vayaʼaiteʼmo yagaiʼa neʼapataya vayaʼaitegamo uno hapa painoʼaeʼmo,

Matiyu 5:28

Mani gemo ago huʼnayaʼmonanafa hemenimo nagaemo lapa paiʼnaeʼmo, Mago vekamoʼa a kanomo agetenoʼaeʼmo haʼye nehisiyana aipafiʼmo ani a kanoʼeʼmo kumai kavaʼmo huʼniye.

Yemisi 1:14

Apakaiʼapi apakufamoʼmo hauʼniya kavaʼmoʼa apayateʼmo heno apavayu hulino hosu kavategamo neʼviye.

Yemisi 1:18

Agaemo hauʼnigeno muki alo huno apateʼniya vayaʼmo aeta apakaseta maisunafeʼmo lama geʼaletiʼmo alino lateʼnigeta mafaʼneʼamo maiʼnone.